Yahya 1:34 - Alkitab Duri

³⁴ Nakuapa Nabi Yahya, “Mangkamo' ngkita kalenai na kupangpeissenanmo kumua, Iamo Anak Allataala.”

Yahya 1:34 Referans Kwoze

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Matius 4:3

Ratumi to Ballisi' mpengkulle-kullei ssedei mpugauk dosa nakua, “Suai tee batu menjaji kande, sanga Anak Allataalako.”

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Pengkitanna Yahya 2:18

Nasuana' nakua, “Uki'i susi tee lako malaeka'na jamaa jio kota Tiatira: Ia tee pepasan pole jio mai Aku', Anak Allataala, to dukku matang-Ku' susi api na cumbia' aje-Ku' susi tambaga disa'po. Iamo tee pepasan-Ku':

Roma 1:4

apa ianna kuasa kapuanganna, disangai Anak Allataala. Manassa to kuasan-Na, nasaba' tuo pole'mi jio mai kamatean.

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

1 Yahya 4:9

Napamanassa Puang Allataala kumua napakamoja'ki' tonna suai to Anak Tungga'-Na mentama lino, antaampa' katuoan melo te'da cappa'na pole jio mai joo Anak Tungga'.

1 Yahya 3:8

Ia to tompugauk tarruh dosa, napuanak Ballisi', nasaba' ia to Ballisi' iamo garonto'na dosa mammula jiona mai. Iami joo naratumo to Anak Allataala la ssabu'ii to jamanna joo Ballisi'.

1 Yahya 2:23

Ia to tote'da natarimai to Anak, battuananna te'da too natarimai to Ambe'. Ia tontarimai to Anak, battuananna natarima tooi to Ambe'.

2 Korintus 1:19

Susi too Puang Isa Almaseh, Anak Allataala, to kipangpeissenan lako kamu' sola Silas na Timotius, te'da namembalik to kadan-Na kumua “Io” menjaji “Te'da”. Apa sibalikanna, tatta' napau “Io”.

Yahya 19:7

Nakua to to-Yahudi mebali, “Situru' atoranki', la dibuno Ia, nasaba' ssanga kalena Anak Allataala.”

Yahya 11:27

Mebalii Marta nakua, “Oo Puang, matappa'na' kumua Kita'mo Anak Allataala, Raja Mangpasalama' to napau Puang Allataala tonna anu' la ratu tama lino.”

Yahya 10:36

matumbai misangana' ncapa' Puang Allataala, ke kukua ‘Anak Allataalana'’? Na Ambe' Ia mpileina' nasuana' tama lino.

Markus 1:1

Iamo tee Kareba Kasalamatan mpamanassai to Puang Isa Almaseh kumua, Iamo Anak Allataala. Susimi tee to pamulanna.

Matius 27:54

Ia to komandan surudadu sola solana to nnampai Puang Isa, silajatan tonganni tonna sa'dingngi to nino sola nakitai to apa jaji, namangkada nakua, “Tonganna, Ia tee tau Anak Allataala.”

Matius 27:43

Nakatappa'i to Puang Allataala, na nakua toopa kumua Anak Allataalai. Jaji la takitai, madoangrika Puang Allataala mpasalama'i tee too.”

Matius 27:40

nakua, “Ee, Ikomo to la rro'pokan Bola Puang Allataala, na tallung allora la munii ngkabua' pole'i! Ia ke tongannako Anak Allataala, pasalama'ko kalemu ammumellao jao mai ntuu kaju sitamben.”

Matius 26:63

Apa kamma' bangngi to Puang Isa. Nadadu' omi to Imang Lompo mangkada nakua, “La massapahko mpau Puang Allataala to tuo te'da cappa'na, mpauankan, Ikomoraka Raja Mangpasalama', Anak Allataala.”

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

2 Yahya 1:9

Ia to tocia' ngkatappa'i pangngajaran-Na Almaseh apa nakabudairi to pangngajaran laen, te'da ia namesa' penawa sola Puang Allataala. Apa ia to toda'tan nturu' pangngajaran-Na Almaseh, mesa' penawa ia sola Ambe' na Anak.

Ibrani 7:3

Ia tee imang Melkisedek te'da bang apa diissen to jiona kalena, la tomatuanna ba'tu nunnungan nenena, te'da ia pamulanna, na te'da too cappa'na to katuoanna. Susii Anak Allataala, sanga tatta'i imang te'da cappa'na.

Lukas 3:22

namellao to Roh Allataala jao mai mangrupa jangan-jangan nta'paii. Namane' den gamaran-Na Puang Allataala disa'ding nakua, “Ikomo Anak-Ku' to kupakamoja', to mpamasannangna'.”

Lukas 1:35

Mebalimi joo malaeka' nakua, “Roh Allataala la rratuiko na kuasan-Na Puang Allataala la torro ssolanko. Iamo joo namala'bih joo pea la jaji nadisanga Anak Allataala.

Markus 1:11

Nadisa'ding to gamaran-Na Puang Allataala nakua, “Ikomo Anak-Ku' to kupakamoja', to mpamasannangna'.”

Matius 16:16

Mebalimi Petrus nakua, “Kita'mo Raja Mangpasalama', Anak to pole jio mai Puang Allataala to tuo te'da cappa'na.”

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Matius 8:29

Metamba-tambami nakua, “Anak Allataala! La tapatumbamorakan tee? La ratumiriki'ka la ncallakan, na te'dapa nawattunna?”

Matius 4:6

Nakuanni, “Polloranko kalemu, sanga Anak Allataalako. Te'da muciapa, nasaba' den diuki' lan Sura' Allataala kumua, ‘La nasuai Puang Allataala to malaeka'-Na la njagaiko. La natimangko, na moi aje-Mu te'da nalatitampah lako batu.’ ”

Matius 3:17

Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

Yahya 20:28

Nakua Tomas lako Puang Isa, “Oo Puangku'! Oo Puang Allataala to kusompa!”

Yahya 10:30

Aku' na Ambe'-Ku', tomesa'kan.”

Yahya 6:69

Matappa'mokan na kiissenmo kumua Kita'mo to pesua mattantun-Na Puang Allataala.”

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.