Roma 1:9 - Alkitab Duri

⁹ Puang Allataala nnissenni kumua kupau too kamu' ke massambajangna'. Na iamo nanii lantuk tongan penawangku' menturu', angkuwa'ding mpangpeissenanni to Kareba Kasalamatan, karebanna Anak Allataala.

Roma 1:9 Referans Kwoze

Efesus 6:18

Ia ke nnewa kamu' Ballisi', la massambajang tarruh bang kamu' mpeta'da pangtulung-Na Puang Allataala. La massambajang kamu' situru' pangpatujun-Na Roh Allataala. Danggi' mipajaii massambajang. Passambajanganni to sininna umma'-Na Puang Allataala.

2 Timotius 1:3

Mangkurru sumanga'na' lako Puang Allataala to kusompa situru' canning atingku', susi to napugauk tojoloku' tonna anu'. Tuli kupau to sangammu ke massambajang omo' la allo la bongi.

Roma 9:1

Ia tee aku', taun-Nana' Almaseh na ia to penawangku' nakuasai Roh Allataala. Jaji ia tee kupau te'da kumangnguraga, apa tonganna kumua,

1 Tesalonika 5:17

Mituli massambajang.

2 Korintus 1:23

Puang Allataala, to nnissen issi penawangku', ssa'biina', kumua iamo na te'da kujaji male mati' sanga cia'na' mpamasse penawa kamu'.

1 Tesalonika 3:10

Meta'da tulung tongankan keallo ke bongi lako Puang Allataala, dennaa upa' kiwa'ding unapa mpessikitai pole' kamu' kiajahhi kamu' to apa te'dapa miissenni ammisamatappa'-tappa'na lako Puang Isa.

1 Tesalonika 1:2

Ia ke kipaui sangammi lan passambajangki', tuli mangkurru sumanga'kan lako Puang Allataala, nasaba' kamu' sola ngasan.

Filipi 3:3

nasaba' kita'ra to disanga todisunna' tongan na kita' toora to ssompa Puang Allataala situru' pangpatujun-Na Roh Allataala. Kita'ra to masannang, nasaba' mesa' penawamiki' sola Puang Isa Almaseh, te'da na atoran agama tapattuan mpupenjaji tomeloki'.

Filipi 1:4

na masannangna' tongkupassambajangan kamu'.

Jamanna Rasulu' 27:23

Nasaba' ia to Puang Allataala kusompa kupupuang too, ssua malaeka'-Na pubongi' ratu jio sa'deku',

Jamanna Rasulu' 19:21

Ia tonna mangkamo joo, madoangmi Paulus male lako kota Yerusalem nnola propinsi Makedonia sola propinsi Akhaya, nakua, “Ia angkumangkamo liu jio kota Yerusalem, mane'ra' tarruh lako kota Roma.”

1 Timotius 2:7

Na iamo joo naangka'na' Puang Allataala menjaji rasulu' angkudisua male lako sininna bangsa tangngia to-Yahudi la mpangpangngajaranni to kamatapparan tongan. Na tongan tee kupau, te'da kumangnguraga.

Filipi 2:22

Mikitamo kumua wa'ding dikatappa'i to Timotius. Mangkamo' natulung mpangpeissenan Kareba Kasalamatan susi anak ntulung ambe'na.

Galatia 1:20

Puang Allataala nnissenni tee kuuki' kumua tongan, na te'da kumangnguraga.

2 Korintus 11:31

Puang Allataala, Ambe'-Na Puang Isa, nnissenni kumua te'da kumangnguraga. Ia dipakala'bih te'da cappa'na.

Jamanna Rasulu' 24:14

Apa la kuakui jio olota' kumua nang ssompana' Puang Allataala, situru' pangngajaran-Na Puang Isa, to napasala tuu mati'. Ia to Puang Allataala kusompa, nasompa too tojoloki'. Na kukatappa'i unapa to sininna pura diuki' lan sura'na Nabi Musa na sura'na nabi laen.

Jamanna Rasulu' 12:5

Jaji dipallan bangpi pangtarungkuan to Petrus. Apa napassambajangan tarruh jamaa lako Puang.

Jamanna Rasulu' 3:26

Iamo joo napatuo pole'i Puang Allataala to Puang Isa, kaunan-Na, nasuai male lako kamu' jolo', dikua nabarakka'i kamu', napupengkatoba' kamu', ammipada mpatorroi to panggaukan gaja'mi.”

Lukas 18:1

Napauan pole' omi pangpasusian Puang Isa to anak gurun-Na la mpamanassai kumua danggi' naka'tu rannu sola marosso massambajang lako Puang Allataala.

Markus 1:1

Iamo tee Kareba Kasalamatan mpamanassai to Puang Isa Almaseh kumua, Iamo Anak Allataala. Susimi tee to pamulanna.

Filemon 1:4

Ia angkumassambajang tuli kupassambajanganko, mangkurru sumanga'na' lako Puang Allataala sanga iko,

Filipi 1:3

Tuli mangkurru sumanga'na' lako Puang Allataala, ke kuingaran o kamu',