Biblia Todo Logo
Bib sou entènèt

- Piblisite -




Yahya 10:4 - Alkitab Duri

4 Ia ke napasunmi joo bembala'na, jolomi lako lumingka joo tomangrewana, naundi to bembala'na nasaba' napegamarai to gamaranna.

Gade chapit la Kopi




Yahya 10:4
23 Referans Kwoze  

Den unapa bembala' laen, to bembala'-Ku' toda, apa te'da ia napole lan mai ntee bala. Na la kusolan toda, nasa'dingngi to gamarang-Ku', namangmesa sola ngasanni na mesa'ra tomangrewana.


Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”


Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”


Napileimo kamu' Puang Allataala mpugaukki susi joo. Moi Almaseh mperasai pa'dik ssulle kamu', anna menjaji palelean mata lako kamu' ammituru'i.


Danggi' miangga' susi puang kalemi mparentai to todipabarakkanan kamu', apa la manggauk melora kamu' ammimenjaji palelean mata.


Turu'i to panggaukanku', susi aku' nturu' panggaukan-Na Almaseh.


Sininna to toratu jolo na Aku', iamo taboko ba'tu parampo', apa te'da napesa'dingngii bembala' to gamaranna.


Mangkadami Puang Isa lako anak gurun-Na nakua, “Ia to tolanturu'na', te'da nalanturu'i bang pakkaeloran penawanna, apa la mpassan kaju sitambenna, naturu' tarruhna'.


La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.


Najoloanmiki' Puang Isa lako ntuu joo, na menjaji Imang Lompota' te'da cappa'na, susi imang Melkisedek.


Turu'i to sipa'-Na Puang Allataala, nasaba' kamu'mo anak napakamoja'.


Susinna jio pangmaroasan tobotting, tobotting muane ia to majao, sanga ia puangna tobotting baine. Ia to soba'na mesa' ke'deh nasikandoppitan, liwa' sannang ssa'dingngi to gamaranna tobotting muane. Ia tee aku' susira' soba'na tee tobotting muane. Liwa'na masannang tee too, nasaba' budamo tau ratu lako Puang Isa.


Kupugaukki susi tee lako kalemi, ammipugauk todai lako padanta' tomatappa'.


Mangkami Almaseh mperasai kamapa'dikan jao kaju sitamben. Iamo joo moi kamu' la sadia toda kamu' mperasaii susi to naperasai Almaseh. Sanga ia to tomangkamo mperasai kamapa'dikan susi joo cia'mo mpugauk dosa.


Ia joo tomangngampa babangan natimbakanni, namentama joo tomangrewa. Ia to bembala'na mpesa'dingngi to gamaranna, ke natambai simesa'-mesa'i to sanganna, nasolanni messun.


Cia'i meundi lako tolaen, apa la palairi, sanga te'da napegamarai.”


Nasa'ding bembala'-Ku' to gamarang-Ku'. Na kuissenni, naundi ngasanmi lako Aku'.


Swiv nou:

Piblisite


Piblisite