Roma 4:12 - Alkitab Duri

¹² Susi too lako todisunna', napuambe' too to Nabi Ibrahim, ke matappa' tooi lako Puang Allataala susi kamatapparanna Nabi Ibrahim tonna te'dapa nadisunna'.

Roma 4:12 Referans Kwoze

Kada Bulawan 2:20

Iamo joo, turu'i to panggaukanna tomelo penawa, mualai palelean mata to tomakassing.

1 Petrus 2:21

Napileimo kamu' Puang Allataala mpugaukki susi joo. Moi Almaseh mperasai pa'dik ssulle kamu', anna menjaji palelean mata lako kamu' ammituru'i.

2 Korintus 12:18

Kusuamo mati' to Titus, na den too mesa' padanta' tomatappa' laen kusua anna male sola. Napesaroira kamu'ka Titus? Kamu' nnissenni kumua ia to aku' sola Titus mesa'ra akkattaki' mangjama sola, anna sangrupa toora to sipa'ki'.

Matius 3:9

Danggi' misangai kumua te'damo miladicalla, nasaba' bati'na kamu' Nabi Ibrahim. La mikatappa'i kumua, makuasa to Puang Allataala mpupenjaji bati'nai Nabi Ibrahim tee mai batu!

Roma 4:11

Mangkamira joo, namane' disunna'. Ia to kadisunnatanna tandana kumua ia to Nabi Ibrahim napupenjaji tomeloi Puang Allataala, nasaba' matappa'i, moi na te'dapa napugaukki to atoran sunna'. Iamo joo na ia to Nabi Ibrahim menjaji ambe'na sininna tomatappa', to dipupenjaji tomelo, moiraka na te'da nadisunna'.

Roma 4:13

Ia to Nabi Ibrahim sola bati'na nabasse Puang Allataala la nnampui tee lino, tangngia nasaba' Nabi Ibrahim mpugauk atoran agama, apa nasaba' matappa'i anna dipupenjaji tomelo.