Roma 2:8 - Alkitab Duri

⁸ Apa ia to tompangnginawan mesa bang kalena, na te'da namadoang mpugauk pakkaeloran-Na Puang Allataala, na nturu'ra kagajatan, liwa' nakaba'cinna Puang Allataala.

Roma 2:8 Referans Kwoze

Pengkitanna Yahya 16:19

Rondonni kotana to sininna tondok lan lino. Na ia joo kota Babel liwa' tonggo tipangtallui namenjaji tallung sese. Iamo joo carana Puang mpabalahhii to to-Babel, naparukui nniso' anggoro' kamabirisan-Na.

1 Petrus 4:17

La nadete'mi wattunna Puang Allataala la rra'tah kara-karana tolino. Ia to kita' umma'-Na Puang Allataala la nara'tah jolo to kara-karata'. Ia ke susimi joo, apa pole'pa la naperasai tuu lako tau to cia' ngkatappa'i to Kareba Kasalamatan jio mai Puang Allataala.

2 Tesalonika 1:8

na den too api manglaka-laka. La ratu pole'i to Puang Isa na ssessai to tote'da nakasiri' Puang Allataala sola tocia' ntarimai to karebanna Puangta' Puang Isa.

Kada Bulawan 13:10

Ia to tomatampo mpaden bangri kasisakkan, apa ia to tomacca ntarima pangngajaran.

Pengkitanna Yahya 14:10

la nniso' anggoro' kamabirisan-Na Puang to mangkamo diballuan tama isotan kamabirisan-Na to tangdirau wai moi ci'di'. Battuananna la disessa joo tau lan api manglanya-lanya jio olona Anak Bembala' sola malaeka'-Na Puang.

Ibrani 11:8

Naturu'i Nabi Ibrahim to apa nasuanni Puang Allataala, sanga matappa'i. Nasuai Puang Allataala male lako tondok mambela to la nabenni napumanah. Malemi Nabi Ibrahim, moi na te'da naissenni umbo nanii mangnguju.

Ibrani 10:27

Ewalin-Nai Puang Allataala to tosusi joo, na la malaja' ntajanni to wattu la nanii Puang Allataala rra'tah kara-karana tolino. La malaja' tuu lako tau, sanga ia to pangsessa-Na Puang Allataala padai to api manglaka-laka ngkandei.

Ibrani 5:9

Susimi joo nadipupenjaji Tomangpasalama' te'da caccana ba'tu kakuranganna to mben katuoan melo te'da cappa'na lako tomengkaturu' lako Ia.

Titus 3:9

Danggi' musite'gehhi to curita tangkebattuan sola nunnungan nene. Danggi' too mupassipuraii ba'tu ssibobo'i to atoranna Nabi Musa. Sininna joo te'da ngasan bua'na na te'da too tujunna.

1 Korintus 11:16

Ianna den tau te'da natarimai tee, namadoang ssite'gehhi, mesa'ra to wa'ding la kupau kumua, “La kami', la ia to tomatappa' laenna umbo-umbo nanii, ia manda kabiasanna to mangka kupauan kamu'.”

Roma 15:18

Baranina' mpaui umbo nakua Almaseh ntulungna' mangkada sola mangjama, anna ia to bangsa tangngia to-Yahudi menturu' lako Puang Allataala.

Roma 10:16

Apa te'da na ia ngasan tau ntarimai joo Kareba Kasalamatan. Nakua Nabi Yesaya, “Oo Puang! Ci'di'ra tau ngkatappa'ii to kareba kipangpeissenan!”

Roma 9:22

Susi toomi to wa'ding napugauk Puang Allataala lako kita' tolino. Madoang Ia mpapajan kamagallian-Na sola kuasan-Na lako to sipato' dipabalahhi. Apa sabbara'i,

Roma 6:17

Apa kurru sumanga' lako Puang Allataala, nasaba' jolona napukaunan kamu' kuasa dosa, apa ia tee too tatta' kamu' nturu' pangngajaran tongan to mangka diben kamu'.

Roma 1:18

Dipangpeissenanmo jao mai suruga to kamabirisan-Na sola pangcalla-Na Puang Allataala lako tolino, nasaba' dosana na kedo gaja'na. Iamora joo hhalangngi tolino nnissenni to pangngajaran tongan jio mai Puang Allataala.

1 Petrus 3:1

Ee, kamu' to baine kebalimo! Susi todami, la mengkaturu' lako kamu' balimmi. Na ia ke denni balimmi to te'dapa nakatappa'i kadan-Na Puang Allataala, ia to sipa' melomi la nakita, namenjaji matappa'. Te'damo miparallu mpauanni apa,

Kada Bulawan 11:23

Ia to nakadoangngi to tomakassing mpaden kameloan, apa ia to nakadoangngi togaja' mpaden kamagallian.

2 Korintus 12:20

Magiangna' kumua, ia ke iti'mo', ia to kamu' te'damo misusi to kukadoangnginna, na moi tee aku' te'da toomo kususi to mikadoangnginna. Danggi' na ia ke iti'mo' anna ia mandamo kukita to tosibobo', tomapa'dik ati, topangmabirisan, tompangngundaran mesa kalena, tompau gaja' tolaen, tomangpeasa, tomatampo na tomangpasisala-sala.

Galatia 5:20

ssompa dewata, pangngissenan, kasisakkan, siallang, mangngimburu, kamabirisan, ngkitan mesa kale, te'da namesa' penawa, mpasisala tau,

Filipi 1:17

Apa ia to ba'tu pira-pira tau mpangpeissenanni Almaseh, nasaba' nasanga la napumelo mesai, tangngia nasaba' kamarurusan penawa. Nasanga too kumua la mapa'dik penawangku' lan pangtarungkuan, ke manggauk susii joo.

Filipi 2:3

na danggi' miangahhi to mipumelo mesa, ba'tu pangpuji tangkebattuan. Apa sibalikanna, la mpupengkajiongan kamu' kalemi, na la mikasiri' to tau laen na kalemi.

Yakub 3:14

Apa ia ammipangngimburuan, ba'tu kamu' manda ssanga tau kalemi, danggi' pattuanni joo misanga kamaccan, nasaba' sisalamo to panggaukanmi na pangngajaran tongan.

Yakub 3:16

Sanga umbo-umbo nanii topangngimburuan na tossanga kalena ia manda tau, jio toomo nanii kamaricuan na sininna panggaukan gaja'.