Roma 3:4 - Alkitab Duri

⁴ Tantu te'da! Moi namangnguraga ngasan to tolino, tonganni ia to napau Puang Allataala, susi to nauki' Raja Daud lan Sura' Allataala, “Oo Puang! Ia to kadan-Ta' la naissen tau kumua tongan, ia ke dikara-karaki' Puang, pataloki'.”

Roma 3:4 Referans Kwoze

Galatia 2:17

Apa ianna kami' mpengkulle-kulleii la direken tomelo mpulalan Almaseh, kakitanan kumua tomadosakan susi bangsa tangngia to-Yahudi, battuanannaraka kumua Almaseh to mpusaba'i kimadosa? Te'da lalo nasusi joo!

Ibrani 6:18

Ia joo dua, iamo to basse-Na sola sapah-Na te'da namembali, sanga te'da nakullei Puang Allataala mangnguraga. Susimi joo napamasumanga'ki' kita' to napasalama'mo Puang Allataala, antarannuan tarruh Puang Allataala kumua la napugaukki to apa nabasseanki'.

Titus 1:2

namangrannuan kumua la nnampa'i katuoan melo te'da cappa'na, to nabassemo Puang Allataala to tangmangnguraga tonna te'dapa nadipaden tee lino.

Yahya 3:33

Ia to tontarimai joo kadan-Na Puang Isa, naakui kumua tongan to kadan-Na Puang Allataala,

Pengkitanna Yahya 3:7

Nasuana' nakua, “Uki'i susi tee lako malaeka'na jamaa jio kota Filadelfia: Ia tee pepasan pole jio mai Aku' to tomala'bih na totongan, to ntoe goncingna Raja Daud. Ia ke kutimbakanni to pelalan, moi mesa' tau te'da wa'ding ssalli'i. Ia ke kusalli'ii, moi mesa' tau te'da wa'ding ntimbakanni.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Roma 9:14

Ia ke susii joo, la takuaraka kumua te'da namaruruh to Puang Allataala? Te'da nasusi joo! Maruruh Ia to Puang Allataala!

1 Yahya 5:10

Ia to tomatappa' lako Anak Allataala natarimamo to apa napau Puang Allataala. Apa ia to tote'da nakatappa'i Puang Allataala, padai tossanga pangnguragai to Puang Allataala, nasaba' te'da nakatappa'ii to apa napau mpatui to Anak Allataala.

Galatia 2:21

Susimi tee te'da kukita majiongngi to kameloan penawan-Na Puang Allataala, iamo to kamatean-Na Puang Isa Almaseh. Apa ia ke la den tolino napupenjaji tomelo Puang Allataala, nasaba' mpugaukki atoran agama, te'da bua'na joo kamatean-Na Almaseh.

Roma 6:15

Umbomora la takua too? Wa'dingriki'ka mpugauk dosa, nasaba' nakuasaimiki' kameloan penawan-Na Puang Allataala, na te'damo nakuasaiki' atoran agama? Te'da nalasusi joo!

Roma 3:31

Na ia ke matappa'miki' lako Puang Isa Almaseh, wa'dingmoraka taca'bean to atoran agama? Tantu te'da! Apa sibalikanna taangga'ri ia to atoran agama, nasaba' kamatapparanta' lako Puang Isa Almaseh.

Matius 11:19

Na ratu omo' Aku', Anak Mentolino, kukumande sola mangngiso', nakua omo tau kumua, ‘Kitai joo tomaullak, pangngiso', soba'na passassung sola togaja' sipa'na.’ Apa moi na susi joo, mandalan tangngah to Puang Allataala, na ia to kamandalanan tangngah-Na pajan lan panggaukan-Na.”

Galatia 6:14

Ia tee aku', te'da kulampemajaoi penawangku', apa mpakala'bihna' Puangta' Puang Isa Almaseh to mangkamo mate jao kaju sitamben. Iamo joo ia to tolino na atoranna te'damo bua'na lako aku'. Susi too aku' lako tolino.

Roma 11:1

Mekutanana': Te'damoraka napuumma'i Puang Allataala to to-Israel? Umma'-Na unapa! Aku' una tee na to-Israelna' jio mai bati'na Nabi Ibrahim, pangrapuanna Benyamin.

2 Korintus 1:18

Susi Puang Allataala wa'ding dikatappa'i, susi too to kadangki' lako kamu' te'da namembalik kumua “Io” menjaji “Te'da”.

Roma 11:11

Mekutana pole'na': Melolinraka to to-Yahudi dikua nate'damo napuumma'i Puang Allataala? Te'da nasusi joo! Ia to bangsa laen dipasalama', nasaba' dosana to to-Yahudi, dikua anna masere ati to to-Yahudi lako joo bangsa laen.

Roma 7:7

Na ia ke susii joo apara la takua? Takuaraka kumua gaja' to atoranna Nabi Musa? Te'da ia! Apa nnissenmo' dosa, nasaba' kuissen to atoranna Nabi Musa. Ia kenna te'da nadiuki' lan atoranna Nabi Musa kumua, “Danggi' ngkadoangngi apanna padammu rupa tau!”, te'da kuissenni to madoang.

Roma 6:2

Tantu te'da! Te'damo nasipato' ke mpugauk unapiki' dosa, nasaba' mangkamiki' mate sola Almaseh antadila'paran jio mai kuasa dosa.

Lukas 20:16

La ratui mbuno ngasanni joo tomendulu, namane' mpangpenduluanni joo bara'bahna lako tolaen.” Ia tonna sa'dingmi tuu lako tau joo pangpasusian, nakuamo, “Napamambela-belai Puang Allataala joo jio mai kaleki'.”

Roma 7:13

Ia ke susii joo, la kupumateraka to apa melo, iamo to atoranna Nabi Musa? Te'da nasusi joo! Kuasa dosara ia mpaden kamatean. Na ia to kuasa dosa mpakei to apa melo mbunona', anna pajan kumua liwa' gaja' to dosa.

1 Korintus 6:15

Ee, tomala'bihku'! Tantu miissenmo kumua ia to kalemi lesoan kale-Na Almaseh. Nawa'dingraka ke kualaii mesa' to lesoan kale-Na Almaseh kupupenjajii lesoan kalena baine bandarang? Te'da lalo ia nawa'ding!

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”