Titus 1:8 - Alkitab Duri

⁸ Parallu mario ke denni tau lleppangngii, nakabudai mpugauk kameloan, tomandalan tangngah, tomangkada tongan, tonturu' pakkaeloran-Na Puang Allataala na tonta'tan kalena.

Titus 1:8 Referans Kwoze

1 Timotius 3:2

Ia to tonnatoro' jamaa parallu tomakassing. La mesa'ra bainena, to nta'tan kalena, tomandalan tangngah, messipa' melo. La masannang ke den tau lleppangngii, macca mangngajahhi,

Titus 2:7

La mpangpekitanko sipa' melo lan sininna passalan. Susinna ia ammumangngajahhi, la mangkada tonganko ammutongan-tongannii mangngajahhi.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

1 Yahya 3:14

Ia ke mpakamoja'ki' padanta' tomatappa', taissen kumua te'damo nakuasaiki' kuasa kamatean, apa ntarimamiki' katuoan melo te'da cappa'na. Na ia to tote'da napakamoja' tolaen, tonakuasaipa ia kuasa kamatean.

1 Timotius 6:11

Ee, Timotius! Danggi' mupugaukki tuu lako, sanga taun-Namoko Puang Allataala. Apa la mpugaukroko pakkaeloran-Na Puang Allataala, massompa lako kale-Na, matappa' lako Puang Isa Almaseh, mpakamoja' padammu rupa tau, sabbara' lan kamaparrisan na mpangkadai rampa' tau.

1 Timotius 4:12

Danggi' naden mesa' tau ntunaiko, nasaba' kallolopoko, apa la menjajiko palelean mata lako tomatappa' ke mangkadako, ke messipa'ko, ke mangpakamoja'ko padammu rupa tau, ke matappa'ko, mujagai kalemu anna te'da caccana.

1 Tesalonika 2:10

Kamu' ngkitakan sola Puang Allataala kumua te'da salaki', tomelo penawangki' na te'da caccana to panggaukanki' lako kamu' to tomatappa' lako Almaseh.

2 Timotius 3:3

Te'da nakamasei padanna rupa tau, cia' mangdampangan, nakabudai mpau gaja' tau laen, mangparuku, masa'ga', na tangnakabudai to kameloan.

2 Timotius 2:22

Iamo joo danggi' muturu'i bang kamadoanganmu mpugauk kagajatan to biasa napugauk tokallolo. Apa la mupengkulle-kullei tuo situru' pakkaeloran-Na Puang Allataala, muturu' tonganni to pangngajaran-Na, mpakamoja' padammu rupa tau, na musikalino sola tossompa Puang Allataala lantuk tama penawanna.

Amos 5:15

Danggi' mikabudaii mpugauk kagajatan, apa kameloanra mipugauk, mimaruruh rra'tah kara-kara. Dennaa upa' Nakamaseii PUANG Allataala to makuasa to to-Israel to tuo unapa.

Lukas 2:25

Ia joo wattu, den tau disanga Simeon torro jio kota Yerusalem. Tomelo penawa joo tau na ngkasiri' Puang Allataala, ntajan bang wattunna Puang Allataala la mpasalama' to-Israel. Nakuasai bang Roh Allataala.

Jamanna Rasulu' 24:25

Apa mpatarruhhi kadanna Paulus nakua, “Nang la mpugaukki' kameloan, ntaloi penawa katolinoanta', nasaba' ia ke Kiama'mi lino, la dira'tah kara-karana tolino.” Ia tonna sa'dingmi joo malaja'mi Gubernur Feliks nakua, “Aa, polemoko too! Ianna den wattungku', iapa kutambai pole'ko.”