Roma 11:1 - Alkitab Duri

¹ Mekutanana': Te'damoraka napuumma'i Puang Allataala to to-Israel? Umma'-Na unapa! Aku' una tee na to-Israelna' jio mai bati'na Nabi Ibrahim, pangrapuanna Benyamin.

Roma 11:1 Referans Kwoze

2 Korintus 11:22

To-Ibraniraka tuu mati'? Moi aku' to-Ibrani todana'. To-Israelraka tuu mati'? Moi aku' to-Israel todana'. Bati'naraka Nabi Ibrahim tuu mati'? Moi aku' bati'na todana'.

Filipi 3:5

Disunna'na' tonna karuamo allona jajingku', to-Israelna', bati'na Benyamin, jaji to-Ibrani massangna', na mangngagama to-Yahudina' situru' pangngajaran Farisi. (Jaji to-Farisi toona'.)

Jamanna Rasulu' 26:4

Naissen ngasan to-Yahudi to katuoanku' mellao jio mai biccu'ku'. Naissen too tongkumatonggomo torro jao kota Yerusalem sola bangsaku'.

Jamanna Rasulu' 22:3

“Ia tee aku', to-Yahudina'. Jaji jiona' kota Tarsus tana Kilikia, apa matonggo inde'na' kota Yerusalem. Mangguru lakona' Gamaliel to nnajahhi tonganna' atoran tojolota' to nabenni Nabi Musa. Pada bang una tee kita' to mala'bihku' sola ngasan, moi aku' nturu' tongan todana' Puang Allataala.

Roma 9:3

nasaba' sile'to sangbangsaku' to-Israel to te'da namatappa'. Kueloranni to kaleku' nakanna tampak ropu sola napasisarakna' Almaseh anna ia to sangbangsaku' sirapu Almaseh.

Roma 3:4

Tantu te'da! Moi namangnguraga ngasan to tolino, tonganni ia to napau Puang Allataala, susi to nauki' Raja Daud lan Sura' Allataala, “Oo Puang! Ia to kadan-Ta' la naissen tau kumua tongan, ia ke dikara-karaki' Puang, pataloki'.”

Lukas 20:16

La ratui mbuno ngasanni joo tomendulu, namane' mpangpenduluanni joo bara'bahna lako tolaen.” Ia tonna sa'dingmi tuu lako tau joo pangpasusian, nakuamo, “Napamambela-belai Puang Allataala joo jio mai kaleki'.”

Roma 11:11

Mekutana pole'na': Melolinraka to to-Yahudi dikua nate'damo napuumma'i Puang Allataala? Te'da nasusi joo! Ia to bangsa laen dipasalama', nasaba' dosana to to-Yahudi, dikua anna masere ati to to-Yahudi lako joo bangsa laen.