Yahya 1:48 - Alkitab Duri

⁴⁸ Mekutanami Natanael nakua, “Umbora takua nnissenna'?” Mebalimi Puang Isa nakua, “Te'dapa natambaiko Filipus, kukitamoko jiong garonto' ara.”

Yahya 1:48 Referans Kwoze

Yahya 2:25

Te'da naparallu dipangpeissenan lako Puang Isa kumua matumba sipa'na to tolino, nasaba' naissen jolo Ia to apa lan penawanna tau.

Matius 6:6

Apa ia ke massambajang kamu', mentama kamu' sapa', misalli'i, mimane' massambajang lako Ambe'mi Puang Allataala, to tangnakita mata. Na ia to mipugaukkuna nakita Ambe'mi Puang Allataala, to la ben kamu' pahalami.

1 Korintus 14:25

Kaissenanni to apa membuni lan penawanna, anna suju' ssompa Puang Allataala. Nakatappa'i kumua, “Lan tonganmo tangnga-tangngami to Puang Allataala.”

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.

Matius 10:3

Sitarruhna Filipus, Bartolomeus, Tomas, Matius to passassung, Yakub anakkana Alfeus, Tadeus,

Yahya 1:44

Ia joo Filipus sangkampongngi Andreas sola Petrus, to-Betsaida.

Yahya 6:5

Mengkita mengguririkmi Puang Isa nasiassa'-assa' bangmi to tau ratu lako Ia, mangkadami lako Filipus nakua, “Umbomo la dinii nnalli kande nawa'ding kumande ngasan tee tau?”

Yahya 6:7

Mebalii Filipus nakua, “Na moi dua ratuh dinar diallian roti tee tau pada budanna, te'dapa nalaganna' moi naditawai sisangti'pekra.”

Yahya 12:21

Malei to to-Yunani lako Filipus nakuanni, “Oo mane, ia ke wa'dingngi, madoangkan la sitammu Puang Isa.” (Ia to Filipus to-Betsaida jio tana Galilea.)

Yahya 14:8

Nakua Filipus lako Puang Isa, “Oo Puang, tapakitankan joo Ambe' nasau penawangki'.”