Yahya 1:9 - Alkitab Duri

⁹ Ia joo Kada, iamo Arrang tongan, ratumo tama lino nnarrangngi penawanna sininna tolino.

Yahya 1:9 Referans Kwoze

Yahya 12:46

Ratumo' tama lino susi arrang, dikua na ia to tomatappa' lako Aku', te'damo nalatorro lan kamalillinan.

1 Yahya 2:8

Apa moi nasusi joo, wa'ding too dikua parenta baru, nasaba' Almasehmora to mpugaukki mipugauk todai. Susimi joo, nasaba' te'damo minnewa Puang Allataala na mangpamulamo kamu' nturu' pakkaeloran-Na Puang.

Yahya 1:4

Iamo garonto'na katuoan, na ia toomo Arrang nnarrangngi penawanna tolino.

Yahya 1:7

Iamo menjaji sa'bi ratu mpangpeissenanni joo Arrang, anna kitai tobuda, namenjaji matappa'.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 6:32

Nakua Puang Isa ngkuanni, “La miingaran tee kadang-Ku' kumua, tangngia Nabi Musa tonna anu' to mben kamu' kande jao mai suruga, apa Ambe'-Ku' Ia to mben kamu' kande tongan jao mai suruga.

1 Yahya 1:8

Ia ke mangkadaki' kumua te'da tamadosa, nnuragaki' kaleta' na te'da too taingaranni to katonganan.

Yahya 15:1

Nakua omo Puang Isa, “Aku'mo garonto' anggoro' melo, na Ambe'-Ku' pangbara'bahna.

Yahya 7:12

Buda tau ncurita buni bangngi. Den to mpau meloi nakua, “Tomelo Ia.” Den too to mpau tangmeloi nakua, “Te'da na tomelo, tompalao sala tobuda.”

Matius 6:23

Apa ianna tangmelo to mata penawammi, manassa te'da mipahangngi to pangngajaran tongan. Jaji, ianna pamalillinni Ballisi' to mata penawammi, manassa te'da mipahangngi to pangngajaran tongan.

Lukas 11:36

Ia ke naarrangngi Puang Allataala to mata penawammi sanggenna te'da pangngajaran tongan jio mai Puang Allataala to te'da miissenni, melo ngasan to katuoanmi, susi bola ke naarrangngi lampu.”