Titus 1:14 - Alkitab Duri

¹⁴ na danggi' napesa'dingngi curita tangkebattuanna to-Yahudi ba'tu atoran nakabua' tau to cia' mpesa'dingngii to pangngajaran tongan.

Titus 1:14 Referans Kwoze

2 Timotius 4:4

Cia'i mpesa'dingngi to pangngajaran tongan, apa iara napesa'dingngi to curita tojolo to tangkebattuan.

Kolose 2:22

Te'da napumeloi tau joo atoran, nasaba' panggaraga tolinora, na la dicappu'i dikande ba'tu diiso' joo apa dianggai.

2 Petrus 2:22

Ia to apa napugauk mpamanassai tee sambenan kada to kumua, “Ia to asu la ngkande pole' luahna,” na “Ia to bai mangkamo dijio', namale pole' mennombang.” Sipato' joo kada dipatuju lako tuu lako tau, nasaba' pole pole'i mpugaukki to panggaukan gaja' to pura naboko'imo.

Galatia 4:9

Apa ia tee too, umbora mikua mimadoang bangpa mengkaunan pole' lako tuu lako dewata, na miissenmo to Puang Allataala, ba'tu la'bih manassa ke dikua naissenmo kamu' Puang Allataala. Mipugauk bang unapa to mpattantu allo, bulan, wattu, na taun minii mangmaroah-roah. Na ia tuu lako dewata te'da bua'na na te'da nakullei mpupenjaji kamu' tomelo.

Matius 15:9

Te'da bua'na ssompana', nasaba' ia to napangpangngajaran atoran tolino, butung to kumua mpangpangngajaran parenta-Ku'.’ ”

Markus 7:7

Te'da bua'na ssompana', nasaba' ia to napangpangngajaran atoran tolino, butung to kumua mpangpangngajaran parenta-Ku'.’

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Titus 3:11

Nasaba' la muissen kumua ia to tau susi joo tibalikmo jio mai kamatapparan tongan na ia to dosana la mpamanassai kumua la disessai.