Rut 2:4 - Alkitab Duri

⁴ Te'da namasain ratumi Boas jio mai Betlehem namangbere sallang lako tomejelai nakua, “Dennaa upa' na PUANG Allataala ssolan kamu'!” Napebalii tomejelai nakua, “Dennaa upa' Nabarakka'iki' PUANG Allataala!”

Rut 2:4 Referans Kwoze

2 Tesalonika 3:16

Pole jio mai Puang Isa to kamasannanganta'. Dennaa upa' na Puang Isa da'tan mben kamu' sininna kamasannangan, naampai tarruh kamu' sola ngasan.

Lukas 1:28

Ia tonna ratumo lako, mangbere sallangmi nakua, “Salama', nabarakka'imoko Puang Allataala narande pala'ko.”

2 Timotius 4:22

Dennaa upa' naampaiko Puang nabarakka'i kamu' sola ngasan! Padamo jolo' too. Sallangki' mati', Paulus.

Rut 4:11

Mangkadai to ambe' kampong sola to tau laen cumadokko jio nakua, “Ie', kami' ngasanmo menjaji sa'bi. Dennaa upa' na PUANG Allataala mpupenjajii to balimmu susi Rahel sola Lea, to mpajajianni buda anak to Yakub. Dennaa upa' musugih lan alla'na to-Efrata na mukaissenan jio kota Betlehem.

Yosua 24:15

Ia ke cia' kamu' massompa lako PUANG Allataala, pattantu memanmi too indara to la misompa. Lakoraka dewata to nasompa tojolota' jio Mesopotamia tonna anu', ba'tu iaraka to dewata nasompa to-Amori to tanii torro kampongna too? Apa ia to aku' sola sininna tau llan bolaku', la massompa lakokan kami' PUANG Allataala.”

1 Timotius 6:2

Ia to kaunan matappa' na tomatappa' toda to puangna, danggi' nasangai kumua ia to puangna te'da naparallu nakasiri' nasaba' pada tomatappa'i. Sibalikanna la la'bih napemeloiri to pangjamanna lako, nasaba' ia joo puangna napangjaman pada tomatappa'i na pada dipakamoja' tooi. La mupangpangngajaran ngasan tee, mupake tooi mpangngingaran tau.

Rut 2:3

Malemi Rut lako bara'bah to nanii tau mejelai, naundi jio boko'na to tomassae' nadurukki to jelai polloh. Te'da nakalannaii kumua bara'bahna Boas rapunna Elimelekh joo nanii.

Rut 2:5

Namekutana Boas lako bandoro'na nakua, “Indara joo baine?”