Rut 1:15 - Alkitab Duri

¹⁵ Mangkadami Naomi lako Rut nakua, “Ee anakku', kitari! Polemi sanglalanmu lako bangsami na jio toomo to dewatammi to la nasompa. Pole todamoko, undimoko lako!”

Rut 1:15 Referans Kwoze

Yosua 24:15

Ia ke cia' kamu' massompa lako PUANG Allataala, pattantu memanmi too indara to la misompa. Lakoraka dewata to nasompa tojolota' jio Mesopotamia tonna anu', ba'tu iaraka to dewata nasompa to-Amori to tanii torro kampongna too? Apa ia to aku' sola sininna tau llan bolaku', la massompa lakokan kami' PUANG Allataala.”

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.

Ibrani 10:38

Ia to tau kupupenjaji tomelo sanga matappa'i la nnampa' katuoan melo te'da cappa'na. Apa ianna den to cia' omo matappa', te'da kupumasannangngi.”

Lukas 24:28

Samandoppi'-doppi'nami lako to kampong napangngujui. Susi to la mpatarruh bangngi kalingkan-Na Puang Isa,

Yosua 24:19

Nakua omo Yosua, “Apa te'da namarawa massompa lako PUANG Allataala, nasaba' Iamo Allataala mala'bih. Te'da namadoang ke denni dewata dipapadanni. Ia ke mipaboko'ii penawa, mimale ssompa dewata to nasompa bangsa laen, te'da nalannaddampanganni to salami sola dosami. Apa la Naewa kamu' Nasessa kamu'. La nalanynya'i kamu', moiraka Namangkamo mpugauk kameloan lako kamu'.”

Rut 1:14

Kumillak pole'i Rut sola Orpa mpeandongngi gamaranna, naraka'i Orpa joo matuanna naudungngi, namane' pole lako kampongna. Apa ia to Rut cia'i messarak jio mai matuanna.

Rut 1:16

Apa mebalii Rut nakua, “Indo', danggi' taparukuna' ssalaiki'. Madoangna' tamale sola. La umbo-umbo tanii male, ia toomo kunii male. Moi umbo tanii torro ia toomo kunii torro. Ia to bangsata' iamo bangsaku'. Ia to Allataala tasompa ia toomo la kusompa.