Titus 1:6 - Alkitab Duri

⁶ ia to tau la menjaji pekaamberan, iamo to tomakassing, mesa'ra bainena, na ia to anakkana tomatappa' ngasanmo lako Puang Isa, te'da natangmangpesa'ding ba'tu diparapa' mpugauk sala.

Titus 1:6 Referans Kwoze

1 Timotius 3:12

Ia to muane menjaji tomangjama ntulung jamaa, la mesa'ra bainena, na macca nnurusu' anakkana sintong repokkona.

Titus 1:10

Parallu susi joo, nasaba' budamo tau tangmangpesa'ding, la'bih pole'pa to tau jolona mangngagama Yahudi. Ia tuu lako tau mangkada tangkebattuan na mpalao sala tau laen.

Efesus 5:18

Danggi' mimalango nasaba' ia mpaden panggaukan gaja', apa eloranni to Roh Allataala ngkuasai kamu'.

1 Tesalonika 5:14

Ee, tomala'bihku' sola ngasan! Meta'da tookan ammipangkadai rampa'i to tomakuttu mangjama. Pamasumanga'i to tomalaja'. Tulungngi to toparallu ditulung. Sabbara' kamu' lako sininna tau.

Lukas 1:5

Ia tonna Raja Herodes mangparenta jio tana Yudea, den imang jio disanga Zakharia, rapunna imang Abia. Ia to bainena disanga Elisabet, bati' imang toda ia.

Kada Bulawan 28:7

Mapahang to kallolo mparinawa tongan atoran-Na Puang Allataala, apa ia to tosiama' tomaullak mpakasiri' ambe'na.

1 Timotius 1:9

Parallu diingaran kumua, ia joo atoran dipaden tangngia lako tomelo, apa lakori togaja' iarika totangmangpesa'ding, lako totangnturu' Puang iarika tomadosa, lako totangssompa iarika totangkasiri' Puang, lako tombuno indona iarika ambe'na, na sininna to mbuno padanna rupa tau,