Titus 1:12 - Alkitab Duri

¹² Denmo to nabinna to-Kreta mangkada nakua, “Salle pangnguraga to to-Kreta, susi olok-olok masa'ga', maullak na kuttuan.”

Titus 1:12 Referans Kwoze

1 Timotius 4:2

Ia joo pangngajaran napangpangngajaran tomajekkong sola tomangnguraga, to nnissen umbonna to melo ba'tu gaja', apa te'da napugaukki.

Roma 16:18

Ia to tosusi joo te'da namengkaunan lako Almaseh Puangta', apa naniiri ia mpemasannangngi penawanna. Melo bang to kadanna to la nanii nnuraga tomaruruh kaju dalle.

Jamanna Rasulu' 17:28

Ia mpadenki', mpatuoki', mpapundiuki', susi to pura napau too tomaccammi nakua, ‘Ia tee kita' bati'na todaki' Allataala.’

2 Petrus 2:15

Lao sala ngasanni, sanga pada cia'i nturu' pakkaeloran-Na Puang Allataala. Ia to naturu'i, iara to sipa'na Bileam anakkana Beor, to nakabudai ke disaroii na mpugauk kasalan.

2 Petrus 2:12

Apa ia tuu lako guru tangtongan ncapa'i to apa tangnaissen. Jaji, susi bangri olok-olok to tangmangtangngah, to dipaden mandari la dijokko na digere'. Na susi joo olok-olok nabuno tau, susi tooi la nasessa Puang Allataala joo guru tangtongan, nasaba' gaja'i panggaukanna.

Jamanna Rasulu' 2:11

Denki' to-Yahudi, na den tooki' to bangsa tangngia to-Yahudi apa mangngagama to-Yahudimiki'. Denki' to jio mai tana Kreta na den tooki' to jio mai tana Arab. Tasa'ding sola ngasan mangkada mpake basata' mpaui to apa mejangngaran napugauk Puang Allataala.”

Jamanna Rasulu' 27:7

Ba'tu pirang allo to nanii menonoh-nonoh manda to kappala'ki', butung to te'da kilandete' kota Knidus. Te'da kikullei nnola jio to kipangngattai jolo, sanga mangngumbuk bang unapi to angin. Mangnguju sau'kan pulau Kreta lliwa'i Tanjung Salmone mpessalai angin.

Jamanna Rasulu' 27:12

Te'da namelo joo kakendenan kappala' dinii torro ke wattu peurananni. Iamo joo nala'bih buda to pangjama kappala' ssitujuii, ke tarruh bangmi male ssalaii la mpendete'i kota Feniks jio pulau Kreta, na torro jio ke peurananni. Ia to kakendenan kappala'na tingngo tama suin lo'na liu, na suin jajanna liu.

Jamanna Rasulu' 27:13

Ia joo wattu mangngiri' lo' mai to angin biasa. Nasangami pangjama kappala' kumua wa'dingmi male. Jaji napaendekki to sau kappala', namale mangrundun randan tasik jio sa'dena pulau Kreta.

Filipi 3:19

Mangkatampakanna la sabu' tuu lako tau, nasaba' mpupuang ba'tangna, mpumatampo panggaukanna to mesirisan, na ia to tangngahna napatuju lako mandai katuoan lan lino.

Titus 1:5

Kupatorroko jio pulau Kreta, dikua ammujamai to parallupa diatoro' na la nnangka' tooko pekaamberan jamaa lan simesa'-mesa' kota. Ingaranni tee kupasananko, kumua