Titus 3:7 - Alkitab Duri

⁷ dikua antaampa' katuoan melo te'da cappa'na, susi to pangrannuanta', sanga mangkamiki' dipupenjaji tomelo nasaba' kameloan penawan-Na.

Titus 3:7 Referans Kwoze

Roma 8:17

Ia ke anak Allataalamiki', wa'dingmiki' la ntarima barakka'-Na Puang Allataala sola Almaseh. Na ia ke mperasaiki' parri' tee too susi Almaseh tonna tee, la dipakala'bih todaki' sola Almaseh.

Roma 3:24

Apa pangkamasean-Na Puang Allataala to mpakamoja'ki', antawa'ding dipupenjaji tomelo, nasaba' matappa'ki' lako Puang Isa Almaseh, to mangkamo la'bakki' jio mai kuasa dosa.

Titus 2:11

Mupakainga'i susi joo, nasaba' napangpekitanmi Puang Allataala to kameloan penawan-Na anna suai to Puang Isa mentolino la mpasalama' sininna rupa tau.

1 Korintus 6:11

Ba'tu pira-pira tau lan tangnga-tangngami massipa' susi joo tonna jolona. Apa ia tee too, ia to Puang Isa Almaseh sola Roh Allataala to pole jio mai Puangta' Puang Allataala mangka lla'paran kamu' jio mai kuasa dosa, na mpupenjaji tau mesan-Na kamu' Puang Allataala, sola napupenjaji tomelo kamu'.

Titus 1:2

namangrannuan kumua la nnampa'i katuoan melo te'da cappa'na, to nabassemo Puang Allataala to tangmangnguraga tonna te'dapa nadipaden tee lino.

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.

Galatia 2:16

Moi nasusi joo, kiissen kumua te'da tau napupenjaji tomelo Puang Allataala, sanga mpugaukki atoran agama, apa kamatapparannara lako Puang Isa Almaseh. Susimi joo angkimatappa'mo lako Puang Isa Almaseh, dikua angkidipupenjaji tomelo, tangngia sanga mpugaukkan atoran agama. Te'da mesa' tau dipupenjaji tomelo, nasaba' mpugaukki atoran agama.

Roma 11:6

na tangngia nasaba' panggaukan melona. Ia kenna la situru'ra panggaukan melona nadipilei, tangngiamo ia kameloan penawan-Na Puang Allataala.

Galatia 3:29

Na ia ke taun-Namo kamu' Almaseh, bati'na toomo kamu' Nabi Ibrahim to la ntarimai to barakka' mangka nabasseanni Puang Allataala.

Roma 4:16

Jaji ia joo basse menggaronto' lako kamatapparan, dikua namanassa kumua dipangben situru' kameloan penawan-Na Puang Allataala. Na ia ke napangbenni situru' kameloan penawan-Na, manassa la napugauk. Ia joo basse dipatuju lako ngasan bati'na Nabi Ibrahim, tangngia lako manda todiben atoran agama, apa ia ngasan to tomatappa' lako Puang Allataala, susi kamatapparanna Nabi Ibrahim, to tapuambe' sola ngasan.

Roma 3:28

Susimi ia tee: Napupenjaji tomelo Puang Allataala to tau, ke matappa'i lako Puang Isa Almaseh, tangngia ke mpugaukki atoran agama.

1 Petrus 3:7

Ee, kamu' to muane kebainemo! Susi todami, la sikalino kamu' balimmi. La mitulungngi, sanga miissen kumua ia to kamawatanganna te'da napada kamawatanganna muane. La mitaratte'i, sanga miissen kumua pada la ntarima kamu' barakka' to naben kamu' Puang Allataala, iamo to katuoan melo te'da cappa'na. La mipugauk susi tee, na te'da apa hhalangngii to passambajangmi lako Puang Allataala.

Ibrani 11:9

Natorro Nabi Ibrahim susi toratu lan tenda jio tondok to nabasseanni Puang Allataala, sanga matappa'i. Susi too Ishak na Yakub to mpumanahhi joo basse jio mai Puang Allataala.

Ibrani 11:7

Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.

Ibrani 6:17

Madoangngi Puang Allataala mpamanassai lako to ntarimai to apa nabasseanni kumua te'da natanglampatarruhhi to akkatta-Na. Iamo joo namassapah tonna pau basse-Na.

Galatia 4:7

Jaji tangngiamo kamu' kaunan, apa menjaji anakmo kamu'. Iamo joo, la ntarima kamu' manah jio mai Puang Allataala.

Roma 4:4

Ia to gajinna tomangjama te'da nadiben bangra, apa dibenni nasaba' sulle to'doan a'puhna.

Titus 2:13

Ia tee too tatajanni joo Wattu tanii la mario-rio. Ia joo Wattu la nakita tau to kamala'biran-Na Puang Isa Almaseh, iamo Puang Allataala mala'bih na Tomangpasalama'ta'.

Matius 25:34

Mangkai joo too kukuamo lako to jio sa'de kanan-Ku' kumua, ‘Malemo kamu' mai sininna to tonabarakka'i Ambe'-Ku' Puang Allataala. Mentamamo kamu' kaparentan-Ku' to nang dipasadiamo sipamulanna lino.

Markus 10:17

Ia tonna patarruhmo kalingkan-Na Puang Isa, den mesa' tau ratu kinjara' mpendete'i, anna mengguntu' jio olo-Na, namekutana nakua, “Oo Guru, tomelo penawan-Ta'. Pauanna' apara to sipato' la kupugauk, angkuampa'i to katuoan melo te'da cappa'na?”

2 Tesalonika 2:16

Napakamoja'ki' Puangta' Puang Isa Almaseh sola Ambe'ta' Puang Allataala. Napamasumanga' tarruh to penawanta', naben tooki' kasabbarasan ntajanni to melona, nasaba' kameloan penawan-Na.

Ibrani 1:14

Ia to malaeka' mpangjaman Puang Allataala to nasua ntulungngi to tolantarima kasalamatan.