Roma 2:1 - Alkitab Duri

¹ Iamo joo, to matumbara kamu' milampasalara tau laen? Te'da lalan la minii mpessakkanan kalemi jio mai kasalanmi. Nasaba' mpasala kamu' tau laen, na kamu' bang una mpugaukki to mipake mpasala tau, battuananna mpasala kamu' kalemi.

Roma 2:1 Referans Kwoze

Lukas 6:37

Mangpangngingaranmi Puang Isa nakua, “Danggi' mipasala padammi rupa tau, anna danggi' napasala kamu' Puang Allataala. Danggi' mimangcacca, anna danggi' nacacca kamu' Puang Allataala. Dampanganni to tolaen, anna dampangan toda kamu' Puang Allataala.

Roma 2:3

Apa kamu' bang una mpugaukki to kasalan mipake mpasala tau laen! Na misangaraka kumua te'da nalancalla kamu' Puang Allataala?

Roma 9:20

Ee, todipusile'to, tolino biasaki'! Na danggi' mubali-bali Puang Allataala! Te'da nawa'ding to kurin la mangkada lako tontampai kumua, “Ciapari mutampa susina' tee?”

Yakub 4:11

Ee, tomala'bihku'! Danggi' miden sisaju ba'tu sipasala. Ia to tossaju ba'tu mpasala padanna tomatappa', atoran-Nara Puang Allataala to nasaju sola napasala. Na ia ammupasalai, battuananna te'da muturu'i joo atoran, apa menjajiko tomangra'tahna.

Yakub 2:20

Te'da tonganpa mupahangngi. Paralluko dipapahangngi kumua te'da bua'na to kamatapparan ke tangsiolananni panggaukan.

Lukas 19:22

Nakuanmi puangna lako, ‘Ee, kaunan gaja'ko! La kusessako situru' kadammu. Muissen kumua aku' tee tomasa'ga', nnala bangna' tangngia pangngannaku', mpeburaina' tangngia pantananku'.

1 Korintus 7:16

Na kamu' baine tomatappa'mo, umbo mikua nnissenni kumua ba'tu la mipasalama' unai to muanemi? Susi toda kamu' muane tomatappa'mo, umbo mikua nnissenni kumua ba'tu la mipasalama' unai to bainemi?

Lukas 12:14

Mebalimi Puang Isa nakua, “Oo mane, indara to nnangka'na' menjaji pangbicara ba'tu tomantawa ewananmi sola dua?”

Roma 2:2

Taissen kumua ia ke nacallaki' Puang Allataala ke mpugaukki' to tangsipato'na, maruruh joo pangra'tah-Na.

Roma 3:9

Jaji umbo susi? Denraka kala'bianna to to-Yahudi na ia to tau laen? Te'da! Mangkamo kupau kumua la to-Yahudi, la bangsa tangngia to-Yahudi, tonakuasai ngasanmo kuasa dosa.

Roma 14:22

Ia to mikatappa'i jiona kande, ake'mo na Puang Allataala manda nnissenni sola iko. Masannang to totangssassan kalena ke napugaukki to nasanga tongan.

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.