Titus 3:9 - Alkitab Duri

⁹ Danggi' musite'gehhi to curita tangkebattuan sola nunnungan nene. Danggi' too mupassipuraii ba'tu ssibobo'i to atoranna Nabi Musa. Sininna joo te'da ngasan bua'na na te'da too tujunna.

Titus 3:9 Referans Kwoze

2 Timotius 2:14

La mupangngingaran to sininna tau to mangka kuuki' nena'. Pakainga'i to tau kumua nakita Puang Allataala, danggi' nasite'geh. Te'da bua'na joo, apa ssolangngiri to tossa'dingngi.

2 Timotius 2:23

Danggi' muturu' passite'geran tangkebattuanna tobango', nasaba' muissen kumua ia joo mpaden kasipekkan.

1 Timotius 4:7

Danggi' mumatean wattu lako curita tojolo to tangkebattuan na tangdiangga' too to Puang Allataala, apa la tatta'ko mpangben kalemu lako Puang Allataala.

2 Timotius 2:16

Danggi' mumatean wattu lako curita tangkebattuanna to tangkasiri' Puang Allataala. Nasaba' ia to tomangcurita susi joo sagaja'-gaja'na.

Titus 1:14

na danggi' napesa'dingngi curita tangkebattuanna to-Yahudi ba'tu atoran nakabua' tau to cia' mpesa'dingngii to pangngajaran tongan.

1 Korintus 8:1

Ia omo la kupau tee too to juku' dipassompan lako dewata. Tonganna to nasanga tau kumua macca ngasanmiki'! Apa ia joo kamaccan mpupemmatampo tau, na ia to pangpakamoja' mangpamasumanga' tau.

1 Korintus 13:2

Moi angkudiben barakka' mpangpeissenan pepasan-Na Puang, barakka' nnissen ngasanni to te'da naissenni tau, ba'tu barakka' mpahangngi to apa masussa dipahang, iarika barakka' matappa' te'da susinna lako Puang Allataala kuwa'ding mpeta'dai nadipalele to buntu jio mai ngenanna, apa ke te'dai kupakamoja' padangku' rupa tau, manassa te'da bua'ku'.

Yakub 4:1

Ciapari nasipekka nasibobo' to tau lan tangnga-tangngami? Sanga sirarii to kamadoangan lan penawanna.