Roma 2:5 - Alkitab Duri

⁵ Apa membattuk kamu' ammicia' mangpesa'ding. Iamo joo, kamu' bang una mpemabanda'i pangpabalah lako kalemi ke Kiama'mi lino. Ia joo allo napangpekitanni Puang Allataala to kamabirisan-Na na pangpabalah maruruh-Na lako to tolino.

Roma 2:5 Referans Kwoze

Roma 1:18

Dipangpeissenanmo jao mai suruga to kamabirisan-Na sola pangcalla-Na Puang Allataala lako tolino, nasaba' dosana na kedo gaja'na. Iamora joo hhalangngi tolino nnissenni to pangngajaran tongan jio mai Puang Allataala.

Yudas 1:6

Ingaran tooi to malaeka' tonna anu'. Den ba'tu pira-pira malaeka' cia' ntarimai to kuasa nabenni Puang Allataala, nasalaii to ngenanna jao suruga. Narantei Puang Allataala joo malaeka' te'da cappa'na, napatamai pangtarungkuan kaminang malillin sanadete'na Kiama' to lino to nanii Puang Allataala rra'tah kara-karana.

2 Petrus 3:7

Ia to langi' na lino tee too naampai Puang Allataala mpake kadan-Na, arannai nadete' wattunna la dira'tah kara-karana to tolino. Ia joo wattu la disabu'i to langi' na lino nakande api, anna ia to totangmangpesa'ding la disessa na disabu'i.

Ibrani 3:15

Susi tee to diuki' lan Sura' Allataala kumua, “Ia tee too ke misa'dingngi to gamaran-Na Puang Allataala, danggi' mimembattuk, susi tojolomi to nasolan Nabi Musa jio mai tana Mesir, tonna mbali-bali Puang Allataala.”

2 Petrus 2:9

Jaji, naissenmo Puang Allataala to apa la napugauk mpasalama' taun-Na ke maparri'i. Naissen too Puang Allataala ntarungkui to togaja' anna sessai ke Kiama'mi lino.

Ibrani 4:7

Iamo joo napattantu pole' omi Puang Allataala to wattu laen nanii wa'ding to tolino mentama ntuu joo tondok kakendenan. Na ia joo wattu sitonganna iamo tee too. Buttinna kumua mangtaun-taun mangkanna Nabi Musa, nauki' pole'i Raja Daud kadan-Na Puang Allataala to mangka tasa'ding nena' kumua, “Ia tee too ke misa'dingngi to gamaran-Na Puang Allataala, danggi' mimembattuk!”

Ibrani 3:13

Jaji, allo-allo kamu' la sipupangngingaran, danggi' naden tau nnuraga kalena mpugauk dosa, mimembattuk. La sipupangngingaran kamu' ke tuo unapa kamu' lan tee wattu to nasanga lan Sura' Allataala, “Ia tee too.”

Roma 9:22

Susi toomi to wa'ding napugauk Puang Allataala lako kita' tolino. Madoang Ia mpapajan kamagallian-Na sola kuasan-Na lako to sipato' dipabalahhi. Apa sabbara'i,

Pengkitanna Yahya 6:17

Nasaba' nadete'mi to wattu kamabirisan-Na Anak Bembala' sola Puang Allataala na moi mesa' tau te'da nnattai to pangsessa-Na!”

Yakub 5:3

Ia to bulawan sola salaka miampui naputu'mi ta'gah. Ia to ta'gahna la menjaji tanda kumua la nakande too kamu' api, nasaba' mipangmesamo ewananmi tonna la Kiama'mo tee lino.

Roma 11:25

Ee todipusile'to! Denpa kareba to parallu miissen to te'dapa napangpeissenanni Puang Allataala lako tau tonna anu'. Madoangna' ammiissenni, anna danggi' mimajao penawa. Ia joo kareba iamo to kumua buda to to-Yahudi dipupembattuk penawanna. Na la susi bangngi joo to sipa'na, saganna'na to bangsa tangngia to-Yahudi dipasalama'.

Daniel 5:20

Apa ia tonna memmatampomo, membattuk na mpamajao penawanna, dialaimi to kamala'biranna sola kakuasanna menjaji raja.

Kada Bulawan 29:1

Ia to tote'da lalo namadoang mangpesa'ding ke dipakainga'i, ta'pa la masolang na te'damo nadikulle mpemeloii.

Kada Bulawan 11:4

Ia ke Kama'mi lino te'damo bua'na to ewanan, apa ia to tonturu' pakkaeloran-Na Puang Allataala, la salama' jio mai kamatean.

Yosua 11:20

Napupembattukki PUANG Allataala penawanna to ewana to-Israel nasirari to-Israel, dikua na dipatei ngasan, te'da lalo dikamasei, napura lanynya', susi to Napangparentan PUANG Allataala lako Nabi Musa.

Amos 3:10

Mangkada-I PUANG Allataala Nakua, “Ia to tau mpake kamaparranganna rrampa ewanan, na patamai istana. Ia to tau te'da lalo kamarurusan napugauk.

Kada Bulawan 1:18

apa ia to togaja', kannori nggaragan poja kalena to la ncilakaii.

Kada Bulawan 28:14

Masannang to toda'tan ngkalaja' ngkasiri' Puang Allataala, apa la macilaka to tomatojo.

2 Korintus 5:10

Nasaba' la dipangngolo ngasanki' lako Almaseh antapada diben assele' panggaukanta', la panggaukan melo, la panggaukan gaja'.

2 Tesalonika 1:5

Manassamo lako kita' to kamarurusan-Na Puang Allataala rra'tah kara-karana tolino. Mapa'dikmo kamu', nasaba' nturu' kamu' pakkaeloran-Na Puang Allataala, apa ia toomo joo midisanga sipato' menjaji taun-Na lan kaparentan-Na.

Pengkitanna Yahya 2:21

Kubenmo wattu Isebel la mpenassanni dosana namengkatoba', apa cia'i paja manggauk sala.