Yahya 1:43 - Alkitab Duri

⁴³ Masawanna mangngattami Puang Isa male lako tana Galilea. Sitammumi Filipus, nakuanni, “Maleko mai nturu'na'.”

Yahya 1:43 Referans Kwoze

Yahya 14:8

Nakua Filipus lako Puang Isa, “Oo Puang, tapakitankan joo Ambe' nasau penawangki'.”

Matius 9:9

Ia tonna mpatarruhmo kalingkan-Na Puang Isa, ngkitami mesa' passassung disanga Matius cumadokko lan kantoro'na. Nakua Puang Isa lako, “Maleko mai nturu'na', kupuanak guruko!” Ta'pa ke'dehmi anna male nturu'i.

Yahya 12:21

Malei to to-Yunani lako Filipus nakuanni, “Oo mane, ia ke wa'dingngi, madoangkan la sitammu Puang Isa.” (Ia to Filipus to-Betsaida jio tana Galilea.)

1 Yahya 4:19

Mangpakamoja'ki', nasaba' napakamoja'ki' Puang Allataala.

Yahya 6:5

Mengkita mengguririkmi Puang Isa nasiassa'-assa' bangmi to tau ratu lako Ia, mangkadami lako Filipus nakua, “Umbomo la dinii nnalli kande nawa'ding kumande ngasan tee tau?”

Filipi 3:12

Te'da kukua mangkamo' nnampa'i joo kukadoangngi, iarika mangkamo' menjaji totangkasalan. Apa tarruh-tarruh bangpa' mpengkulleii, kenna wa'ding kuampa' todai, nasaba' iamo joo patun-Na napupenjajina' Puang Isa Almaseh taun-Na.

Yahya 1:28

Ia ngasanmo joo jaji jio kampong Betania, sambali' kadellekanna Sa'dan Yordan, to nanii mangjio' Nabi Yahya.

Lukas 19:10

Ia tee Aku' Anak Mentolino, ratuna' nnangah sola mpasalama' tolao sala.”

Matius 10:3

Sitarruhna Filipus, Bartolomeus, Tomas, Matius to passassung, Yakub anakkana Alfeus, Tadeus,

Yahya 6:7

Mebalii Filipus nakua, “Na moi dua ratuh dinar diallian roti tee tau pada budanna, te'dapa nalaganna' moi naditawai sisangti'pekra.”

Yahya 1:35

Masawanna ke'deh pole' omi Nabi Yahya ntuu jio sola anak gurunna dua.

Matius 4:12

Ia tonna sa'dingmi Puang Isa kumua ditarungkumi to Nabi Yahya, malemi re' tana Galilea.

Matius 8:22

Apa mebalimi nakua, “Undiko nturu'na'! Ake'mo na tomatemora llamun tomatena.”

Yahya 1:29

Masawanna malemi Puang Isa lako Nabi Yahya. Ia tonna kitai Nabi Yahya to Puang Isa mangkadami nakua, “Iamo joo Anak Bembala'-Na Puang Allataala ratu la ndampangan tolino.

Yahya 1:44

Ia joo Filipus sangkampongngi Andreas sola Petrus, to-Betsaida.

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 1:37

Nasa'dingngi joo anak gurunna dua, naundi lako Puang Isa.