Roma 13:8 - Alkitab Duri

⁸ Danggi' mikaindanan lako padammi rupa tau, apa sipakamoja' kamu'. Ia to tompakamoja' padanna rupa tau, padai to nturu' ngasan atoranna Nabi Musa.

Roma 13:8 Referans Kwoze

Roma 13:10

Ia to tompakamoja' padanna rupa tau, te'da napugauk kagajatan lako tau laen. Iami joo na ia to tompakamoja' padanna rupa tau, padami to nturu' ngasan sininna atoran agama.

Galatia 5:14

Nasaba' sininna atoran agama dipamesa' lan mesa' parenta to diuki' lan Sura' Allataala kumua, “Pakamoja'i to padammu rupa tau susi iko mpakamoja' kalemu!”

Matius 7:12

Pugaukki lako padammi rupa tau, to apa mikadoangngi napugauk tau lako kalemi. Nasaba' iamo joo to dipangpangngajaran lan sura'na Nabi Musa sola sura'na nabi laen.”

Roma 13:7

Jaji, bajahhi to sipato'na mibajah. Susinna sima la mibajah lako to tontarima sima, sassung la mibajah lako tomassassung. Kasiri'i to tosipato' dikasiri', pekatabe'ii to tosipato'na mipekatabe'i.

Yakub 2:8

Tongan to mipugauk, ke mipugaukki to atoran kaminang parallu to diuki' lan Sura' Allataala kumua, “Pakamoja'i to padammu rupa tau susi iko mpakamoja' kalemu.”

Kolose 3:14

Ia to kaminang parallu iamo to sipakamoja' kamu', nasaba' ia ke sipakamoja' kamu' la memmesa' tongan to penawammi.

Yahya 13:34

Kuben kamu' parenta baru kumua, la sipakamoja' kamu'. Susi Aku' mpakamoja' kamu', susi toda kamu' la sipakamoja'.

1 Timotius 1:5

Ia to patunna kusuako nnanggaii, dikua namangpenawa melo to tau, nawa'ding nnissenni umbonna to melo ba'tu gaja', namatappa' tongan-tongan lako Puang Allataala, na ia ke susimi joo, wa'dingmi sipakamoja'.

1 Yahya 3:10

Inda-inda to te'da nampugauk pakkaeloran-Na Puang Allataala ba'tu te'da nampakamoja' padanna tomatappa', te'da napuanakki Puang Allataala. Iamo joo mpamanassai indara to napuanak Puang Allataala na inda to napuanak Ballisi'.