Roma 10:2 - Alkitab Duri

² La mikatappa'i kumua masumanga' tongan ia ssompa Puang Allataala. Apa ia joo masumanga'na te'da nasituru' kapaissenan jio mai Puang Allataala.

Roma 10:2 Referans Kwoze

Jamanna Rasulu' 21:20

Mpakala'bihhi Puang Allataala sola ngasan tonna mangka ssa'dingngi joo. Namane' ngkuanni to Paulus, “Ee, todipusile'to! La muissen kumua massa'bu-sa'bumo to-Yahudi memmatappa' lako Puang Isa, nallundukki atoranna Nabi Musa.

Filipi 3:6

Ia ke panggaukanku', aku'mo to kaminang ssessa tomatappa' lako Puang Isa. Ia ke kamenturusanku' lako atoran agama, te'da atoran tangkuturu'i.

Filipi 1:9

Massambajangna', dennaa upa' mipede' mpakamoja' Puang Allataala mipakamoja' too padammi rupa tau, na samacca-maccammi nnissen pangngajaran tongan na samandalan-dalanna to tangngahmi.

Roma 10:3

Te'da napahangngi na te'da natarimai umbo nakua Puang Allataala mpupenjaji tomeloi to tolino. Apa napengkullei mpupenjaji tomelo kalena.

Kada Bulawan 19:2

Moi marajinki' te'da namelo ke te'dai kapaissenanta'. Ia to tosepah pembuda sala ke denni apa napugauk.

Galatia 1:14

angkusamacca-maccanna lan agama Yahudi, kucau' ngasanni to sangbara'ku' jio bangsaku', sanga liwa' kukanana'i to atoran tojoloku'.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

Jamanna Rasulu' 22:3

“Ia tee aku', to-Yahudina'. Jaji jiona' kota Tarsus tana Kilikia, apa matonggo inde'na' kota Yerusalem. Mangguru lakona' Gamaliel to nnajahhi tonganna' atoran tojolota' to nabenni Nabi Musa. Pada bang una tee kita' to mala'bihku' sola ngasan, moi aku' nturu' tongan todana' Puang Allataala.

2 Korintus 8:3

Wa'dingna' mpamanassai kumua macanning atinna mangpangben. Biasa too napala'bii moi te'da tau ssuai.

Jamanna Rasulu' 21:28

Metamba nakua, “Ee, tulungkan kamu' to-Israel! Iamo tee tau to male bang nnajahhi sininna tau umbo-umbo nanii, mpake pangngajaran nnewa to-Israel, atoranna Nabi Musa na ia tee Bola Puang Allataala. Na ia too ssolan omi tau tangngia to-Yahudi tama Bola Puang Allataala ncarepai tee bola macero!”

Galatia 4:15

Masannang tongan kamu' joo wattu. Kuissen kumua kenna la wa'ding micukke'i to matammi mibenna', tantu la mipugauk. Apa ia tee too, umbomira to kasannangan penawammi?

Kolose 4:13

Mangka aku' kukita liwa' mattongan-tongan mpangjaman kamu' sola to-Laodikia na to-Hierapolis.

Jamanna Rasulu' 22:22

Napatarruh bang unapa tobuda mpesa'dingngi Paulus mangkada, apa ia tonna la tampakkanamo joo kada metamba-tambami tobuda nakua, “Bunoi bangmi, te'da ia nasipato' tuo to tau susi tuu!”

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Roma 10:1

Ee, todipusile'to! Gaja doangna' kumua nadipasalama' to bangsaku'. Iamo joo kupassambajangan bangngi.