Titus 1:5 - Alkitab Duri

⁵ Kupatorroko jio pulau Kreta, dikua ammujamai to parallupa diatoro' na la nnangka' tooko pekaamberan jamaa lan simesa'-mesa' kota. Ingaranni tee kupasananko, kumua

Titus 1:5 Referans Kwoze

Jamanna Rasulu' 14:23

Naangka' tooi Paulus sola Barnabas to pekaamberan lan simesa'-mesa' jamaa. Puasai sola massambajang jolo', namane' mpangbenni joo pekaamberan lako Puang to nakatappa'i.

1 Timotius 1:3

Susi to mangka kupauanko tongkulamale lako propinsi Makedonia kupangngingaranko kumua madoangna' ke torro tarruhko jio kota Efesus ammuanggaii to tau jio to mangpangngajah sala na

1 Korintus 14:40

La mipasirundunan meloi to sininna apa, susi to sipato'na.

2 Timotius 2:2

Ia to pangngajaran tongan to mangka kuajaranko jio olona buda tau, la mupabarakkanan tau to wa'ding dikatappa'i sola macca mpangpangngajaran pole'i lako tau laen.

1 Korintus 11:34

Ia ke denni to tangbarahmo, melo ke kumandei jolo' jio bolana, anna ia to kasirempunanmi te'da naparatuan kamu' pangsessa jio mai Puang Allataala. Ia to apa laennapa ratupa' mati' kumane' mpamanassan kamu'.

Jamanna Rasulu' 27:21

Ba'tu pirang allomi tangkumande to tau, namale Paulus mentama tangnga-tangngana ngkuanni, “Ee, todipusile'to sola ngasan! Ia ke la mipesa'dingngina' sola ngasan, nadanggi'mo tamale jio mai pulau Kreta, te'da talamasussa sola rugi susi tee.

Jamanna Rasulu' 27:12

Te'da namelo joo kakendenan kappala' dinii torro ke wattu peurananni. Iamo joo nala'bih buda to pangjama kappala' ssitujuii, ke tarruh bangmi male ssalaii la mpendete'i kota Feniks jio pulau Kreta, na torro jio ke peurananni. Ia to kakendenan kappala'na tingngo tama suin lo'na liu, na suin jajanna liu.

Jamanna Rasulu' 27:7

Ba'tu pirang allo to nanii menonoh-nonoh manda to kappala'ki', butung to te'da kilandete' kota Knidus. Te'da kikullei nnola jio to kipangngattai jolo, sanga mangngumbuk bang unapi to angin. Mangnguju sau'kan pulau Kreta lliwa'i Tanjung Salmone mpessalai angin.

Jamanna Rasulu' 11:30

Mangkanna dirempun joo doi', disuai to Barnabas sola Saulus male mbawai lako pekaamberan jamaa jao kota Yerusalem.

Kolose 2:5

Moi tapada mambela, apa ia to penawangku' torro lan tangnga-tangngami. Na liwa'na' mario ssa'dingngi kumua mesa' penawa kamu' na mawatang too to kamatapparanmi lako Almaseh.

Jamanna Rasulu' 2:11

Denki' to-Yahudi, na den tooki' to bangsa tangngia to-Yahudi apa mangngagama to-Yahudimiki'. Denki' to jio mai tana Kreta na den tooki' to jio mai tana Arab. Tasa'ding sola ngasan mangkada mpake basata' mpaui to apa mejangngaran napugauk Puang Allataala.”

Jamanna Rasulu' 27:13

Ia joo wattu mangngiri' lo' mai to angin biasa. Nasangami pangjama kappala' kumua wa'dingmi male. Jaji napaendekki to sau kappala', namale mangrundun randan tasik jio sa'dena pulau Kreta.

1 Korintus 4:17

Na kusuami mati' to Timotius, to kupakamoja'. Ia to Timotius susi anak tonganku', natatta' mpugauk jaman-Na Puang. Iamo la mpangngingaran kamu' matumba caraku' nturu' Almaseh, susi to kupangpangngajaran lako sininna jamaa la umbo-umbo nanii.

Titus 1:12

Denmo to nabinna to-Kreta mangkada nakua, “Salle pangnguraga to to-Kreta, susi olok-olok masa'ga', maullak na kuttuan.”