Roma 2:3 - Alkitab Duri

³ Apa kamu' bang una mpugaukki to kasalan mipake mpasala tau laen! Na misangaraka kumua te'da nalancalla kamu' Puang Allataala?

Roma 2:3 Referans Kwoze

Kada Bulawan 16:5

Sininna to tomatampo Nakaba'ci Puang Allataala, na nang te'da Naeloranni la'pah jio mai pangsessa.

Roma 1:32

Nnissen parenta-Na Puang Allataala kumua ia to tomanggauk susi joo sipato' la dibuno. Apa moi nasusi joo, da'tan bangngi mpugauk kagajatan, nakabudai too ke napugaukki tau laen susi to napugauk.

1 Tesalonika 5:3

Den wattu nalamangkada to tau kumua, “Masannangmiki', te'damo tamalaja'”. Na iamora joo wattu nata'pa mperasai to pangsessa, na te'da nakullei palai. Ia joo pangsessa te'da nadikalannai, susi wattunna mesa' baine mangnguriwa' la keanak.

Lukas 12:14

Mebalimi Puang Isa nakua, “Oo mane, indara to nnangka'na' menjaji pangbicara ba'tu tomantawa ewananmi sola dua?”

Lukas 22:58

Te'da namasai, den omi mesa' tau laen ngkita Petrus nakuanni, “Iko toda mesa' anak gurun-Na joo tau!” Apa napebalii Petrus, “Te'da. Tangngiana'!”

Matius 26:53

Musangaraka tanglawa'dingna' meta'da lako Ambe'-Ku', naparatuanna' massa'bu-sa'bu malaeka' la ntulungna'?

Matius 23:33

Togaja' kamu', sanga bati' togaja' kamu'! Umbora la mikua mpalaian kalemi jio mai pangsessa naraka!

Daniel 10:19

Mangkadai nakua, ‘Ee Daniel, danggi' mumalaja', Napakamoja'ko Puang Allataala. Danggi' mupussak! Mawatang tonganko!’ Mangkada unapi susi joo kusa'dingngi to kaleku' mawatang pole'. Mangkadamo' kukua, ‘Mangkadamiki' puang, nasaba' kerangnganmi to kamawatanganku'.’

Kada Bulawan 11:21

Nang la te'da nala'pah jio mai pangsessa to togaja', apa ia to bati' tomakassing la salama'.

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

Lukas 22:60

Apa napebalii Petrus nakua, “Apara tuu musanga, te'da lalo kuissenni!” Ia tonna mangkada unapa Petrus, kekkuami to manuk.

Roma 2:1

Iamo joo, to matumbara kamu' milampasalara tau laen? Te'da lalan la minii mpessakkanan kalemi jio mai kasalanmi. Nasaba' mpasala kamu' tau laen, na kamu' bang una mpugaukki to mipake mpasala tau, battuananna mpasala kamu' kalemi.

Roma 2:2

Taissen kumua ia ke nacallaki' Puang Allataala ke mpugaukki' to tangsipato'na, maruruh joo pangra'tah-Na.

Roma 9:20

Ee, todipusile'to, tolino biasaki'! Na danggi' mubali-bali Puang Allataala! Te'da nawa'ding to kurin la mangkada lako tontampai kumua, “Ciapari mutampa susina' tee?”