Rut 3:13 - Alkitab Duri

¹³ Torro bangmoko mangbongi inde' jolo'. Masawapa kukutanai joo rapungki' kumua madoangrika la dipabarakkanni la njampangko. Ianna madoang una, sukkuru'ki', apa ia ke cia'i, mpauna' sangan-Na PUANG Allataala to tuo kumua na aku'mora dipabarakkanni la njampangko. Mamma'moko jolo' ratu lako makale'.”

Rut 3:13 Referans Kwoze

Rut 4:5

Nakuamo Boas, “Melomi ke susii tuu. Apa ia ammuallii joo padang jio mai Naomi, la sibalipoko Rut joo to-Moab pura balinna tomate anakkana Naomi. Nasaba' ia joo padang nang la da'tan bangpi la menjaji manah bati'na joo tomate.”

Rut 2:20

Nakua Naomi, “Rapunta' unapa joo Boas. Sitonganna iamo la njampangki'. Dennaa upa' Nabarakka'ii PUANG Allataala. Ia to basse-Na Puang Allataala te'da naballe la lako totuo, la lako to tomatemo.”

Ibrani 6:16

Ianna massapah to tau, biasa mpau sanganna tau to la'bih makuasa na kalena. Iamo ntongananni joo kadanna anna te'damo tau mpebalii.

2 Korintus 1:23

Puang Allataala, to nnissen issi penawangku', ssa'biina', kumua iamo na te'da kujaji male mati' sanga cia'na' mpamasse penawa kamu'.

Rut 3:12

Tongan kumua sipato'na' dipabarakkanni la njampangko. Moi na susi joo denpa to la'bih sipato' dipabarakkanni la njampangko, nasaba' la'bih mandoppi' ia kasirapuanna lako tomate muanemu na aku'.

Rut 4:6

Mebalii joo to la mangla'bak nakua, “Ia ke susii tuu tangkukulle aku' la lla'bakki joo padang, nasaba' la nagaja'i to manahna bati'ku'. Jaji ia tee too kusorongngi mati' kaleta' kumua kita'mo lla'bakki to sitonganna aku' la lla'bakki.”