Titus 2:11 - Alkitab Duri

¹¹ Mupakainga'i susi joo, nasaba' napangpekitanmi Puang Allataala to kameloan penawan-Na anna suai to Puang Isa mentolino la mpasalama' sininna rupa tau.

Titus 2:11 Referans Kwoze

1 Timotius 2:4

Madoangngi Puang anna dipasalama' ngasan to tau sola nnissen pangngajaran tongan, kumua

Efesus 2:8

Dipasalama' kamu', nasaba' kameloan penawan-Na Puang Allataala, sanga matappa' kamu' lako Puang Isa. Na ia joo tangngia kamu' nnangahhi, apa barakka'-Nara Puang Allataala.

Ibrani 2:9

Apa takitamo to Puang Isa to mangka dipamajiong cingga'tu' na ia to malaeka', kumua dipupenjajimo tomala'bih na todikasiri', tonna mangkamo mperasai parri' ratu lako mate-Na. Napattantui Puang Allataala kumua la mate to Puang Isa ssullei to sininna tolino, sanga kameloan penawan-Na.

Efesus 2:5

Iamo joo ia tontasusi unapa tomate natumang dosata', napatuo pole'miki' sola Almaseh. Napasalama'ki', nasaba' kameloan penawan-Na.

2 Tesalonika 2:16

Napakamoja'ki' Puangta' Puang Isa Almaseh sola Ambe'ta' Puang Allataala. Napamasumanga' tarruh to penawanta', naben tooki' kasabbarasan ntajanni to melona, nasaba' kameloan penawan-Na.

Roma 5:15

Apa ia joo barakka' napangben Puang Allataala te'da napada to dosa napugauk Nabi Adam. Tongan kumua napumate ngasan tolino, sanga dosana Nabi Adam. Apa la'bih keangga' to kasalamatan napangben Puang Allataala lako tobuda nasaba' mesa' tau, iamo to Puang Isa Almaseh.

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Jamanna Rasulu' 11:23

Na ia tonna ratumo lako, gaja sannangngi ngkitai, sanga nabarakka'i Puang Allataala to tau jio. Namangngajahhi nakua anna tatta' nturu' Puang.

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

Lukas 3:6

La nakita ngasan tolino, kumua Puang Allataala mpasalama' tau.’ ”

1 Timotius 1:14

Napakabuhhina' kameloan penawan-Na Puangta', to mpupemmatappa'na' lako kale-Na, angkupakamoja' padangku' rupa tau. Ia joo napugauk Puang lako kita' sola ngasan, tontamesa' penawamo sola Puang Isa Almaseh.

Roma 5:2

Iamo nneloranki' mperasai kameloan penawan-Na Puang Allataala to taperasai tee too, nasaba' kamatapparanta'. Jaji la marioki' sanga den kaparannuanta' mputawa kamala'biran-Na Puang Allataala jao suruga.

Kolose 1:6

to nasa'dingmo tau lan lili'na lino, na mpaden barakka' lako tau. Susi toomo kamu' nabarakka'i sipamulanna misa'ding, ammiperasai tonganni to kameloan penawan-Na Puang Allataala.

Galatia 2:21

Susimi tee te'da kukita majiongngi to kameloan penawan-Na Puang Allataala, iamo to kamatean-Na Puang Isa Almaseh. Apa ia ke la den tolino napupenjaji tomelo Puang Allataala, nasaba' mpugaukki atoran agama, te'da bua'na joo kamatean-Na Almaseh.

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

Jamanna Rasulu' 13:47

Sanga susi ia tee to nasuankan Puang Allataala kumua, ‘Pura kupattantumo kamu' menjaji arrang lako bangsa tangngia to-Yahudi dikua ammiparatui to kasalamatan lako lili'na lino.’ ”

Jamanna Rasulu' 13:43

Mangkanna massambajang, buda to-Yahudi na tau laen to mangngagama to-Yahudi todamo menturu' lako Paulus sola Barnabas. Naajahhi sola dua napangngingaranni kumua nada'tan rrannuan pangpakamoja'-Na Puang Allataala.

Yahya 1:9

Ia joo Kada, iamo Arrang tongan, ratumo tama lino nnarrangngi penawanna sininna tolino.

Lukas 24:47

Den too diuki' kumua la dipangpeissenan joo Kareba, mpake sangan-Na Almaseh, lako sininna bangsa lan lino anna mengkatoba' jio mai dosana, nadampanganni Puang Allataala. Na ia joo Kareba dipangpeissenan mangpamula jio mai kota Yerusalem.

Markus 16:15

Anna kuanni nakua, “Malemo kamu' lako a'pa' sulapa'na lino, mpangpeissenanni to Kareba Kasalamatan jio mai Puang Allataala lako sininna rupa tau.

Matius 28:19

Iamo joo malemo kamu' lako sininna bangsa lan lino, mipupenjajii taung-Ku'. Jio'i mpau sangan-Na Ambe', Anak na Roh Allataala.

Ibrani 12:15

Ingaranni danggi' naden moi mesa' tau cia'mo ntarimai to barakka'-Na Puang Allataala. Ingaranni danggi' naden tau susi to waka' mapai' mpaden kamaba'cian lako padanna rupa tau anna situmang-tumang.

2 Timotius 4:17

Apa naampaimo' Puang, naben toomo' kapakullean, angkuwa'ding mmangkai jamanku' mpangpeissenan Kareba Kasalamatan lako sininna bangsa tangngia to-Yahudi inde', napasalama'na' Puang jio mai kamatean.

Kolose 1:23

Apa la tatta' kamu' matappa', danggi' nasitawa-tawa to penawammi. La mirannuan tarruhhi to Puang Allataala kumua la napugaukki to apa nabassean kamu' lan Kareba Kasalamatan to mangka misa'ding. Ia joo Kareba dipangpeissenanmo lako issinna lino. Na ia tee aku' Paulus menjajimo' tompangpeissenanni.

Roma 10:18

Apa mekutanana': Te'daparaka ia nasa'dingngi to-Israel joo kareba? Tantu nasa'dingmo, nasaba' den diuki' lan Sura' Allataala kumua, “Nasa'dingmo sininna tolino to gamaranna. Ia to karebanna ratumi lako randan langi'.”

Jamanna Rasulu' 17:30

Te'damo napallan penawai to wattu katangpaissenanta', apa ia tee too nasua ngasan to tau lan lino mengkatoba' jio mai dosana.

2 Timotius 1:10

Na ia tee too mentolinomi to Puang Isa Almaseh, Tomangpasalama'ta', napakitan tonganmiki' to kameloan penawan-Na Puang. Iamo mangka ntaloi kuasa kamatean, anna pamanassai lako kita' to katuoan melo te'da cappa'na, ke ngkatappa'iki' Kareba Kasalamatan.