Titus 1:15 - Alkitab Duri

¹⁵ Ia to tomangpenawa melo, melo too ia panggaukanna. Apa ia to tomangpenawa gaja' na tangmatappa', te'da namelo panggaukanna. Gaja' pangtangngaranna na te'da naissenni umbonna to melo ba'tu gaja'.

Titus 1:15 Referans Kwoze

Roma 14:14

Kukanassai, nasaba' memmesa' penawamo' sola Puang Isa, kumua sitonganna te'da ia kande harang, apa ia takua kita' lan penawanta' harang, tantu harang lako kaleta'.

Roma 14:20

Danggi' migaja'-gaja'i to mangkamo napugauk Puang Allataala lako padammi tomatappa', sanga kande. Sininna kande hallala' ngasan dikande, apa mipusala, ke mikandei na pumadosai tau laen.

1 Korintus 10:23

Den tau nakua, wa'ding ngasan dipugauk to sininna apa. Apa ianna aku' kukua te'da na ia ngasan bang den bua'na. Jaji, moi na hallala' ngasan to apa, te'da na ia ngasan mpamawatang tomatappa'.

Matius 15:18

Jaji, apa to messun jio timu, pole jio ngasan mai penawa, iamo joo to ncarepai tau.

Roma 14:23

Apa ia to tobata ngkandei to kande, napasala Puang Allataala, nasaba' te'da napasituru'i kamatapparanna. Ia to panggaukan susi joo napumadosa.

1 Korintus 10:31

Kupebalii, moi apa mipugauk, la kumanderaka la mangngiso'raka, la mipugaukki joo anna pakala'bihhi tau to Puang Allataala.

Jamanna Rasulu' 10:15

Apa ssa'ding pole' omi gamara ngkuanni, “Apa to pura nahallalasan Puang Allataala, danggi' muharanganni.”

1 Korintus 8:7

Apa moi nasusi joo te'da na ia ngasan tomatappa' nnissenni kumua te'da dewata kepenawa. Denpa tomatappa' mpatuju lakopa dewata penawanna, sanga ia tonna jolona dewatara nasompa. Iamo joo ratu lako too allo, nasanga kumua ia to juku' mangka dipassompan lako dewata, kandena dewata. Jaji, ianna kandei joo juku', nasanga kumua madosai, nasaba' sitawa-tawai to penawanna kumua wa'dingraka dikande joo juku' mangka dipassompan lako dewata ba'tu te'daraka.

Ibrani 10:22

Iamo joo la matappa' tonganki' na la lantuk tongan penawanta' mangngolo lako Puang Allataala, nasaba' mangkamiki' dipaccingngi mpake wai malinnong anna la'pahmiki' jio mai kasalanta'.

1 Korintus 10:25

Wa'ding mikande to sininna juku' dibaluk jio pasa'. Danggi'mo milamparessa opi jolo' kumua mangkaraka dipassompan lako dewata iarika te'da. Ia to penawammi danggi' nasitawa-tawa ngkandei joo juku'.

1 Timotius 6:5

massisala tarruh te'da cappa'na. Gaja' tarruhmi sipa'na tuu lako tau na te'damo naissenni to pangngajaran tongan. Nasangai kumua, la buda dalle'na, ke mangngagamai.

Kada Bulawan 21:4

Ngkita majiong tau sola majao penawa, napupalita togaja' na iamo dosa.

Kada Bulawan 30:12

Den tau ssanga kalena te'da salana, apa sitonganna te'dapa nadipaccingngi dosana.

Ibrani 12:15

Ingaranni danggi' naden moi mesa' tau cia'mo ntarimai to barakka'-Na Puang Allataala. Ingaranni danggi' naden tau susi to waka' mapai' mpaden kamaba'cian lako padanna rupa tau anna situmang-tumang.