Yahya 1:49 - Alkitab Duri

⁴⁹ Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 1:49 Referans Kwoze

Yahya 1:34

Nakuapa Nabi Yahya, “Mangkamo' ngkita kalenai na kupangpeissenanmo kumua, Iamo Anak Allataala.”

Lukas 19:38

Metamba-tamba tuu lako tau nakua, “Dibarakka'i to Raja ratu mpusanga sangan-Na Puang. Pakala'bihhi Puang Allataala jao kaminang majaona, na kasikalinoan jao suruga.”

Matius 27:42

“Ee, tau laen napasalama', apa tangnakulle mpasalama' kalena! Ia ke rajana tonganni to-Israel, mellaoi tee too jao mai kaju sitamben, kimane' ngkatappa'ii.

Matius 21:5

“Pauanni to-Yerusalem kumua, Ee, ratumi to Rajami. Mpamajiong penawanna ssakei keledai, mesa' keledai lundara.”

Matius 2:2

Namekutana to tau nakua, “Umbora nanii jaji to pea la menjaji rajana to-Yahudi? Kikita to bintuin-Na jao langi' jio kadellekan, na la ratukan ssuju'i.”

Yahya 1:38

Apa messailei Puang Isa, nakitai kumua napeundii, nakuamo ngkutanai, “Apara miangah?” Nakuamo mebali, “Rabi (battuananna Guru), umbora tanii torro?”

Matius 27:11

Ia tonna dipangngolomo Puang Isa lako Gubernur Pilatus, nakutanaimi nakua, “Tongannaraka, Ikomo Raja to-Yahudi?” Napebalimi nakua, “Susi tuu tapaunna, Aku'mo.”

Matius 14:33

Nasuju'mi anak gurun-Na to Puang Isa. Namangkada nakua, “Kita'mo Anak Allataala.”

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

Daniel 9:25

Ingaran meloi kumua mangpamula dipasun to parenta la mpemeloi pole' kota Yerusalem sanggenna ratu to to-Napilei Puang Allataala la mangparenta, den pitu manglokkon pitung taun na pitu manglokkon annanpulona dua taunna. La digaraga pole'i to lalan jio kota Yerusalem na la dibenteng mengguririk tooi, apa kamaparrisan la'da' joo wattu.

Matius 4:3

Ratumi to Ballisi' mpengkulle-kullei ssedei mpugauk dosa nakua, “Suai tee batu menjaji kande, sanga Anak Allataalako.”

Matius 23:7

Namadoang bang ditaratte' jio pasa', namadoang too ditambai ‘Guru’.

Matius 23:8

Danggi' mimadoang disanga ‘Guru’, nasaba' tosile'to ngasan kamu' na mesa'ra Gurummi.

Markus 15:32

Ia ke rajana tonganni to-Israel, mellaoi tee too jao mai joo kaju sitamben angkikitai, kimane' ngkatappa'ii kumua Iamo Raja Mangpasalama'.” Ia to tau dipampang sola, ncapa'-capa' tooi.

Lukas 1:35

Mebalimi joo malaeka' nakua, “Roh Allataala la rratuiko na kuasan-Na Puang Allataala la torro ssolanko. Iamo joo namala'bih joo pea la jaji nadisanga Anak Allataala.

Yahya 1:50

Nakua Puang Isa, “Iara mumatappa' nasaba' kukuanko, ‘Kukitako jiong garonto' ara.’ Te'dapa nasipennapan joo mukitanna. Denpa to la'bih mala'bih na ia joo la mukita!”

Yahya 4:31

Ia joo wattu natambaimi anak gurun-Na to Puang Isa nakua, “Ee Guru, takumandemo!”