Roma 12:3 - Alkitab Duri

³ Kupakainga' kamu', nasaba' mangkamo' diben barakka' jio mai Puang Allataala menjaji rasulu': Danggi' misanga kalemi la'bih majao na ia to sitonganna. La miangga' to kalemi situru' pakullemi to napabarakkanan kamu' Puang Allataala, nasaba' kamatapparanmi lako Puang Isa Almaseh.

Roma 12:3 Referans Kwoze

Galatia 6:3

Ia ke denni tau ssanga bang kalena makkeguna, apa te'da natongan, iamo mbango'-bango'i kalena.

Kada Bulawan 26:12

Den unapa rannuanna to tobattuk, na ia to tossanga bang kalena macca.

1 Petrus 5:5

Meta'dana' lako kamu' to malolle'pa kumua, la mangpesa'ding kamu' lako tomatua. Na lako kamu' sola ngasan meta'dana' kumua, danggi' mimatampo apa situlung kamu'. Nasaba' den diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”

Roma 12:16

La mesa' penawa kamu'. Danggi' na den ssanga kalena tomajao, apa la siama' kamu' tomajiong. Danggi' misanga kalemi tomacca.

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

1 Petrus 4:7

La ndete'mi tampakkana tee lino na sininna apa. Iamo joo la mita'tan to kalemi, na majaga too kamu' ammitatta' massambajang susi to sipato'na.

Yakub 4:6

Moi nasusi joo, la'bih makuasa ia to pammase-Na Puang Allataala na ia to kamadoangan penawanta'. Iamo joo naden too diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”

1 Petrus 4:11

Ia to tomangngajah la mangngajahhi susi tonasuanni Puang Allataala. Na ia to tontulung padanna rupa tau, la mangtulung situru' kapakullean to nabenni Puang Allataala. Ia ke susimi joo la napakala'bih tau to Puang Allataala sanga Puang Isa Almaseh. Tomakuasa to Puang Allataala na sipato' dipakala'bih tarruh te'da cappa'na. Amin.

1 Korintus 7:17

Kupangpangngajaran lako sininna jamaa la umbo-umbo nanii kumua, pada la tuo kamu' susi to mangkamo napabarakkanan kamu' Puang Allataala. Jaji, la tuo kamu' susi tommimane' matappa'.

Titus 2:12

Napake Puang Allataala joo kameloan penawan-Na nnajahhiki', antatorroii mpugaukki to apa tangnakabudai, nadanggi' taturu' kamadoangan gaja'ta' susi to tapugauk tonna te'dapa tamatappa'. Sibalikanna naajahhiki' mandalan tangngah, mpugauk pakkaeloran-Na sola ssompai, ke tuo unapiki' lan tee lino.

Titus 2:2

Pakainga'i to tomatua muane, anna ta'tan kalena, mandalan tangngah, na tomelo anna sipato' dikasiri'. La matappa'i lako Puang Isa Almaseh, mpakamoja' padanna rupa tau, sabbara' ke maparri'i.

2 Korintus 12:7

tangngia to pengkitangku' to te'da susinna. Apa nabenna' Puang Allataala sangrupa kamaparrisan, anna danggi' kupumatampoi joo pengkitangku'. Ia joo kamaparrisan susi duri ntossokna', napake tonasua Ballisi' mbunona', anna danggi' kumatampo.

Roma 11:20

Tongan tuu mipaunna. Apa iara nadisembangngi nasaba' te'da namatappa', na ditarima kamu' nasaba' matappa' kamu'. Iamo joo danggi' mimajao penawa, apa la malaja' kamu' lako Puang Allataala.

Roma 1:5

Nabenna' barakka' Puang Allataala menjaji rasulu' nasaba' Puang Isa Almaseh, angkuwa'ding la mpatuju sininna bangsa kumua namatappa' sola menturu' lako Almaseh.

1 Petrus 1:13

Jaji, pasadia meloi to penawammi, sanga ia joo apa mangka napugauk Puang Allataala. Ta'tanni kalemi, miparannuan tonganni joo barakka' la diben kamu' ke ratu pole'mi Puang Isa Almaseh.

Titus 2:4

Ia ke susimi joo sipa'na to tomatua baine, wa'dingmi nnajahhi baine malolle' nampakamoja' muanena sola anakkana,

1 Korintus 15:10

Apa barakka'-Nara Puang Allataala, angkumenjaji susi tee too. Na te'da natorro sala joo barakka'-Na lako aku', sanga la'bih bo'jo'pa' aku' mangjama na ia tuu mati' rasulu' laen. Apa sitonganna tangngia aku' to mangjama, apa barakka'-Na Puang Allataala to mpamawatangna' mangjama.

Yahya 3:34

nasaba' Puang Isa nasua Puang Allataala mpangpeissenan kadan-Na, napangben pissenmo Puang Allataala to Roh Allataala lako Puang Isa.

Efesus 4:16

na ia tee kita' dipasangrapang mangrupa-rupa lesoan batang kale-Na Almaseh. Te'da natiseran joo kale, nasaba' Almaseh nnampaii. Saloboh-lobohna na samawatang-watangna to kale, ke sipakamoja'ki' na pada mpangjamanki' Puang situru' barakka' to mangka dibenki'.

Lukas 18:11

Ke'deh mesami joo to-Farisi namassambajang nakua, ‘Oo Puang, mangkurru sumanga'na' mati' kalemi, nasaba' te'da aku' kususi tau laen. Te'da kumangrampa, te'da kumasa'ga', te'da kumanggauk sala, na te'da too kususi joo passassung.

Titus 2:6

Susi toomi la muajahhi too to tokallolo anna mandalan tangngah.

1 Timotius 2:15

Apa moi nasusi joo, salama'i to baine nasaba' mangjajian taui, assalan tatta'i mpangben kalena lako Puang Allataala, mpamajiong kalena matappa' lako Puang Isa Almaseh na mpakamoja' padanna rupa tau.

1 Timotius 2:9

Ia to baine la mpake pakean sipato'na. Danggi' namassimbolong takkaliwa', ba'tu mpake belo-belo bulawan ba'tu mutiara, ba'tu pakean to masuli' allinna.

1 Timotius 1:14

Napakabuhhina' kameloan penawan-Na Puangta', to mpupemmatappa'na' lako kale-Na, angkupakamoja' padangku' rupa tau. Ia joo napugauk Puang lako kita' sola ngasan, tontamesa' penawamo sola Puang Isa Almaseh.

Efesus 3:4

Na ia ke mibacai, miissenmi kumua kupahang tonganmo joo akkatta-Na to mangka napugauk Almaseh.

2 Korintus 12:13

Umbora kukua mpamajiong kamu' na jamaa laen? Ia mandara kuissen kupusala kumua te'da kupeta'dai kamu' to la kuputuona. Ia ke susii pale' joo, dampangan bangmo', sanga tangmaruruhna'!

1 Korintus 3:10

Ia tee aku' napabarakkannina' Puang Allataala bungah mpangpeissenan karebanna Almaseh lako kamu'. Jaji, ia tee aku' wa'ding dipangpasusii pande bola to macca ngkabua' pangrante melo, apa tau leko'ra la mpake'dehhii bola. Na ia to tompangjaman Puang pada la njama melo jamanna, susi pande bola mpemeloii ke mpake'dehhi bola jao pangrante.

Roma 11:25

Ee todipusile'to! Denpa kareba to parallu miissen to te'dapa napangpeissenanni Puang Allataala lako tau tonna anu'. Madoangna' ammiissenni, anna danggi' mimajao penawa. Ia joo kareba iamo to kumua buda to to-Yahudi dipupembattuk penawanna. Na la susi bangngi joo to sipa'na, saganna'na to bangsa tangngia to-Yahudi dipasalama'.

Kada Bulawan 25:27

Te'da namelo to takkaliwa' nniso' canik, susi toomi te'da namelo to madoang bang napuji tau.

3 Yahya 1:9

Mangkamo' ngkiringanni sura' mati' to jamaa, apa ia to Diotrefes to madoang menjaji puanggawa, cia'i mpesa'dingngina'.

Kolose 2:13

Ia tonna jolona susimo kamu' tomate, te'da miampui katuoan baru jio mai Puang Allataala, nasaba' madosa kamu', na te'da midisunna' situru' atoran agama to-Yahudi. Apa ia tee too napatuomo kamu' Puang Allataala sola Almaseh. Nadampanganki' moi nabuda dosata'.

Kolose 1:29

Iara joo kupengkulle-kullei mpugaukki, mpake sininna kuasa to nabenna' Almaseh to mangjama lan kaleku'.

Efesus 3:2

Tantu misa'dingmo akkatta-Na Puang Allataala la mpasalama'i to bangsa tangngia to-Yahudi, nasaba' melo penawan-Na. Iamo joo napabarakkannina' tee jamanku' to la mipumelona.

2 Korintus 10:13

Te'da kami' kisusi joo. Te'da kipujii to apa te'da nasipato' la dipuji. Na ia ke mpujikan kaleki', iara kipuji to jamanki' to napabarakkanankan Puang Allataala. Na moi lako kamu' disuakan male mpangpeissenan Kareba Kasalamatan.

Filipi 2:13

Puang Allataala mpupembalik penawammi ammimadoang, mikulle tooi mpugaukki to pakkaeloran-Na.