Roma 2:12 - Alkitab Duri

¹² Ia to bangsa tangngia to-Yahudi te'da naissenni to atoranna Nabi Musa. Na la dipabalahhi to dosana, apa tangngia atoranna Nabi Musa la ngkannai. Apa lako to-Yahudi den atoranna Nabi Musa, na la dipabalahhi to dosana situru' joo atoran.

Roma 2:12 Referans Kwoze

1 Korintus 9:21

Ia ke solana' to bangsa tangngia to-Yahudi, mpupentotang-Yahudina' kaleku'. Kupugaukki susi joo, kukua angkuwa'ding mpupentaun-Nai Almaseh to bangsa tangngia to-Yahudi. Ia joo, te'da to kumua, te'damo kuturu' parenta-Na Puang Allataala, nasaba' da'tanna' nturu' parenta-Na Almaseh.

Galatia 3:10

Den diuki' lan Sura' Allataala kumua, “Tampak ropu ngasan lako totangtatta' nturu'i to sininna atoran agama.” Iamo joo, padami to tomparannuan atoran agama, padami nakanna tampak ropu, nasaba' te'da tau ngkullei nturu'i.

Roma 8:3

Ia to atoran agama te'da nakullei lla'paranki' jio mai kuasa dosa, nasaba' tangtakulle nturu' atoran agama. Apa ia to tangnakulle atoran agama mpugaukki, mangkami napugauk Puang Allataala. Nasuai to Anak mentolino. Na ia to batang kale-Na susi bang batang kale tolino biasa. Na ia tee Anak matei dikua anna ia to dosana tolino dipabalahhi lakoi batang kale-Na Anak.

Roma 1:32

Nnissen parenta-Na Puang Allataala kumua ia to tomanggauk susi joo sipato' la dibuno. Apa moi nasusi joo, da'tan bangngi mpugauk kagajatan, nakabudai too ke napugaukki tau laen susi to napugauk.

Matius 11:24

La miingaran kumua, ia ke Kiama'mi lino, la'bih mabanda' kamu' sessami na ia to to-Sodom.”

Yakub 2:10

Moi mesa'ra atoran ditengkai, pada unai to ditengkai ngasanni.

Roma 4:15

Ia to atoran agama mpaden kamabirisan-Na Puang Allataala ke ditengkaii. Apa ia ke te'dai atoran, te'da too apa la ditengkai.

Matius 11:22

Ingaranni! Ia ke Kiama'mi lino, la'bih maringngan ia sessana to to-Tirus sola to-Sidon, na ia to sessami sola ngasan.

Galatia 3:22

nasaba' situru' Sura' Allataala madosa ngasanmiki' to tolino. Iamo joo ia to barakka' mangka dibasse la dibenri tongkatappa'i Puang Isa Almaseh.

Yahya 19:11

Mebalii Puang Isa nakua, “Ianna te'da nabenki' Puang Allataala joo kuasa, te'da lalo takullei ngkuasaina'. Iamo joo, na ia to tompangpejokkoanna', la'bih matonggo ia dosana na kita'.”

Jamanna Rasulu' 2:23

Mangkamo napangben Puang Allataala lako kalemi ammipangpebunoanni lako togaja' napampangngi. Apa sitonganna ia joo situru'mo akkatta-Na Puang Allataala mellao jiona mai.