Roma 5:1 - Alkitab Duri

¹ Napupenjaji tomeloki' Puang Allataala, nasaba' kamatapparanta'. Iamo joo tasikalino pole'mo Puang Allataala. Sininna tee jaji, nasaba' Puangta' Puang Isa Almaseh.

Roma 5:1 Referans Kwoze

Roma 15:13

Puang Allataala Iamo rannummi. Dennaa upa' naben kamu' kamarioan sola kamasannangan, nasaba' mikatappa'i, na ia to Roh Allataala mpamawatang kaparannuanmi lako Puang Allataala.

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Kolose 1:20

Nasuai Puang Allataala to Almaseh mentama lino, namate jao kaju sitamben, anna pasikalinoi to sininna apa lan lino na lan suruga sola kalena.

Roma 6:23

Kamateanra to buanna dosa, apa katuoan melo te'da cappa'na nabenki' Puang Allataala, nasaba' memmesa'miki' sola Puangta' Puang Isa Almaseh.

Roma 14:17

Ia ke Puang Allataala ngkuasai to katuoanna tau, tangngia dikandena ba'tu diiso'na to parallu, apa iara to kasikalinoan pole' Puang Allataala, mpugauk pakkaeloran-Na, na kamasannangan to nabenni Roh Allataala.

2 Tesalonika 3:16

Pole jio mai Puang Isa to kamasannanganta'. Dennaa upa' na Puang Isa da'tan mben kamu' sininna kamasannangan, naampai tarruh kamu' sola ngasan.

Yahya 14:27

Kupatorroan kamu' to la mipumasannang, iamo to kamasannangan pole jio mai Aku'. Ia joo kamasannangan kuben kamu' te'da nasusi to naben kamu' tolino. Danggi' mimausa' ba'tu malaja'.

Roma 4:5

Apa ia to kasiumputanta' sola Puang Allataala, to mpupenjaji meloi to tomadosa, te'da nasusi joo, te'da namenggaronto' lako panggaukanta'. Ia to tomadosa to te'da napattuan panggaukan melona, apa napattuan lakori Puang Allataala, dipupenjaji tomelo, sanga kamatapparanna.

Kolose 3:15

Napileimo kamu' Almaseh menjaji susi lesoan batang kale-Na. La sikalino kamu' sola padammi tomatappa'. Eloranni kamasannangan to pole jio mai Almaseh, ngkuasai penawammi. La mangkurru sumanga' too kamu' lako Puang Allataala.

Roma 15:33

Dennaa upa' na Puang Allataala, to mpangben kamasannangan, nnampai kamu' sola ngasan. Amin.

Jamanna Rasulu' 10:36

Ia tee kareba napangpeissenan Puang Allataala lako kami' to-Yahudi kumua ia to tolino wa'ding sikalino pole' sola Puang Allataala ke matappa'i lako Puang Isa Almaseh, nasaba' iamo Puangna sininna tau.

Filipi 3:9

angkumesa' penawa sola. Te'da kudipupenjaji tomelo, sanga mpugaukna' atoran agama, apa napupenjaji tomelona' Puang Allataala, sanga matappa'na' lako Almaseh.

1 Tesalonika 5:23

Dennaa upa' na Puang Allataala, to mpangbengan kamasannangan, mpupenjaji kamu' tau mesan-Na, na dennaa upa' na Ia njagai to penawammi, tangngahmi, na panggaukanmi nadanggi' mikasalan nate'da caccami, ke ratu pole'i Puangta' Puang Isa Almaseh.

Roma 5:18

Jaji, nang la dicallai to sininna tolino, nasaba' panggaukan gaja'na mesa' tau, iamo to Nabi Adam. Susi unai joo la dila'paran to tolino jio mai pangcalla na diben katuoan, nasaba' panggaukan melo-Na mesa' tau, iamo to Almaseh.

Lukas 19:42

nakua lako to-Yerusalem, “Ando' ee, tangpada ia melona, kenna ia bang unamo tee allo mupahangngi indara to la mpadenanko kasikalinoan. Apa te'da muissenni.

Roma 1:7

Iami joo na aku' Paulus nnukiran kamu' tee sura' mati'. Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

Lukas 19:38

Metamba-tamba tuu lako tau nakua, “Dibarakka'i to Raja ratu mpusanga sangan-Na Puang. Pakala'bihhi Puang Allataala jao kaminang majaona, na kasikalinoan jao suruga.”

Galatia 2:16

Moi nasusi joo, kiissen kumua te'da tau napupenjaji tomelo Puang Allataala, sanga mpugaukki atoran agama, apa kamatapparannara lako Puang Isa Almaseh. Susimi joo angkimatappa'mo lako Puang Isa Almaseh, dikua angkidipupenjaji tomelo, tangngia sanga mpugaukkan atoran agama. Te'da mesa' tau dipupenjaji tomelo, nasaba' mpugaukki atoran agama.

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Roma 10:10

Nasaba' penawara namatappa' to tau, napupenjaji tomeloi Puang Allataala. Na pangngakuan timunna to tau anna dipasalama'.

Roma 3:30

nasaba' mesa'ra to Puang Allataala. Iamo mpupenjaji tomeloi to to-Yahudi, ke matappa'i. Na ia toomo mpupenjaji tomeloi to bangsa tangngia to-Yahudi, ke matappa'i.

Roma 1:17

Ia to Kareba Kasalamatan mpaissenniki' umbo nakua carana Puang Allataala mpupenjaji tomeloi to tolino. Iamo to kamatapparan manda lako Puang Allataala, te'da ia cara laen. Susi to diuki' lan Sura' Allataala kumua, “Ia to tau dipupenjaji tomelo sanga matappa'i lako Puang Allataala, na iamo la nnampa' katuoan melo te'da cappa'na.”

Ibrani 13:20

Napatuo pole'mi Puang Allataala to Puangta' Puang Isa jio mai kamatean. Na ia tee too menjajimi Tomangrewa Tomala'bihta' rrewaiki' kita' to bembala'-Na, sanga kamatean-Na. Ia toomo joo kamatean-Na mpaassah basse te'da cappa'na to napaden Puang Allataala lako kita'. Iamo joo kumeta'da lako Puang Allataala to mpangben kamasannangan,

Efesus 2:7

Napugaukki susi joo dikua anna pangpekitanni lako tolino to tuo lan wattu la dioloi lako kumua tangdikulle mpikkiri'i to pangpakamoja'-Na sola kameloan penawan-Na lako kita', nasaba' ia to napugauk Puang Isa Almaseh.

Galatia 3:25

Na ia tee too, nadete'mi wattunna matappa' lako Puang Isa, iamo joo te'damo nakuasaiki' atoran agama.

Roma 10:15

Na umbo la nakua tau mpangpeissenanni to Puang ke te'da nadisua mpangpeissenanni? Den diuki' lan Sura' Allataala kumua, “Liwa' melona karatuanna to tomale mpangpeissenan Kareba Kasalamatan jio mai Puang Allataala.”

Roma 9:30

Apa omo la takua? Susii tee: Ia to bangsa tangngia to-Yahudi te'da napengkullei dipupenjaji tomelo, apa napupenjaji tomelo Puang Allataala, nasaba' kamatapparanna.

Lukas 2:14

“Pakala'bih Puang Allataala to makuasa jao suruga! Sikalino to tolino to napumasannang!”

Roma 3:22

Napupenjaji tomelo Puang Allataala to tau, nasaba' matappa'i lako Puang Isa Almaseh. Na ia tee napatujui Puang Allataala lako sininna tolino, te'da tau dipasilaenan,

Yahya 5:24

La miingaran tee kadang-Ku' kumua, ia to tompesa'dingngi to kadang-Ku', namatappa' lako to tossuana', iamo tonnampui katuoan melo te'da cappa'na. Te'damo ia naladisessa. La'pahmi jio mai kamatean, anna nnampa' katuoan melo te'da cappa'na.

Roma 5:11

Na te'da na ia manda joo, apa mario tooki', nasaba' mangkami Puangta' Puang Isa Almaseh mpasipemeloanki' Puang Allataala.

Galatia 5:22

Apa ia to tau nasolan Roh Allataala, melo panggaukanna: mangpakamoja', mario, masannang bang penawanna, sabbara', mabassa, melo penawa, mangngingaran tarruh,