Titus 3:2 - Alkitab Duri

² danggi' pau gaja' tau, danggi' massipura, apa la mabassa na mangkada rampa' too lako sininna rupa tau.

Titus 3:2 Referans Kwoze

Efesus 4:31

Danggi' mimapa'dik ati, mangpabalah, magalli, massipura, ngkada-kadai tau, maba'ci ba'tu laennapa.

Efesus 4:2

Danggi' mimatampo, sipangkada rampa' kamu', sisabbarasan kamu' ammisipakamoja' too.

1 Timotius 3:3

danggi' napangngiso' ba'tu passiboboran, apa mabassa, te'da napassite'geran. Te'da napangdoi'.

1 Petrus 3:10

Den diuki' lan Sura' Allataala kumua, “Ia to tongkabudai katuoan melo te'da cappa'na la najagai to timunna, nadanggi' napaui to apa gaja'. Na ia to madoang masannang, danggi' namangnguraga.

1 Petrus 3:8

Ee, tomala'bihku'! Katampakanna, la mesa' kada sola mesa' penawa kamu'. La sipakamoja' kamu' padammi tomatappa', la sikamasean too kamu', nadanggi' mimatampo.

Yakub 4:11

Ee, tomala'bihku'! Danggi' miden sisaju ba'tu sipasala. Ia to tossaju ba'tu mpasala padanna tomatappa', atoran-Nara Puang Allataala to nasaju sola napasala. Na ia ammupasalai, battuananna te'da muturu'i joo atoran, apa menjajiko tomangra'tahna.

Galatia 5:22

Apa ia to tau nasolan Roh Allataala, melo panggaukanna: mangpakamoja', mario, masannang bang penawanna, sabbara', mabassa, melo penawa, mangngingaran tarruh,

Matius 11:29

Turu'i to parenta-Ku', mipelajahhii to pangngajaran-Ku', nasaba' Aku' tee te'da kulassussai kamu', te'da kamu' to la kukita majiong, milolongan kamasannangan.

1 Petrus 2:1

Iamo joo danggi'mo mipugauk bangngi to panggaukan gaja', danggi' mimangnguraga, danggi' mianggai'-gai'ri messipa' melo. Danggi' mimasere ati sola mpau gaja' tau.

Yakub 3:17

Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.

Galatia 6:10

Iamo joo ia naden unapa wattu dibenki', tamanggauk melo lako padanta' rupa tau, la'bih pole'pa lako sile'to padanta' to matappa'.

Galatia 6:1

Ee, tokupusile'to! Ia ke denni mesa' tau diampa' mpugauk dosa, ia to kamu' nturu' Roh Allataala la mipatuju rampa'i joo tau lako lalan kameloan. Apa la mijagai to kalemi danggi' mituru' toda mpugaukki.

1 Timotius 3:11

Ia too ke denni baine menjaji tomangjama ntulung jamaa la tomelo toopi, te'da nawa'ding mpau gaja' padanna rupa tau, apa nta'tan kalena na maruruh lan sininna passalan.

1 Tesalonika 2:7

Sitonganna te'da kisala ke kipeta'dai kamu' apa, sanga rasulu'-Nakan Almaseh. Apa mangpakamoja'kan tongkilan tangnga-tangngami, susi mesa' indo to mpemajampangngi anakkana.

Filipi 4:5

Pangpekitanni to kameloan penawammi lako sininna tau. Cingga'tu'mora naratu to Puang.

1 Korintus 9:19

Ia tee aku' moi mesa' tau te'da mpukaunanna'. Apa moi nasusi joo, mangkamo' mpupengkaunan kaleku' lako sininna tau. Iamo kupugaukki susi joo, kukua anna buda tau kupupentaun-Na Almaseh.

2 Korintus 12:20

Magiangna' kumua, ia ke iti'mo', ia to kamu' te'damo misusi to kukadoangnginna, na moi tee aku' te'da toomo kususi to mikadoangnginna. Danggi' na ia ke iti'mo' anna ia mandamo kukita to tosibobo', tomapa'dik ati, topangmabirisan, tompangngundaran mesa kalena, tompau gaja' tolaen, tomangpeasa, tomatampo na tomangpasisala-sala.

2 Korintus 10:1

Den ba'tu pira-pira tau lan tangnga-tangngami ssangana' kumua, baranina' ke sikambelaki', porrokanna' ke sioloanki'. Apa ia tee aku' melo penawangku' na tangmakarrah toona' susi Almaseh meta'dana' lako kalemi kumua,

Jamanna Rasulu' 23:5

Napebalii Paulus nakua, “Oo, todipusile'to, te'da aku' kuissenni kumua Imang Lompo pale' ia. Den diuki' lan Sura' Allataala kumua, ‘Danggi' mutangkasiri'i to kapala bangsamu.’ ”

Kada Bulawan 25:24

La'biranmo to torro jiong bala bola na ia to sibola mesa' baine passipuran.

Kada Bulawan 6:19

mukkun bang sa'bi tangtongan, mpaden bang kasisakkan llan alla' soba'na.

Yudas 1:10

Apa ia joo guru tangtongan ncapa'i to apa tangnaissen. Kabiasanna bangra nnissenni mangpugauk susi to olok-olok to te'da namangtangngah. Na ia to sipa'na susi joo la napumasolang.

Yudas 1:8

Moi nasessa Puang Allataala to tompugauk kagajatan tonna anu', apa gaja' unapi to sipa'na tuu lako guru tangtongan tee too. Mangnawa-nawa bang too ntangngah kagajatan, anna carepai bang too batang kalena, nakita majiong bang too to kuasan-Na Puang Allataala, nacapa'-capa' bang tooi to sininna malaeka' mala'bih jao suruga.

2 Petrus 2:10

La'bih-la'bih joo sessa-Na lako tonturu' bang kamadoangan penawanna to ncarepai kalena. Ia tuu lako tau ngkita majiong kuasan-Na Puang Allataala. Na ia tuu lako guru tangtongan liwa' matampo te'da namalaja' tangditampun timunna ncapa'-capa'i to malaeka' mala'bih.

1 Petrus 4:4

Na ia tee too jangngahhi joo totangnturu' Puang, sanga te'damo mituru'i panggaukanna tau to liwa' gaja', to da'tan bang mpugauk dosa. Jaji, iamo napau gaja' kamu'.

1 Korintus 6:10

taboko, tomangkake'la, topangmalangoan, tompau gaja' tau, tokalasi, ia ngasanmo to tosusi joo te'da namenjaji umma'-Na Puang Allataala.

Kada Bulawan 19:19

Ake' na ia to tomadoi' bang mabirih mperasai assele' kamabirisanna, nasaba' ia ke ditulungngi, kannori samabirih-birihna.