Titus 3:11 - Alkitab Duri

¹¹ Nasaba' la muissen kumua ia to tau susi joo tibalikmo jio mai kamatapparan tongan na ia to dosana la mpamanassai kumua la disessai.

Titus 3:11 Referans Kwoze

Ibrani 10:26

Ee, tomala'bihku'! Danggi' micia'mo matappa', nasaba' ia ke taanggai' bang unapi mpugauk tarruh dosa, moi taissenmo to pangngajaran tongan jio mai Puang Allataala, te'damo naden karoba la ndampanganki'.

Jamanna Rasulu' 15:24

Den kisa'ding kumua den ba'tu pira-pira to kisolan inde' male mati' nnajahhi sala kamu', mpapussak penawammi ammibata apa te'dara nakami' ssuai mpugaukki susi joo.

Yahya 3:18

Ia to ngkatappa'ii, te'da naladisessa, apa ia to tote'da namatappa', la dipabalahhi to dosana, nasaba' te'da nakatappa'ii to Anak tungga'-Na Puang Allataala.

Lukas 19:22

Nakuanmi puangna lako, ‘Ee, kaunan gaja'ko! La kusessako situru' kadammu. Muissen kumua aku' tee tomasa'ga', nnala bangna' tangngia pangngannaku', mpeburaina' tangngia pantananku'.

Titus 1:11

Ia to tau susi joo danggi' nadipupangkada, nasaba' buda tosangbola nasolangngi, naajahhii to tangsipato'na. Napugaukki susi joo, nasaba' madoangngi mesaro punala.

2 Timotius 2:14

La mupangngingaran to sininna tau to mangka kuuki' nena'. Pakainga'i to tau kumua nakita Puang Allataala, danggi' nasite'geh. Te'da bua'na joo, apa ssolangngiri to tossa'dingngi.

Roma 3:19

Taissenmo kumua ia to atoran agama dipatuju lako to tomangka diben joo atoran. Iamo joo na te'damo tau wa'ding mpangngewan kalena, apa Puang Allataala la mbenni assele' panggaukanna to sininna tolino.

Jamanna Rasulu' 13:46

Apa kannori sabarani-raninna Paulus sola Barnabas ntarrusanni kada nakua, “Na kamu'mo to-Yahudi jolo' dipauan to kadan-Na Puang Allataala. Apa te'da mitarimai, mipattantu kamu' kumua te'da misipato' ntarima katuoan melo te'da cappa'na. Iamo joo kimale lako bangsa laen.

Lukas 7:30

Apa ia to to-Farisi na guru agama cia'i ntarima akkatta-Na Puang Allataala to mpatu kalena, nacia'i najio' Nabi Yahya.

Jamanna Rasulu' 23:25

Nnuki'i sura' joo pangbarani kumua,

Titus 1:14

na danggi' napesa'dingngi curita tangkebattuanna to-Yahudi ba'tu atoran nakabua' tau to cia' mpesa'dingngii to pangngajaran tongan.