Roma 13:3 - Alkitab Duri

³ Te'da ia tomanggauk melo la malaja' lako tomangparenta, apa tosalara. Iamo joo, ia ke manggauk melo kamu', te'da miparallu malaja' lako tomangparenta, apa napakala'bih kamu' tomangparenta.

Roma 13:3 Referans Kwoze

Kada Bulawan 20:2

Ia ke magallii to raja, butung susii singa mberreng, na ia to tompamagallii, ncilakai kalena.

Kada Bulawan 14:35

Nakabudai raja to pangjama mandalan pangtangngaranna, apa nakagalli to pangjama mangpakasiri'.

Roma 13:4

Kaunan-Nai Puang Allataala to tomangparenta la mpaden kameloanmi. Na ia ke gaja'i to panggaukanmi, la mikalaja'i, nasaba' kaunan-Nai Puang Allataala la mpabalahhi to tompugauk kagajatan.

Roma 13:2

Iamo joo na ia to tonnewa tomangparenta, pada una ke nnewai to pura napattantumo Puang Allataala, na la dipabalahhi to tosusi joo.