Roma 8:2 - Alkitab Duri

² nasaba' kuasan-Na Roh Allataala mangka lla'paranki' jio mai kuasa dosa sola kuasa kamatean. Ia to Roh Allataala mangka mbenki' katuoan baru sola Puang Isa Almaseh.

Roma 8:2 Referans Kwoze

Roma 6:14

Te'damo miwa'ding napukaunan kuasa dosa, sanga te'damo nakuasai kamu' atoranna Nabi Musa, apa tuomo kamu' situru' kameloan penawan-Na Puang Allataala.

2 Korintus 3:17

Na ia to disanga Puang ntee, iamo to Roh Allataala. Na ia to Roh Allataala lla'paranki' jio mai kuasa kamatean.

Roma 6:18

Mangkamo kamu' dila'paran jio mai dosami, na ia tee too mengkaunan lakomo kamu' Puang Allataala, ammimenturu' lako pakkaeloran-Na.

2 Korintus 3:6

Ia mbenkan kapakullean angkiwa'ding menjaji pangjama-Na mpangpeissenan basse baru, to nabenmiki' Roh Allataala apa te'da diuki' lan atoran agama. Nasaba' ia ke mpengkulle-kulleiki' mpugauk atoran agama dikua antadipupenjaji tomelo, la mateki'. Apa ia ke matappa'ki' lako Puang Allataala, la nabenki' Roh Allataala katuoan melo te'da cappa'na.

1 Korintus 15:45

Den diuki' lan Sura' Allataala kumua, “Kepenawa to pamula tolino, iamo to Adam,” apa penawa mangpatuo to cappa' Adam, iamo to Almaseh.

Yahya 8:36

Jaji, ia ke kula'paran kamu' jio mai dosami, mane'ra kamu' la'pah tongan, sanga Aku'mo Anak Allataala.

Yahya 8:32

na la miissen to Puang Allataala, na Iamo la lla'paran kamu'.”

Roma 7:4

Susi too kamu' to todipusile'to. Ia tonna jolona napukaunan kamu' atoran agama. Apa ia tee too dila'paranmo kamu' jio mai atoran agama, nasaba' mangkamo kamu' mate sola Almaseh. Jaji ia tee too taun-Namo kamu' Almaseh to dipatuo pole' jio mai kamatean, anna ia to katuoanmi makkeguna lako Puang Allataala.

Roma 6:22

Apa ia tee too la tuo kamu' susi to sipato'na tau mesan-Na Puang Allataala na la nnampa' kamu' katuoan melo te'da cappa'na, nasaba' mangkamo kamu' dila'paran jio mai kuasa dosa, mimengkaunan lako Puang Allataala.

Yahya 6:63

Roh Allataala to naputuo tau. Te'da lalo pakullena to tolino. Ia tee kada kupauan kamu', iamo kadan-Na Roh Allataala to mpangben katuoan.

Yahya 4:14

Apa ia to tonniso'i to wai la kupangben, te'da lalomo nalamawakke. Sanga ia joo wai la kubenni la menjaji susi kalimbuah tangmate lan kalena na lolong messun mbenni katuoan melo te'da cappa'na.”

Yahya 4:10

Mebalimi Puang Isa nakua, “Te'da muissenni to barakka'-Na Puang Allataala na te'da too muissen kumua indara' tee mpeta'daiko wai diiso'. Ia ke la muissenni, iko pole'ra la mpeta'da wai lako Aku', angkubenko wai mangpatuo.”

Galatia 5:1

Nala'paranmiki' Almaseh jio mai atoran agama! Iamo joo la mitoe mandik to kadila'paranmi jio mai kakaunanan, danggi' napukaunan pole' kamu'.

Galatia 2:19

Apa mangkamo' mate lan kamenturusan atoran agama, battuananna mangkamo' la'pah jio mai atoran agama, dikua angkutuo lako Puang Allataala, sanga mangkamo' dipampang sola Almaseh.

Roma 5:21

Sipato'ki' mate, nasaba' dosata'. Apa napakamoja'ki' Puang Allataala, napupenjajiki' tomelo. Iamo joo nabenmiki' katuoan melo te'da cappa'na, nasaba' Puangta' Puang Isa Almaseh.

Roma 7:21

Jaji iamo tee to jaji lako kaleku': madoangna' mpugaukki to melona, apa ia ora to tangmelona kupugauk.

Pengkitanna Yahya 22:1

Na ia joo malaeka' mpakitanna' to sa'dan malinnong cumbillan susi kristal. Ia to wainna mangpatuo, lolong jio mai cadokkoan mala'bih-Na Puang Allataala na Anak Bembala',

Roma 3:27

Iamo joo moi taturu' ngasanni to atoran agama, te'da talampumajao penawai. Ciapari nasusi joo? Nasaba' te'da tadipupenjaji tomelo sanga nturu'ki' atoran agama, apa kamatapparanta'ra.

Pengkitanna Yahya 11:11

Ia tonna tallung allomo sitangnga, ratumi to roh la mangpatuo jio mai Puang Allataala, namentama pole' kalena joo dua sa'bi anna tuo. Ta'pa mi'cikki nake'deh anna gaja laja' to sininna tau ngkitai.

Roma 7:23

apa te'da kukullei nturu'i, nasaba' den kuasa laen rrarii penawangku' nataloina'. Na iamo joo kuasa dosa to ngkuasaina'.

Roma 8:1

Ia tee too te'damo nakannai pangcalla to tomemmesa'mo sola Puang Isa Almaseh,

Roma 16:3

Sallangku' lako Priskila na Akwila, sangpangjamanku' lan jaman-Na Puang Isa Almaseh.

Galatia 6:2

La sibalian kamu' mpassan pamawanmi, sanga iamo joo la minii mpugaukki to atoran-Na Almaseh.

Yakub 1:25

Te'da caccana to atoran-Na Puang Allataala na makuasa lla'paranki' jio mai kuasa dosa. Parallu diissen tongan, nadipallan penawa, nadipugauk tongan, te'da nadisa'ding manda arannai tangdiingaran. Jaji paralluki' mpugaukki to atoran-Na, nasaba' sininna tau to mpugaukki susi joo nabarakka'i Puang Allataala.