Titus 1:11 - Alkitab Duri

¹¹ Ia to tau susi joo danggi' nadipupangkada, nasaba' buda tosangbola nasolangngi, naajahhii to tangsipato'na. Napugaukki susi joo, nasaba' madoangngi mesaro punala.

Titus 1:11 Referans Kwoze

2 Timotius 3:6

Den guru tangtongan susi joo macca massede namentama bolana tau anna palao sala baine katuru'-turu' to gaja buda dosana, na mangrupa-rupa too kamadoanganna.

1 Timotius 6:5

massisala tarruh te'da cappa'na. Gaja' tarruhmi sipa'na tuu lako tau na te'damo naissenni to pangngajaran tongan. Nasangai kumua, la buda dalle'na, ke mangngagamai.

Roma 3:19

Taissenmo kumua ia to atoran agama dipatuju lako to tomangka diben joo atoran. Iamo joo na te'damo tau wa'ding mpangngewan kalena, apa Puang Allataala la mbenni assele' panggaukanna to sininna tolino.

Titus 3:10

La mupakainga'i pissen ba'tu penduan to tompaden kasisalan lan tangnga-tangngana tomatappa'. Anna ia ke cia'i mangpesa'ding, danggi'mo musiama' to tau susi joo.

Titus 1:9

Parallu nturu' pangngajaran tongan, to mangka diajaranni na nakatappa'imo. Ianna susi joo, wa'dingngi mpamasumanga' tau ke mpangpangngajaranni pangngajaran tongan, na wa'ding too mpauan salana tau to mbali-balii joo pangngajaran.

Titus 1:7

Ia to tonnatoro' jamaa, iamo to mpangjaman Puang Allataala. Iamo joo naparallu tomakassing sola totangmangkada mesa. Te'da nawa'ding salle galli, ba'tu pangngiso', ba'tu passiboboran, ba'tu pangdoi'.

2 Korintus 11:10

Moi umbo-umbo nanii iti' tana Akhaya, te'da tau la nnanggaina' mpuji kaleku', sanga te'da kupeta'dai kamu' to la kuputuona. Ia tee aku' taun-Nana' Almaseh na tongan tee kupau.

Lukas 20:40

Mangpamulami joo wattu te'damo nabarani to to-Saduki ngkutanaii to Puang Isa.

Yahya 10:12

Ia to tomangrewa to kumande gajira, te'da nasusi tomangrewa to nnampuii joo bembala'. Ia ke nakitai to asu lampung ratu, la palaii ssalaii to bembala'. Nasa'makki asu lampung joo bembala' napasisarak-sarakki.

Matius 23:13

Nakua omo Puang Isa mpatarruh kadanna, “Macilaka kamu' to guru agama sola to-Farisi, nasaba' tomajekkong kamu'! Tangmieloran to tau menjaji umma'-Na Puang Allataala. Te'da mimadoang menjaji umma'-Na, na ia to tomadoang kannori mianggai. [

1 Timotius 5:4

Apa ia ke den anakkana iarika ampona, iamo la dipapahangngi, kumua sipato'i la njaranai ba'tu naingaran to penawa melona. Iamo joo napumasannang Puang Allataala.

1 Timotius 5:13

Mpangbiasa bangmi kalena makuttu, male lako male jio bang mai mentama bolana tau. Na la'bih gaja'pi to napugauk, mpau gaja' tau laen, njama tangngia jamanna, na ncurita apa tangkebattuan.

2 Timotius 2:18

Te'damo namenturu' lako pangngajaran tongan, na mpalao sala kamatapparanna tau. Mangkadai kumua, ia to katuoan pole' jio mai kamatean mangkami ia jaji.