Rut 2:8 - Alkitab Duri

^8-9 Mangkadami Boas lako Rut nakua, “Pesa'dingngina'! Danggi'mo mumale melolang lako bara'bahna tolaen. Inde' bangmo munii nduruk jelai sola tuu mati' tomangjamaku' baine. Kita bangmi to bara'bah nanii tomassae', muundi jio boko'na to tomangjamaku' baine. Ia ke mawakkeko, ala bangmoko wai jio busu to mangka naissii tuu mati' tomangjamaku' muane. Mangkamo kukuan danggi' naapa-apaiko.”

Rut 2:8 Referans Kwoze

Filipi 4:8

Ee, tomala'bihku' sola ngasan! Mangkatampakanna, la mipallan penawai sininna to pangngajaran tongan, sininna to mala'bih, sininna to maruruhna, sininna to tangkasalan, sininna to maballona, sininna to melona disa'ding, to mangpamasannang sola sipato'na dipuji.

Matius 9:22

Ta'pa messailemi to Puang Isa nakitai joo baine, namangkada nakua, “Ee, anak-Ku', pemawatangngii to penawammu! Malagahmoko, nasaba' mukatappa'ina'!” Ia joo wattu ta'pa malagahmi.

Matius 9:2

Denmi mesa' tokupi' nabulle tau lako Puang Isa, dipamamma' bang jiong ampah. Ia tonna issenmi Puang Isa matumba kamatapparanna tuu lako tau mangkadami lako joo tokupi', nakua, “Ee anak-Ku'! Pemalapuhhi penawammu. Didampanganmoko.”

Rut 2:7

Meta'dai lako aku' nadieloran undi jio boko'na tomejelai ndurukki to jelai polloh ba'tu disala. Mellao makale'pa namelolang bangmo, nacingga'tu'ra kenden.”