Roma 3:5 - Alkitab Duri

⁵ Apa ia ke ia to panggaukan gaja'ta' napusaba' nasapajan-pajanna to kamarurusan-Na Puang Allataala, apara la takua? Takuaraka kumua tangmaruruh to Puang Allataala, ke nacallaki'? Mangkada tobiasana' tee.

Roma 3:5 Referans Kwoze

Roma 6:19

Ia una kupake pangpasusian mengkaunan, dikua ammimadoi' mapahang. Susi tonna jolona mieloran to batang kalemi napukaunan penawa gaja'mi sola mangrupa-rupa kagajatan, susi toomi tee too la mipangben to batang kalemi mimengkaunan lako pakkaeloran-Na Puang Allataala ammituo susi to sipato'na tau mesan-Na Puang Allataala.

Galatia 3:15

Ee, tokupusile'to! Melo ke mpakena' mesa' pangpasusian to biasanna takita keallo-keallo. Ia ke denni tau mpaden basse na dipaassahmo, te'damo nawa'ding dita'dei iarika nadirangnganni moi ci'di'.

1 Korintus 9:8

Ia tee kupau, tangngiara pangngampa'na manda tolino, apa dipau too lan Sura' Allataala.

Roma 7:7

Na ia ke susii joo apara la takua? Takuaraka kumua gaja' to atoranna Nabi Musa? Te'da ia! Apa nnissenmo' dosa, nasaba' kuissen to atoranna Nabi Musa. Ia kenna te'da nadiuki' lan atoranna Nabi Musa kumua, “Danggi' ngkadoangngi apanna padammu rupa tau!”, te'da kuissenni to madoang.

Roma 4:1

Ia ke susii joo, apara la takua to jaji lako Nabi Ibrahim tojolota'?

Roma 2:5

Apa membattuk kamu' ammicia' mangpesa'ding. Iamo joo, kamu' bang una mpemabanda'i pangpabalah lako kalemi ke Kiama'mi lino. Ia joo allo napangpekitanni Puang Allataala to kamabirisan-Na na pangpabalah maruruh-Na lako to tolino.

Pengkitanna Yahya 18:20

Ee, kamu' jao suruga, parannu kamu' to karo'pokanna kota Babel! Ee, umma'-Na, rasulu'-Na, na nabin-Na Puang Allataala, mario parannumo kamu', sanga nabicaramo Puang na napabalahhimi to kedo gaja' mangka nagaukan kamu' tuu mati' tau!”

Pengkitanna Yahya 15:3

anna makkelong mpukelong kelongna Nabi Musa, taun-Na Puang Allataala, na kelong-Na Anak Bembala' nakua, “Oo, Puang Allataala! Tomakuasaki', liwa' mala'bih na te'da susinna to panggaukan-Ta'. Rajanaki' sininna bangsa, melo na tongan to panggaukan-Ta'.

1 Korintus 15:32

Denmo kunnewa tau susi olok-olok masia' inde' kota Efesus. Te'da saroku', ke la te'dami nadipatuo pole' to tomate. La'biran tapugauk bangmi susi to nakua tau, “Takumande sola tamangngiso', tamangmasannang-sannang, sanga la matemiki' masawa.”

Roma 12:19

Ee, todipusile'to! Danggi' lalo mimangpabalahhi. Ma'namo ia na Puang Allataala mpabalahhii. Nasaba' den diuki' lan Sura' Allataala kumua, “Nakua Puang Allataala, ‘Aku' mpuissenni to mangpabalahhi, Aku'ra to wa'ding mpattantu pangpabalah.’ ”

Roma 6:1

Ia ke susimi joo, apara la takua? La da'tan bangpiriki'ka mpugauk dosa, dikua anna samelo-melona penawan-Na Puang Allataala lako kaleta'?

Roma 3:19

Taissenmo kumua ia to atoran agama dipatuju lako to tomangka diben joo atoran. Iamo joo na te'damo tau wa'ding mpangngewan kalena, apa Puang Allataala la mbenni assele' panggaukanna to sininna tolino.

Roma 3:7

Mbai den tau mpikkiri'i susi tee: “Te'da natongan ke dira'tahna' susi tomadosa, ke sapajan-pajannai to kamarurusan-Na Puang Allataala, napumala'bihhi, nasaba' panggaukan gaja'ku'.”

Roma 5:8

Apa napakitanmiki' Puang Allataala to pangpakamoja'-Na, nasaba' ia tonna taloi unapiki' kuasa dosa, matei to Almaseh mpangngewanki'.

Roma 8:31

Apara la takua tee too to sininna joo? Ia ke napangngewaiki' Puang Allataala indara la nnewaki'?

Roma 9:30

Apa omo la takua? Susii tee: Ia to bangsa tangngia to-Yahudi te'da napengkullei dipupenjaji tomelo, apa napupenjaji tomelo Puang Allataala, nasaba' kamatapparanna.

2 Korintus 6:4

Iamo joo kipangpekitanni lan sininna panggaukanki' kumua tonasuakan Puang Allataala. Kiewai kasabbarasan moi mangrupa-rupamo kamaparrisan kiperasai, susinna disessakan, disussaikan,

2 Korintus 7:11

La mipikkiri' meloi to assele'na kamassean to miperasai situru' pakkaeloran-Na Puang Allataala! Ia to assele'na kumua ammipengkulle-kullei mpangkadanan kalemi, mikaba'ci dosa, mikasiri' Puang, mikamali'kan, masumanga' kamu', barani kamu' ssessai to tokasalan. Ia ngasanmo tee minii mpangpekitanni kumua te'da mikasalan.

Galatia 2:18

Na ia ke kutarima pole'i to atoran agama to mangkamo kupatorro, mpangpeissenanna' kaleku' kumua tomadosana'.