Roma 8:1 - Alkitab Duri

¹ Ia tee too te'damo nakannai pangcalla to tomemmesa'mo sola Puang Isa Almaseh,

Roma 8:1 Referans Kwoze

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

Galatia 3:13

Mangkamiki' nala'bak Almaseh jio mai tampak ropu to napaden atoran agama lako kita', nasaba' te'da takullei nturu'i. Iari ssulleki' nakanna tampak ropu, susi to diuki' lan Sura' Allataala kumua, “Tampak ropu to sininna tau to mate dipampang jao kaju.”

Roma 5:1

Napupenjaji tomeloki' Puang Allataala, nasaba' kamatapparanta'. Iamo joo tasikalino pole'mo Puang Allataala. Sininna tee jaji, nasaba' Puangta' Puang Isa Almaseh.

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

Roma 8:34

Te'da ia tau ngkullei ncallaki', sanga Puang Isa Almaseh la mpangkadananki'. Iamo to mangka mate, natuo pole' na cumadokkomo sola Puang Allataala.

Yahya 5:24

La miingaran tee kadang-Ku' kumua, ia to tompesa'dingngi to kadang-Ku', namatappa' lako to tossuana', iamo tonnampui katuoan melo te'da cappa'na. Te'damo ia naladisessa. La'pahmi jio mai kamatean, anna nnampa' katuoan melo te'da cappa'na.

Yahya 15:4

La da'tan kamu' memmesa' sola Aku', kumemmesa' sola kamu'! Susi to tangke anggoro' te'da nakullei membua, ke te'dai nale'ke' jio garonto'na, susi todamo kamu' te'da mikullei membua, ke te'dai mimemmesa' sola Aku'.

Filipi 3:9

angkumesa' penawa sola. Te'da kudipupenjaji tomelo, sanga mpugaukna' atoran agama, apa napupenjaji tomelona' Puang Allataala, sanga matappa'na' lako Almaseh.

Roma 8:14

Ia to tonakuasai Roh Allataala, iamo disanga anak Allataala.

1 Korintus 15:22

Jaji, napumate ngasan tolino, sanga Adam. Susi toomi la naputuo ngasan to tolino, sanga Almaseh.

Galatia 5:16

Ia to kusanga iamo to: Ake'mo na Roh Allataala mpatuju kamu' lan katuoanmi, dikua nate'da mituru'i kamadoangan gaja'mi.

Roma 8:4

Napugaukki Puang Allataala susi joo, dikua anna ia to pakkaeloran-Na, to pajan lan atoran agama, wa'ding tapugauk, nasaba' te'damo tatuo situru' kamadoangan penawanta', apa situru' Roh Allataala.

Roma 8:39

ba'tu apa jao langi', ba'tu apa lan kuli'na padang, ba'tu laennapa, te'da nakullei mpupessarakki' jio mai pangpakamoja'-Na Puang Allataala, susi to napapajan Puangta' Puang Isa Almaseh.

Galatia 5:25

La nturu'miki' Roh Allataala, nasaba' mangkamiki' naben katuoan baru!

Galatia 3:28

Te'damo nadipasilaenan to-Yahudi na bangsa tangngia to-Yahudi, kaunan na tangkaunan, muane na baine, nasaba' sirapumo kamu' Puang Isa Almaseh tommidijio'.

Yahya 14:20

Ia ke nadete'mi wattunna, la miissen kumua memmesa'na' sola Ambe'-Ku', na kamu' memmesa' sola Aku', na Aku' memmesa' sola kamu'.

Roma 7:20

Ia ke kupugaukki to tangkukabudainna, tangngia aku' mpugaukki, apa kuasa dosara to ngkusai kaleku'.

Roma 7:17

Jaji, sitonganna tangngia aku' mpugaukki joo, apa kuasa dosara to ngkuasai kaleku'.

2 Korintus 12:2

Den kuissen mesa' tomatappa' lako Almaseh to sangpulo a'pa'mi taunna mangkanna disolan cingga'tu' de' suruga kaminang majao. Te'da kupahang tonganni kumua batang kalena tonganrika disolan, iarika pengkitanna bangra, apa Puang Allataala nnissenni.

Roma 16:7

Sallangku' lako Andronikus na Yunias, sangtondokku' to mangka kusolan ditarungku. Jolo ia menturu' lako Almaseh na aku', na to katandan lan tangnga-tangngana rasulu'.

Roma 16:3

Sallangku' lako Priskila na Akwila, sangpangjamanku' lan jaman-Na Puang Isa Almaseh.

Roma 5:16

Te'da napada to barakka'-Na Puang Allataala na ia to dosa napugauk Nabi Adam. Nasaba' ia tonna madosamo Nabi Adam, nara'tahmi Puang Allataala nakua, “Tokasalan.” Apa ia tonna madosamo to sininna tolino, nabenmiki' barakka'-Na Puang Allataala, nara'tahhi to tolino nakua, “Tote'da salana.”

Roma 8:2

nasaba' kuasan-Na Roh Allataala mangka lla'paranki' jio mai kuasa dosa sola kuasa kamatean. Ia to Roh Allataala mangka mbenki' katuoan baru sola Puang Isa Almaseh.

Roma 8:9

Ia to kamu' te'damo mituru' kamadoangan penawammi, sanga nakuasaimo kamu' Roh Allataala, to tuo lan kalemi. Ia to te'da Roh Almaseh lan kalena, tangngia taun-Na Almaseh.

Roma 8:11

Ia to Roh Allataala mangka mpatuo Almaseh jio mai kamatean. Ia ke Roh Allataala tuo lan kalemi, Ia toomo la mpatuo kamu'.

Galatia 3:26

Napuanak ngasanmo kamu' Puang Allataala, sanga matappa'mo kamu' lako Puang Isa Almaseh.

Efesus 1:1

Ee, tomala'bihku' sola ngasan, tomatappa' na tonturu' Puang Isa Almaseh jio kota Efesus! Ia tee sura' pole jio mai aku' Paulus, rasulu'-Na Puang Isa Almaseh situru' pakkaeloran-Na Puang Allataala.