Titus 3:1 - Alkitab Duri

¹ Pangngingaranni sininna to tomatappa' iti', namenturu' lako to ambe' lan tondok na tomangparenta, anna danggi' nabali-balii. La sadia bang mpugauk panggaukan melo,

Titus 3:1 Referans Kwoze

Kada Bulawan 24:21

Ee anakku', ngkalaja' ngkasiri'ko Puang Allataala na raja. Danggi' mukaturu'-turu' lako tonnewa Puang Allataala sola raja.

Matius 22:21

Mebalimi nakua, “Tomaraja Roma.” Nakuamo Puang Isa, “Ia ke susii tuu, benni Tomaraja to apanna, mibenni Puang Allataala to apan-Na!”

Ibrani 13:21

dennaa upa' na Puang Allataalamora mpasadian kamu' sininna to melona, la mpugauk pakkaeloran-Na. Dennaa upa' anna Puang Allataala toomora mpupenjajiki' to napumasannang, sanga Puang Isa Almaseh. La mpakala'bih tarruhki' Almaseh te'da cappa'na. Amin.

2 Timotius 2:21

Susi todami to tau, den tomelo na den totangmelo. Ia ke te'dami napugauk kagajatan, mattantumo ia to dinii mpakei. Iamo dipasadia napake puangna jio mangrupa-rupa pangjaman melo.

2 Timotius 1:6

Iamo joo kupakainga'ko, ammujama tonganni to jamanmu mpakkegunai to barakka' mangka nabenko Puang Allataala tongkupalullungngiko pala'ku'.

1 Timotius 5:10

kaissenan kumua melo panggaukanna, susinna njampang melo anakkana, masannang ke den tau leppangngii, mbalii tomatappa', ntulung tomasussa, na tuli mpugauk kamakassingan laennapa.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

1 Timotius 4:6

Ia ammutuli mpangpangngajaran ngasanni joo lako sininna padanta' tomatappa', manassamoko menjaji tomangjama melo-Na Puang Isa Almaseh, ammumatappa' tongan-tongan too, nasaba' tatta'ko mpelajahhi kadan-Na Puang Allataala sola pangngajaran tongan to muturu'mo mammula biccu'mu.

1 Timotius 2:2

sininna raja na sininna tomatonggo lako Puang Allataala. Pugaukki susi joo antatuo masannang sola manyaman, na te'da apa hhalangngiki' ssompa Puang Allataala antamessipa' melo too lako padanta' rupa tau.

1 Korintus 15:58

Ee, tomala'bihku' to kupakamoja'! Iamo joo la mpemawatangngi kamu' kamatapparanmi, danggi' nasitawa-tawa to penawammi. La mpangjaman tarruh kamu' Puang Allataala, nasaba' miissen kumua, sininna to apa mijaman Puang Allataala, den ngasan bua'na.

2 Petrus 1:12

Iamo joo kupakainga' tarruh kamu' to sininna joo, moiraka miissen, mikatappa'i toomi to pangngajaran tongan to mangkamo mitarima.

Titus 3:8

Tongan tee kada mangka kupau. Madoangna' ammupangpangngajaran tonganni sininna joo, dikua anna ia to tomatappa'mo lako Puang Allataala natongan-tongannii mpugaukki to panggaukan melo na den bua'na lako tobuda.

Kolose 1:10

Ianna susimo joo, ia to sipa'mi la situru' pakkaeloran-Na Puang Allataala anna pumasannangngi penawan-Na. Susinna, mipugaukki to mangrupa-rupa kameloan, misannissen-nissennai to Puang Allataala,

Filipi 1:11

na melo tarruh sipa'mi, nasaba' Puang Isa Almaseh, anna dipakala'bih to Puang Allataala.

Efesus 2:10

Tangsipato'ki' susi joo, sanga Puang Allataalara mbenki' katuoan baru, nasaba' memmesa'miki' sola Puang Isa Almaseh. Nabenmiki' katuoan baru antapugauk kameloan, to napasadia jolomo la tapugauk.

Yudas 1:5

Madoangra' mpangngingaran kamu', moi miissen ngasanmo tee, kumua nasessa Puang Allataala to tompugauk kagajatan. Ia tonna anu' napasalama' Puang Allataala to to-Yahudi jio mai tana Mesir. Apa undinna den to tau cia' matappa' anna rabunnii Puang Allataala jio padang pallawangan.

Titus 3:14

Makassing ke sininna solata' tomatappa' melajah mpugaukki to apa melo anna angahhi to naparalluinna, danggi' natuo te'da bua'na.

2 Timotius 2:14

La mupangngingaran to sininna tau to mangka kuuki' nena'. Pakainga'i to tau kumua nakita Puang Allataala, danggi' nasite'geh. Te'da bua'na joo, apa ssolangngiri to tossa'dingngi.

Titus 1:16

Mangngakui kumua nnissen Puang Allataala, apa sitonganna diissen kumua mangnguragai nasaba' te'da naturu' pakkaeloran-Na Puang. Meko'dosan na cia'i nturu' Puang. Te'da bang nakullei mpugaukki to disanga melo.