Titus 2:8 - Alkitab Duri

⁸ La mangkada meloko, to te'da nacaccai tau, dikua anna masiri' to ewalimmu, nasaba' te'da lalan la nanii mpau gaja'ko.

Titus 2:8 Referans Kwoze

1 Petrus 2:12

Mbai den tau to tangnturu' Puang to mpau gaja' kamu'. Iamo joo la melo to sipa'mi nakitai tau kumua melo to apa mipugauk. Na undinna naakui kumua melo to sipa'mi anna mpakala'bih Puang Allataala ke ratui rra'tah kara-karana tolino.

1 Petrus 2:15

Nasaba' pakkaeloran-Na Puang Allataala, na ia to panggaukan melomi la ntampun timunna to totangnnissenpa Puang mpau gaja' kamu'.

1 Petrus 3:16

Apa mebali melo bang kamu', danggi' mimatampo. La tuli manggauk melo kamu', anna ia to tompau gaja' kamu' la masiri', nasaba' melo bang to sipa'mi situru' pakkaeloran-Na Almaseh.

1 Timotius 6:3

Ia to tompangpangngajaran pangngajaran laen na ia to mangka kubenko, te'da naturu'i to pangngajaran tongan jio mai Puangta' Puang Isa Almaseh na pangngajaran agamanta'.

2 Tesalonika 3:14

Ianna den tau cia' ntarimai to kada kiuki' lan tee sura', la misiissenni joo tau, danggi' misiama', anna masiri'.

1 Timotius 5:14

Iamo joo kukabudai ke ia to baine malolle'pa nakemuane pole', keanak, na nnurusu' repokkona, anna ia to ewalinta' te'damo lalan nanii mpau gaja' tomatappa'.

Lukas 13:17

Ia joo pebalin-Na Puang Isa gaja napumasiri' to tonnewalii. Apa ia tuu lako tau laen masannang ngkitai sininna to mejangngaran napugauk.

Markus 12:34

Ia tonna sa'dingmi Puang Isa kumua gaja melomo to pebalinna, nakuanmi, “Ee, ci'di'mora mumenjaji umma'-Na Puang Allataala.” Mangkai joo too, moi mesa' tau te'damo barani ngkutanaii.

Markus 12:32

Nakua joo guru agama lako Puang Isa, “Oo Guru, tongan! Tongan to tapau kumua, mesa'ra to Puang Allataala, te'damo laenna.

Markus 12:28

Den guru agama jio ssa'dingngi tonna sipangkada Puang Isa sola joo to-Saduki. Ia tonna kitami kumua tongan to pebalin-Na Puang Isa, malemi lako ngkutanai nakua, “Oo Guru, umbonnara joo parenta-Na Puang Allataala to kaminang parallu?”

Markus 12:17

Nakuamo Puang Isa, “Ia ke susii tuu, benni Tomaraja to apanna, miben tooi Puang Allataala to apan-Na!” Jangngah ngasanni ssa'dingngi joo pebalin-Na Puang Isa.

Titus 3:14

Makassing ke sininna solata' tomatappa' melajah mpugaukki to apa melo anna angahhi to naparalluinna, danggi' natuo te'da bua'na.