Titus 2:12 - Alkitab Duri

¹² Napake Puang Allataala joo kameloan penawan-Na nnajahhiki', antatorroii mpugaukki to apa tangnakabudai, nadanggi' taturu' kamadoangan gaja'ta' susi to tapugauk tonna te'dapa tamatappa'. Sibalikanna naajahhiki' mandalan tangngah, mpugauk pakkaeloran-Na sola ssompai, ke tuo unapiki' lan tee lino.

Titus 2:12 Referans Kwoze

Matius 16:24

Mangkadami Puang Isa lako anak gurun-Na nakua, “Ia to tolanturu'na', te'da nalanturu'i bang pakkaeloran penawanna, apa la mpassan kaju sitambenna, naturu' tarruhna'.

Roma 6:19

Ia una kupake pangpasusian mengkaunan, dikua ammimadoi' mapahang. Susi tonna jolona mieloran to batang kalemi napukaunan penawa gaja'mi sola mangrupa-rupa kagajatan, susi toomi tee too la mipangben to batang kalemi mimengkaunan lako pakkaeloran-Na Puang Allataala ammituo susi to sipato'na tau mesan-Na Puang Allataala.

2 Petrus 2:9

Jaji, naissenmo Puang Allataala to apa la napugauk mpasalama' taun-Na ke maparri'i. Naissen too Puang Allataala ntarungkui to togaja' anna sessai ke Kiama'mi lino.

1 Yahya 2:6

Ia to tomangkada kumua, “Mesa' penawana' sola Puang Allataala”, la naturu' to sipa'na Almaseh.

2 Timotius 3:12

Manassa kumua sininna tau to madoang ssompa na nturu' Puang Isa Almaseh la dipakario-rio,

Pengkitanna Yahya 14:12

Jaji la sabbara' to umma'-Na Puang Allataala. Iamo to tonturu' pakkaeloran-Na Puang Allataala, namatappa' lako Puang Isa.

Lukas 1:75

antapangben kaleta' lako Puang, napumasannangngi penawan-Na, padapi tanii tuo.

1 Tesalonika 4:7

Te'da napileiki' Puang Allataala kumua la mangpanggaukan salaki', apa iara nabenki' Roh Allataala dikua antapugaukki to napusannang-Na. Ia to tocia' ntarimai tee pangngajah tangngia tolino nakacia', apa Puang Allataalara.

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.

1 Tesalonika 4:9

Te'damo kiparallu nnuki'i umbo la mikua mpakamoja' padammi tomatappa', sanga mangkamo kamu' naajahhi Puang Allataala.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

Roma 12:2

Danggi' mikaturu'-turu' bang lako tote'da naissen Puang Allataala. Ake'mo ia na Puang pemeloii to penawammi, ammiwa'ding nnissenni to pakkaeloran-Na, apa to melo na sukku', na apa to nakabudai Puang Allataala.

Roma 6:12

Iami joo, danggi'mo mieloranni to kuasa dosa mpukaunan kamu' nadanggi' mituru'i bangngi to kamadoangan gaja'mi.

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

1 Yahya 2:27

Apa ia to kamu', naparatuanmo kamu' Almaseh to Roh Allataala to torro lan penawammi. Te'da miparallu naajahhi tolaen, nasaba' Ia bang unamo nnajahhi kamu' to sininna apa. Na tongan ngasan to naajaran kamu', tangngia pangnguraga. Iamo joo, la da'tan kamu' mesa' penawa sola Almaseh, susi to naajaran kamu' Roh Allataala.

2 Petrus 3:11

Susimi joo la disabu'i to lino. Iamo joo la messipa' melo kamu' susi to sipato'na, mida'tan mpugaukki to pakkaeloran-Na Puang Allataala,

Ibrani 8:11

Na te'damo naparallu siajaran solana, ba'tu la ngkuan sile'tona ‘Issenni to Puang Allataala’, sanga la tobiasa, la tokaissenan, la naissen ngasanna'.

1 Timotius 6:17

La mupangngingaran to tosugih lan tee lino, danggi' namabangka', danggi' napattuan kalena lako kasugiranna to la cappu', apa la mangpattuan lakori Puang Allataala to la mbenki' sininna taparalluinna antapakei masannang.

1 Timotius 4:12

Danggi' naden mesa' tau ntunaiko, nasaba' kallolopoko, apa la menjajiko palelean mata lako tomatappa' ke mangkadako, ke messipa'ko, ke mangpakamoja'ko padammu rupa tau, ke matappa'ko, mujagai kalemu anna te'da caccana.

Galatia 5:24

Na ia to taun-Na Puang Isa Almaseh mangkami naca'bean to kamadoangan gaja'na.

Galatia 1:4

Ia to Puang Isa mangka mpangben kalena dibuno situru' pakkaeloran-Na Ambe'ta' Puang Allataala, dikua anna dampanganki' to tomadosa, danggi'mo tatuo susi togaja' lan lino.

2 Korintus 7:1

Ee, tomala'bihku' to kupakamoja'! Ia joo basse-Na Puang dipatujui ngasanki'. Iamo joo danggi'mo tapugauk sininna panggaukan sola pikkirisan tangmelo. La takalaja' takasiri' to Puang Allataala, anna te'da caccata' naputau mesaki'.

2 Korintus 1:12

Kipumario, sanga kiissen lan penawangki', kumua maruruh na te'da caccana to panggaukanki', to padamokan masainna lan tee lino, la'bi-la'bipa lako kamu', natuli situru' pakkaeloran-Na Puang Allataala. Te'da napatujukan kapaissenan tolino, apa barakka'-Nara Puang Allataala to nabenkan.

Roma 8:13

Ia ke taturu'i to kamadoangan penawanta', la mateki'. Apa ia ke taeloranni to Roh Allataala ntulungki' nca'beanni to panggaukan gaja'ta', la tuo meloki' te'da cappa'na.

Jamanna Rasulu' 24:25

Apa mpatarruhhi kadanna Paulus nakua, “Nang la mpugaukki' kameloan, ntaloi penawa katolinoanta', nasaba' ia ke Kiama'mi lino, la dira'tah kara-karana tolino.” Ia tonna sa'dingmi joo malaja'mi Gubernur Feliks nakua, “Aa, polemoko too! Ianna den wattungku', iapa kutambai pole'ko.”

Jamanna Rasulu' 24:16

Iamo joo kutuli mpengkulle-kullei tonganni manggauk melo la lako padangku' rupa tau, la lako Puang Allataala. Susiri joo to tonganna.

1 Yahya 5:19

Taissen kumua napuanakmiki' Puang Allataala, moi nakuasaii Ballisi' to tolino tangnturu' Puang Allataala.

Efesus 1:4

Napakamoja'ki' Puang Allataala. Napileimiki' tonna te'dapa nadipaden tee lino nasaba' Almaseh, antawa'ding menjaji tau mesan-Na nate'da caccata' ba'tu kakuranganta'.

Yahya 14:30

Te'damo nabuda bang la kupauan kamu', nasaba' wattunnami la ratu to Ballisi', to ngkuasai tee lino. Apa te'da nakuasaina'.

Yahya 6:25

Ia tonna ampa'mi tobuda to Puang Isa jio sambali'na tasik, mekutanami lako nakua, “Oo Guru, piranra taratu inde'?”

Lukas 1:6

Ia to sipa'na sola dua napumasannang Puang Allataala, na naturu'i ngasan to parenta-Na na atoran-Na Puang Allataala.

Yudas 1:18

Napauan jolomo kamu' kumua, ianna la Kiama'mo lino, buda tau la ncapa'-capa' kamu'. Ia tuu lako tau nturu' punala bang kamadoangan gaja'na, te'da namengkaturu' lako Puang Allataala.

2 Timotius 4:10

Nasalaimo' Demas, nasaba' la'bih nakabudaimo ia tee lino, na male lako kota Tesalonika. Male toomi Kreskes lako tana Galatia na Titus lako tana Dalmatia.

Matius 12:32

Ia ke den tau nnewa kadana' tee Aku', Anak Mentolino, wa'dingpa didampangan, apa ia to toncapa' Roh Allataala, te'damo nawa'ding didampangan, la ia tee too, la jiona ahera'!”

1 Timotius 6:9

Ia to tomadoang sugih, la madoi' mpugauk mangrupa-rupa panggaukan gaja', sanga nataloii kamadoangan gaja'na, susi to naala poja. Tangmakkeguna joo pattujunna kannori mpa'dikkii, na iamo la mbawai lako kamasolangan.

Yakub 1:27

Ia to mangngagama tongan situru' pakkaeloran-Na Ambe' Puang Allataala, iamo to ntulung pea biung pu'puhmo, sola baine te'damo muanena nakaasi-asi, na njagai kalena danggi' naturu' panggaukan tangmelona tolino to tangnturu' Puang Allataala.