Roma 3:2 - Alkitab Duri

² Tantu bangmo buda bua'na! Nasaba' sininna kadan-Na Puang Allataala to-Yahudimo jolo dipauan.

Roma 3:2 Referans Kwoze

Roma 9:4

Iamo to to-Israel napilei Puang Allataala anna pupenjajii anak, napakitanni kamala'biran-Na. Mangkami dipadenan basse nadiben atoran agama, umbo nakua ssompa Puang Allataala.

Jamanna Rasulu' 7:38

Nabi Musamo to lan tangnga-tangngana to-Israel jio padang pallawangan mpangpeissenanni lako tojolota' to apa napauanni malaeka' jao Buntu Sinai. Iamo ntarimai to kada diputuo pole jio mai Puang Allataala to disimanahhi ratu lako kita'.

Ibrani 5:12

Masaimo mituru' to Puang Isa. Sitonganna wattunnamo kamu' mpangpangngajaran kadan-Na Puang Allataala. Apa ianna dikita, parallupa kamu' diajahhi pole' to pangngajaran jio mai kadan-Na Puang Allataala to biasa diben tau mane' matappa' lako Puang Isa. Susipa kamu' pea biccu', tangmitamapangkande kande makarrah, tollo' bang unapa la mikande.

1 Korintus 9:17

Ia ke la aku' mpilei angkupangpeissenan Kareba Kasalamatan, la dipagajira'. Apa tangngia pangpileanku', sanga napabarakkannira' Puang Allataala mpangpeissenanni.

1 Petrus 4:11

Ia to tomangngajah la mangngajahhi susi tonasuanni Puang Allataala. Na ia to tontulung padanna rupa tau, la mangtulung situru' kapakullean to nabenni Puang Allataala. Ia ke susimi joo la napakala'bih tau to Puang Allataala sanga Puang Isa Almaseh. Tomakuasa to Puang Allataala na sipato' dipakala'bih tarruh te'da cappa'na. Amin.

Pengkitanna Yahya 22:6

Mangkada omi joo malaeka' lako aku' nakua, “Tongan tee kada mangka musa'ding, nawa'ding dikatappa'i. Puang Allataalamo mpangben Roh Allataala lako nabi, Iamo ssua malaeka'-Na la mpangpekitanni lako taun-Na apa to la jaji madoi'.”

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

1 Timotius 6:20

Ee, Timotius! La mujagai melo to pangngajaran napabarakkananko Puang Allataala. Danggi' mumatean wattu lako curita tangkebattuanna to tangkasiri' Puang Allataala, mupasalai tooi penawa to kasite'geran te'da bua'na, to nasanga tau kamaccan apa sitonganna tangngia.

Galatia 2:7

Apa sibalikanna natarimai kumua dipabarakkannimo' jaman la mpangpeissenan Kareba Kasalamatan lako bangsa tangngia to-Yahudi, susi Petrus mpangpeissenan Kareba Kasalamatan lako to-Yahudi,

2 Korintus 5:19

Kipangpeissenan kumua Puang Allataala mpasikalino pole' tolino na kalena, nasaba' Almaseh. Te'damo napallan penawai to kasalan tapugauk lako Ia. Na ia joo kareba kasikalinoan nasuakan Puang mpangpeissenanni lako tolaen.

Roma 3:3

Apa umbo susi ke denni to-Yahudi tangmatappa'mo na tangnturu'mo kadan-Na Puang Allataala? Wa'dingraka Puang Allataala mpessakkannii to kadan-Na?

Roma 2:18

Mipahang to pakkaeloran-Na Puang Allataala, miissenni umbo to melona ba'tu gaja'na, nasaba' miissen to atoranna Nabi Musa.

Roma 1:2

Mangkamo napau Puang Allataala lako nabi, na mangka toomo diuki' lan Sura' Allataala kumua ia to Kareba Kasalamatan la dipangpeissenan.

Yahya 5:39

Mpelajahhi kamu' issinna Sura' Allataala, nasaba' misangai kumua iamo joo mipugauk ammiampa' katuoan melo te'da cappa'na. Na moi Sura' Allataala, Aku' bang una to napau,

Roma 3:1

Ia ke susii joo, apara kala'bianna to to-Yahudi? Denraka bua'na ke disunna' kamu'?