Roma 12:1 - Alkitab Duri

¹ Ee, todipusile'to! Gaja napakamoja'ki' Puang Allataala, susi to kupaissenanmo kamu'. Iamo joo kupakainga' kamu' kumua la mipangben tongan to katuoanmi lako Puang Allataala susi karoba tuo to sipato' dipangben lako Puang. La susiri joo to passompami to nakabudai Puang Allataala.

Roma 12:1 Referans Kwoze

1 Petrus 2:5

ammimenjaji toda susi batu to napake Roh Allataala mpake'deh Bola Puang Allataala. Menjaji toomo kamu' susi imang to mpangjaman mandamo Puang Allataala. Na susi imang mangkaroba, la susi toda kamu' la mpangkaroban kalemi lako Puang Allataala susi to napatujuan kamu' Roh Allataala. Na ia joo karoba napumasannang Puang Allataala nasaba' Puang Isa Almaseh.

Roma 6:13

Danggi' toomo mieloranni to batang kalemi la mpugauk kagajatan. Apa la miben Puang Allataala to batang kalemi, to butung matemo napatuo pole'i Puang tee too. Benni Puang Allataala to batang kalemi, anna pakei situru' pakkaeloran-Na.

Roma 6:19

Ia una kupake pangpasusian mengkaunan, dikua ammimadoi' mapahang. Susi tonna jolona mieloran to batang kalemi napukaunan penawa gaja'mi sola mangrupa-rupa kagajatan, susi toomi tee too la mipangben to batang kalemi mimengkaunan lako pakkaeloran-Na Puang Allataala ammituo susi to sipato'na tau mesan-Na Puang Allataala.

Roma 12:2

Danggi' mikaturu'-turu' bang lako tote'da naissen Puang Allataala. Ake'mo ia na Puang pemeloii to penawammi, ammiwa'ding nnissenni to pakkaeloran-Na, apa to melo na sukku', na apa to nakabudai Puang Allataala.

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

Roma 6:16

Tantu miissen kumua ia ke denni mipupuang mituru'i to napueloh, tantu ia minii mengkaunan. Ia ke mengkaunan lako kamu' kuasa dosa, la mate kamu'. Ia ke mengkaunan lako kamu' Puang Allataala, la dipupenjaji tomelo kamu'.

2 Korintus 4:16

Iamo joo kupaui nena' kumua te'da kika'tu rannu. Moi na ia tee batang kaleki' disolangngi, apa ia to penawangki' allo-allo tuli dibarui.

1 Tesalonika 4:1

Ee, tomala'bihku' sola ngasan! Mangkamo kamu' kiajahhi matumba sipa'mi anna pusannangngi Puang Allataala. Tongan kumua tuomo kamu' susi joo. Apa ia tee too, kipangngingaran kamu' mpau sangan-Na Puang Isa, ammila'bih mpengkulle-kulleipi tuo susi joo.

2 Korintus 5:20

Jaji, topesuannakan Almaseh. Nasuakan Puang Allataala mparatuan kamu' pepasan-Na. Nasuakan Almaseh meta'da lako kalemi, “Pemaringngannii penawammi, ammisikalino pole' Puang Allataala.”

Efesus 5:10

Pengkulle-kulleii nnissenni apara nakabudai Puang ammipugaukki.

Filipi 2:17

Ia tee aku' mangkana' mpaissenni kamu' to Kareba Kasalamatan ammimemmatappa'. Na moi nadipato'do to raraku', nabutung dipatibolloh susi karoba lako Puang Allataala nasaba' ia to mangka kupugauk lako kalemi, la masannangna' antamasannang sola.

1 Korintus 1:10

Ee, tomala'bihku' sola ngasan! Kuasan-Na Puangta' Puang Isa Almaseh kumeta'da kumua mimesa' pangtangngaran. Danggi' misipekka, apa la memmesa' penawara kamu'.

Roma 2:4

Ba'tu te'daraka miangga'i to kamamasean-Na Puang Allataala, kameloan penawan-Na na kasabbarasan-Na to napakitan kamu'? Miissen kumua madoangri Puang Allataala ke mengkatoba' kamu', iamo joo napemeloan kamu' penawa.

1 Petrus 2:20

Te'da miladipuji ke sabbara' kamu' mperasaii to pangsessa to sipato' la mitarima sanga sala kamu'. Apa ia ke sabbara' kamu' mperasaii to pa'dik ngkanna kamu' nasaba' mpugauk kamu' kameloan, la nabarakka'i kamu' Puang Allataala.

Filipi 4:18

Kutarima ngasanmo, na la'bih budamo na ia to kuparalluinna. Kala'bianmo', tongkutarimami jio mai Epafroditus to apa mipangben. Ia to pangpabenganmi susi karoba bunangngu', to napumasannang Puang Allataala.

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

Roma 15:30

Ee, tokupusile'to! Meta'dana' mitongan-tongannii massambajang lako Puang Allataala mpassambajanganna', susi to kupassambajangan. Meta'dana' susi tee, nasaba' memmesa' penawamiki' sola Puangta' Puang Isa Almaseh na sipakamoja' toomiki', nasaba' Roh Allataala.

Roma 15:16

Napupenjajimo' kaunan-Na Puang Isa Almaseh to disua male lako bangsa tangngia to-Yahudi. Na menjajimo' susi imang to mpangpeissenan Kareba Kasalamatan jio mai Puang Allataala. Dennaa upa' na Roh Allataala mpupenjajii to bangsa tangngia to-Yahudi susi karoba to napumasannang penawan-Na Puang Allataala.

Filipi 1:20

Ia to kukadoangngi sola kurannuan, iamo to kumua te'da lalo kuladipakasiri', apa la barani tonganna' mpebalian Kareba Kasalamatan tee too, susi biasanna. Na ia ke susii joo, la dipakala'bih to Almaseh, nasaba' pebalingku', la tuoku', la mateku'.

1 Timotius 2:3

Melo joo, na napumasannang Puang Allataala, Tomangpasalama'ta'.

1 Tesalonika 5:12

Ee, tomala'bihku' sola ngasan! Kipeta'da tongan ammikasiri'i to pekaamberan lan jamaa. Iamo to tomangpatuju nnajahhi kamu' nturu' pakkaeloran-Na Puang Allataala.

Lukas 7:47

La miingaran kumua, liwa' pangpakamoja'na, nasaba' didampanganmo ia, moi nabuda dosa napugauk! Ia to toci'di'ra dosana didampangan, la ci'di' toora pangpakamoja'na.”

Ibrani 13:22

Kupeta'dai misabbara' ntarimai tee pangpakainga'ku', sanga te'da namalando tee sura'ku'.

1 Timotius 5:4

Apa ia ke den anakkana iarika ampona, iamo la dipapahangngi, kumua sipato'i la njaranai ba'tu naingaran to penawa melona. Iamo joo napumasannang Puang Allataala.

1 Tesalonika 4:10

Mipakamoja'mo to sininna padammi tomatappa' jio lili'na tana Makedonia. Moi nasusi joo liwa'pa kipeta'da lako kamu' sola ngasan, ammila'bih mpengkulle-kulleipi sipakamoja'.

Roma 9:23

dikua anna mpangpepajanan kamala'biran-Na to napatuju lako kita' tonakamasei. Na mangkamiki' napasadia la ntarimai joo kamala'biran.

2 Korintus 4:1

Kiissen kumua Puang Allataala mpabarakkannikan tee jaman, nasaba' melo penawan-Na lako kami'. Iamo joo na te'da kika'tu rannu.

2 Korintus 10:1

Den ba'tu pira-pira tau lan tangnga-tangngami ssangana' kumua, baranina' ke sikambelaki', porrokanna' ke sioloanki'. Apa ia tee aku' melo penawangku' na tangmakarrah toona' susi Almaseh meta'dana' lako kalemi kumua,

Filemon 1:9

Apa kupeta'da bangri lako iko, nasaba' ia to pangpakamoja'mu lako umma'-Na Puang Allataala. Ia tee aku' mesa'na' tomatua, na ia tee too ditarungkuna', sanga rasulu'-Nana' Puang Isa Almaseh.

Filemon 1:10

Iamo joo kupeta'dai lako kalemu mpatu Onesimus anak kupakamoja', to kuajahhi lan pangtarungkuan anna matappa' lako Puang Isa Almaseh.