Titus 1:3 - Alkitab Duri

³ Ia joo basse-Na Puang Allataala napapajan tonna dete'mi wattunna. Dipabarakkannimo' situru' parenta-Na Puang Allataala, Tomangpasalama'ta', angkupangpeissenanni.

Titus 1:3 Referans Kwoze

1 Timotius 1:11

Ia joo pangngajaran diuki' lan Kareba Kasalamatan to pole jio mai Puang Allataala to liwa' mala'bih na sipato' dipakala'bih. Ia joo kareba dipabarakkannimo' mpangpeissenanni.

1 Timotius 1:1

Ee, Timotius, to kupuanak, sanga matappa'moko lako Puang Isa nasaba' pangngajahku'! Aku' Paulus ngkiringanko tee sura'. Pakkaeloran-Na Puang Allataala, Tomangpasalama'ta' kumenjaji rasulu'-Na Puang Isa Almaseh to tarannuan. Dennaa upa' nabarakka'iko nakamasei tooko Ambe' Puang Allataala sola Puangta' Puang Isa Almaseh nabenko kamasannangan.

Titus 2:10

te'da nakaala-ala, apa la mpangpekitanni kumua wa'ding dikatappa'i. Ianna massipa' susimo joo, la tuli napujii tau to pangngajaran-Na Puang Allataala, Tomangpasalama'ta'.

Titus 2:13

Ia tee too tatajanni joo Wattu tanii la mario-rio. Ia joo Wattu la nakita tau to kamala'biran-Na Puang Isa Almaseh, iamo Puang Allataala mala'bih na Tomangpasalama'ta'.

1 Timotius 4:10

Mangjamaki' tangmekabo'jo', nasaba' mangrannuanki' lako Puang Allataala to tuo tarruh. Iamo Tomangpasalama'na sininna tau, la'bih-la'bih sininna to tomatappa'.

1 Timotius 2:3

Melo joo, na napumasannang Puang Allataala, Tomangpasalama'ta'.

1 Tesalonika 2:4

Te'da lalo ia! Tangngia kipau to la napusannang tolino, apa iara kipau to napusannang-Na Puang Allataala to nnissen penawangki'. Nasaba' nasangamokan Puang Allataala sipato' mpangpeissenanni joo Kareba Kasalamatan.

Kolose 1:23

Apa la tatta' kamu' matappa', danggi' nasitawa-tawa to penawammi. La mirannuan tarruhhi to Puang Allataala kumua la napugaukki to apa nabassean kamu' lan Kareba Kasalamatan to mangka misa'ding. Ia joo Kareba dipangpeissenanmo lako issinna lino. Na ia tee aku' Paulus menjajimo' tompangpeissenanni.

Kolose 1:6

to nasa'dingmo tau lan lili'na lino, na mpaden barakka' lako tau. Susi toomo kamu' nabarakka'i sipamulanna misa'ding, ammiperasai tonganni to kameloan penawan-Na Puang Allataala.

Efesus 2:17

Ratui Almaseh la mpangpeissenan kasikalinoan, la lako bangsa tangngia to-Yahudi to tangnnissenpa Puang Allataala, la lako to-Yahudi to nnissenmo Puang Allataala,

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

1 Korintus 9:17

Ia ke la aku' mpilei angkupangpeissenan Kareba Kasalamatan, la dipagajira'. Apa tangngia pangpileanku', sanga napabarakkannira' Puang Allataala mpangpeissenanni.

Filipi 1:13

Sininna surudadu pangngampa bola Tomaraja sola tau laen lan tee kota nnissenmi kumua ditarungkuna', sanga mpangpeissenanna' Almaseh.

Roma 16:26

apa ia tee too dipangpeissenanmi lan sura'na nabi lako sininna bangsa, situru' parenta-Na Puang Allataala to tuo te'da cappa'na, dikua namatappa' ngasan na menturu' lako Puang Allataala.

Roma 15:19

Nabenna' Almaseh kuasan-Na Roh Allataala mpugauk panggaukan mejangngaran to tangnadete' akkalan. Susimi joo kupangpeissenanmi to Kareba Kasalamatan, karebanna Almaseh, lako sininna tau, mammula jio mai kota Yerusalem ratu lako tana Ilirikum.

Roma 5:6

Ia tontatangpakullepa, matemi Almaseh la mpasalama'ki' tee kita' tomadosa. Ia joo wattu napattantu Puang Allataala.

Jamanna Rasulu' 17:26

Mesa'ri tau nanii mpaollongngi to sininna rapu tau ntorroi tee kuli'na padang. Ia toomo mpattantuanni pentaunan mellao jiona mai na pangnganggeanna to la nanii mari'pih.

Jamanna Rasulu' 10:36

Ia tee kareba napangpeissenan Puang Allataala lako kami' to-Yahudi kumua ia to tolino wa'ding sikalino pole' sola Puang Allataala ke matappa'i lako Puang Isa Almaseh, nasaba' iamo Puangna sininna tau.

Lukas 1:47

na mariona', nasaba' Puang Allataala mpasalama'na'.

Markus 16:15

Anna kuanni nakua, “Malemo kamu' lako a'pa' sulapa'na lino, mpangpeissenanni to Kareba Kasalamatan jio mai Puang Allataala lako sininna rupa tau.

Markus 13:10

La dipangpeissenan ia jolo' lako sininna bangsa to Kareba Kasalamatan namane' Kiama' lino.

Daniel 11:27

La cumadokkoi joo raja sola dua nakumande, apa gaja' akkattana sola dua na siuraga. Te'da najaji joo akkattana, nasaba' te'dapa nadete'i wattunna to Napattantu Puang Allataala.

Daniel 9:24

Napattantumo Puang Allataala pitungpulo manglokkon pitung taun la nanii mpasalama' bangsamu sola kota mala'bih kota Yerusalem na anggei dosa na nta'dei kasalan. Sininna dosa la diaddampangan na dipugauk tarruh to katonganan te'da anggena. La jaji tongan to pengkita sola apa to mangka napau jolo nabi tonna anu' na ia to Bola Puang Allataala la dicerak pole'.

Daniel 8:23

Mpatarruhhi kadanna Jibrail nakua, “Ia na la cappa'mo to karajaan mangparenta, buda tau la mpugauk panggaukan to liwa' gaja'. Na den pole' mesa' raja to gaja parrang namacca mangnguraga.

Pengkitanna Yahya 14:16

Napassaetanmi to sae'na do' lino, mpeparei to assele' padang.

Efesus 1:10

Ia to akkatta-Na kumua sininna apa la jao suruga, la lanna lino, la menjaji mesa' na Almaseh menjaji kapalana. La napugaukki Puang Allataala joo ke nadete'mi wattunna.

Markus 1:15

Nakua, “Cingga'tu'mora naratu Puang Allataala mangparenta susi Raja. Iamo joo mengkatoba' kamu' jio mai dosami, na la mikatappa'i to Kareba Kasalamatan.”

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

2 Timotius 4:17

Apa naampaimo' Puang, naben toomo' kapakullean, angkuwa'ding mmangkai jamanku' mpangpeissenan Kareba Kasalamatan lako sininna bangsa tangngia to-Yahudi inde', napasalama'na' Puang jio mai kamatean.