Yahya 1:45 - Alkitab Duri

⁴⁵ Malemi Filipus ntiro solana disanga Natanael napauanni kumua, “Siampa'mokan Raja Mangpasalama' to nauki' Nabi Musa sola sininna nabi laen lan sura'na tonna anu'. Iamo to disanga Puang Isa to-Nazaret anakkana Yusuf.”

Yahya 1:45 Referans Kwoze

Lukas 24:27

Mangkai joo too nabattuanannimi Puang Isa to apa pura diuki' lan Sura' Allataala to ntuju kalena. Napamula jio mai sura'na Nabi Musa ratu lako sura'na nabi laen.

Matius 2:23

Ia tonna ratumo re', torro jiomi mesa' kota disanga Nazaret. Susimi joo najaji to kadan-Na Puang Allataala mangka napau ba'tu pira-pira nabinna tonna anu' kumua, “La disanga to-Nazaret to Raja Mangpasalama'.”

Lukas 24:44

Ia tonna mangkamo joo, nakuamo Puang Isa lako anak gurun-Na, “Iamora tee to pura kupauan kamu' tontasola unapa, kumua sininna to pangnguki' mpauna' lan sura'na Nabi Musa, nabi laen, na Pangpujian, nang la jajinna ia.”

Lukas 4:22

Liwa' makassing to kadan-Na. Iamo joo nasijangngaran to tossa'dingngi napujii, anna mangkada nakua, “Umbo nakua anna gaja allusu' to apa napau!” Apa mangkai joo nakua omo, “Tanganakkanaraka Ia Yusuf!”

Yahya 18:7

Nakutanai pole'i Puang Isa nakua, “Indara miangah?” Mebalii nakua, “Puang Isa to-Nazaret.”

Markus 6:3

Tangpande bolaraka Ia, na anakkana Maryam? Na ia to sile'tona iamo to Yakub, Yoses, Yudas na Simon. Na torro lan too ntee kotata' to sile'to-Na baine.” Iamo joo nacia' tuu lako tau ntarimai to Puang Isa.

Matius 21:11

Mebalimi tee mai tau undi nturu'i nakua, “Nabi Isa jio mai kota Nazaret jio tana Galilea.”

Jamanna Rasulu' 22:8

Mekutanamo', ‘Ie', indariki' kita' Puang?’ Napebalina' nakua, ‘Aku'mo Puang Isa to-Nazaret to musessa.’

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Yahya 21:2

Den sangbongi nasirempun to Simon Petrus, Tomas (to disanga too Rendu), Natanael to-Kana jio tana Galilea, anakkana Zebedeus, na denpa dua anak gurun-Na laen.

Lukas 2:4

Susi toomi Yusuf male jio mai kota Nazaret jio tana Galilea, lako kota Betlehem jio tana Yudea, kota kajajianna Raja Daud, nasaba' Yusuf bati'na Raja Daud.

Markus 14:67

Ia tonna kitami to Petrus mendarang, nakaje'jekmi nakuanni, “Tangngiko todaraka sibawanna joo Puang Isa to-Nazaret.”

Matius 13:55

Tanganakkanaraka Ia pande bola, na Maryam to indo-Na? Na ia to sile'tona, iamo to Yakub, Yusuf, Simon na Yudas.

Jamanna Rasulu' 26:9

Moi aku' tonna tee kusanga gaja kuewali tooi to tonturu' Puang Isa to-Nazaret.

Jamanna Rasulu' 3:6

Apa nakua Petrus, “Ee, mane! Te'da doi' kuampui, apa ia to kuampui la kubenko. Kupaui sangan-Na Puang Isa Almaseh to-Nazaret, ‘Lumingkako!’ ”

Jamanna Rasulu' 2:22

Mpatarruhmi kadanna Petrus nakua, “Ee, tokupusile'to to-Israel! Pesa'dingngii tee kadangku'. Ia joo Puang Isa to-Nazaret mangkamo napilei naangka'i Puang Allataala menjaji Raja Mangpasalama' lako kalemi. Manassa joo, nasaba' nabenmo kuasa mpugauk tanda mejangngaran na tanda to te'da susinna lan tangnga-tangngami susi to miissenmo kamu'.

Yahya 19:19

Mangkami massua Gubernur Pilatus nadipale'ke' tee pangnguki' jao kaju sitamben-Na Puang Isa: “Isa to-Nazaret, Raja to-Yahudi.”

Yahya 18:5

Mebalimi tuu lako tau nakua, “Puang Isa to-Nazaret.” Nakua Puang Isa, “Aku'mo tee.” Ia to Yudas to mpangpejokkoanni ke'dehhi jio sola tuu lako tau.

Yahya 6:42

Pada nakuamo, “Ah, Iamo Puang Isa to anakkana Yusuf. Kiissen to tomatuan-Na! Matumbai nawa'ding kumua, ‘Mellaona' jao mai suruga?’ ”

Lukas 3:23

Ia tonna agi-agi tallung pulomi taunna umuru'na Puang Isa, napamulami to jaman-Na. Ia to naissenna tau, Yusuf to pajajianna. Na ia to njajian Yusuf disanga Eli,

Matius 10:3

Sitarruhna Filipus, Bartolomeus, Tomas, Matius to passassung, Yakub anakkana Alfeus, Tadeus,

Lukas 2:48

Moi to tomatuan-Na jangngah toda ngkitai. Nakuanmi indona nakua, “Ee mane, ammupasusirakan tee? Selang tonganmokan male nnangahko!”

Yahya 1:44

Ia joo Filipus sangkampongngi Andreas sola Petrus, to-Betsaida.

Yahya 6:5

Mengkita mengguririkmi Puang Isa nasiassa'-assa' bangmi to tau ratu lako Ia, mangkadami lako Filipus nakua, “Umbomo la dinii nnalli kande nawa'ding kumande ngasan tee tau?”

Yahya 6:7

Mebalii Filipus nakua, “Na moi dua ratuh dinar diallian roti tee tau pada budanna, te'dapa nalaganna' moi naditawai sisangti'pekra.”

Yahya 12:21

Malei to to-Yunani lako Filipus nakuanni, “Oo mane, ia ke wa'dingngi, madoangkan la sitammu Puang Isa.” (Ia to Filipus to-Betsaida jio tana Galilea.)

Yahya 14:8

Nakua Filipus lako Puang Isa, “Oo Puang, tapakitankan joo Ambe' nasau penawangki'.”

Lukas 18:37

Napauanmi tau kumua, “Liu lalanni Puang Isa to-Nazaret.”