Roma 1:7 - Alkitab Duri

⁷ Iami joo na aku' Paulus nnukiran kamu' tee sura' mati'. Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

Roma 1:7 Referans Kwoze

Efesus 1:2

Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

1 Tesalonika 1:1

Ee, tomala'bihku', tomatappa' lako Ambe' Puang Allataala sola Puang Isa Almaseh! Aku' Paulus nnuki'i tee sura' sola Silas na Timotius lako kamu' jamaa jio kota Tesalonika. Dennaa upa' nabarakka'i kamu' Puang Allataala, naben kamu' kamasannangan.

2 Yahya 1:3

Dennaa upa' nabarakka'iki' nakamasei tooki' Ambe' Puang Allataala sola Puangta' Puang Isa Almaseh, Anak Allataala, nabenki' kamasannangan, antaissenni to pangngajaran tongan tasipakamoja' too.

Filemon 1:3

Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

2 Tesalonika 3:18

Dennaa upa' na Puangta' Puang Isa Almaseh mbarakka'i kamu' sola ngasan. Padamo jolo' too. Sallangki' mati', Paulus.

2 Tesalonika 3:16

Pole jio mai Puang Isa to kamasannanganta'. Dennaa upa' na Puang Isa da'tan mben kamu' sininna kamasannangan, naampai tarruh kamu' sola ngasan.

Pengkitanna Yahya 22:21

Dennaa upa' anna pangben barakka'-Na to Puang Isa lako sininna umma'-Na.

Filemon 1:25

Dennaa upa' nabarakka'i kamu' Puang Isa Almaseh. Padamo jolo' too. Sallangki' mati', Paulus.

1 Yahya 3:1

Liwa' pangpakamoja'-Na to Ambe', Puang Allataala, na napuanakmiki'. Nang tongan kumua anakkanaki' Puang Allataala. Te'da naissenni tolino to tangnturu' Puang, kumua anakkanaki' Puang Allataala, nasaba' te'da too naissenni to Puang Allataala.

1 Petrus 1:15

Sibalikanna la messipa' melo kamu' mikaba'cii to kagajatan, susi Puang Allataala to mangka mpilei kamu'.

Titus 1:4

Titus, kupuanak tonganmoko, nasaba' pada matappa'miki' lako Almaseh. Dennaa upa' nabarakka'iko Ambe' Puang Allataala sola Puang Isa Almaseh, Tomangpasalama'ta', nabenko kamasannangan.

2 Timotius 4:22

Dennaa upa' naampaiko Puang nabarakka'i kamu' sola ngasan! Padamo jolo' too. Sallangki' mati', Paulus.

1 Tesalonika 5:28

Dennaa upa' nabarakka'i kamu' Puangta' Puang Isa Almaseh. Padamo jolo' too. Sallangki' mati', Paulus.

1 Tesalonika 4:7

Te'da napileiki' Puang Allataala kumua la mangpanggaukan salaki', apa iara nabenki' Roh Allataala dikua antapugaukki to napusannang-Na. Ia to tocia' ntarimai tee pangngajah tangngia tolino nakacia', apa Puang Allataalara.

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

Kolose 3:12

Napakamoja' kamu' Puang Allataala na mangkamo kamu' napilei menjaji tau mesan-Na. Iamo joo la sikamasean kamu' padammi rupa tau, melo penawa, danggi' matampo, mangkada rampa' lako tau, sola sabbara' kamu'.

Filipi 4:23

Dennaa upa' nabarakka'i kamu' Puang Isa Almaseh. Padamo jolo' too. Sallangki' mati', Paulus.

Filipi 4:20

Iami joo la mpakala'bih tarruhki' Ambe'ta' Puang Allataala te'da cappa'na. Amin.

Efesus 6:23

Dennaa upa' na Ambe'ta' Puang Allataala sola Puang Isa Almaseh mpupenjaji sininna taun-Na masannang, sipakamoja', sola da'tan matappa' lako Almaseh.

Galatia 6:18

Dennaa upa' nabarakka'i tarruh kamu' Puang Isa Almaseh. Amin. Sallangki' mati', Paulus.

1 Korintus 16:23

Dennaa upa' nabarakka'i kamu' Puang Isa!

Roma 9:25

Susi to mangka napau Puang Allataala lan sura'na Nabi Hosea nakua, “Ia to totangngia taung-Ku' la kusangai taung-Ku'. Na ia to tangkupakamoja' la kusangai ‘Pangpakamoja'-Ku'.’

Roma 5:1

Napupenjaji tomeloki' Puang Allataala, nasaba' kamatapparanta'. Iamo joo tasikalino pole'mo Puang Allataala. Sininna tee jaji, nasaba' Puangta' Puang Isa Almaseh.

Jamanna Rasulu' 15:23

Den too sura' dibenni, to nakua kumua: “Kamu' sola ngasan to jio mai bangsa laen to kipusile'tomo, to torro jio kota Antiokhia, tana Siria na Kilikia. Sallangki' sola ngasan kami' rasulu' sola pekaamberan to mipusile'to.

Kolose 3:15

Napileimo kamu' Almaseh menjaji susi lesoan batang kale-Na. La sikalino kamu' sola padammi tomatappa'. Eloranni kamasannangan to pole jio mai Almaseh, ngkuasai penawammi. La mangkurru sumanga' too kamu' lako Puang Allataala.

Filipi 4:13

Kukulle to sininna apa, sanga Puang Isa Almaseh mbenna' kapakullean.

Roma 8:39

ba'tu apa jao langi', ba'tu apa lan kuli'na padang, ba'tu laennapa, te'da nakullei mpupessarakki' jio mai pangpakamoja'-Na Puang Allataala, susi to napapajan Puangta' Puang Isa Almaseh.

Roma 1:6

Na ia to kamu' to-Roma mentama toomo kamu' rekenan sininna bangsa la menjaji umma'-Na Puang Isa Almaseh.

Pengkitanna Yahya 2:1

Nasuana' nakua, “Uki'i susi tee lako malaeka'na jamaa jio kota Efesus: Ia tee pepasan pole jio mai Aku' to ntoe pitu bintuin jio lima kanan-Ku', na to lumingka lan tangnga-tangngana to pitu tongkonan bulawan nanii palita. Iamo tee pepasan-Ku':

Yakub 1:1

Ee, tomala'bihku' sola ngasan, umma'-Na Puang Allataala to titaleh lan lili'na lino. Ia tee sura' pole jio mai aku' Yakub tonasua Puang Allataala sola Puang Isa Almaseh.

Yahya 20:17

Nakua Puang Isa ngkuanni, “Danggi' kaka'na', nasaba' te'dapa kumale de' Ambe'. Apa malemoko lako sile'to-Ku', mupauanni kumua la polemo' de' Ambe'-Ku', na Ambe'na too, Puang-Ku' na Puangna.”

Matius 5:16

Iamo joo, pemakassingngimi tuu panggaukanmi nturu' Puang, nakitai tau susi lampu nnarrangngi tau, nawa'ding nnissenni to kameloan-Na Ambe'mi Puang Allataala jao suruga.”

Pengkitanna Yahya 3:22

Ia to tomangpesa'ding la naingaran to apa napau Roh Allataala lako jamaa.”

Pengkitanna Yahya 3:14

Nasuana' nakua, “Uki'i susi tee lako malaeka'na jamaa jio kota Laodikia: Ia tee pepasan pole jio mai Aku' to disanga Amin, todikatappa'i, sa'bi maruruh na tongan, garonto'na sininna to apa napaden Puang Allataala.

Pengkitanna Yahya 3:7

Nasuana' nakua, “Uki'i susi tee lako malaeka'na jamaa jio kota Filadelfia: Ia tee pepasan pole jio mai Aku' to tomala'bih na totongan, to ntoe goncingna Raja Daud. Ia ke kutimbakanni to pelalan, moi mesa' tau te'da wa'ding ssalli'i. Ia ke kusalli'ii, moi mesa' tau te'da wa'ding ntimbakanni.

Pengkitanna Yahya 2:29

Ia to tomangpesa'ding la naingaran to apa napau Roh Allataala lako jamaa.”

Pengkitanna Yahya 2:18

Nasuana' nakua, “Uki'i susi tee lako malaeka'na jamaa jio kota Tiatira: Ia tee pepasan pole jio mai Aku', Anak Allataala, to dukku matang-Ku' susi api na cumbia' aje-Ku' susi tambaga disa'po. Iamo tee pepasan-Ku':

Pengkitanna Yahya 2:12

Nasuana' nakua, “Uki'i susi tee lako malaeka'na jamaa jio kota Pergamus: Ia tee pepasan pole jio mai Aku' to ntoe pa'dang mataran wali-wali. Iamo tee pepasan-Ku':

Pengkitanna Yahya 2:8

Nasuana' nakua, “Uki'i susi tee lako malaeka'na jamaa jio kota Smirna: Ia tee pepasan pole jio mai Aku', to pamulanna na cappa'na, to mangkamo mate, na tuo pole'. Iamo tee pepasan-Ku':

1 Timotius 6:2

Ia to kaunan matappa' na tomatappa' toda to puangna, danggi' nasangai kumua ia to puangna te'da naparallu nakasiri' nasaba' pada tomatappa'i. Sibalikanna la la'bih napemeloiri to pangjamanna lako, nasaba' ia joo puangna napangjaman pada tomatappa'i na pada dipakamoja' tooi. La mupangpangngajaran ngasan tee, mupake tooi mpangngingaran tau.

Jamanna Rasulu' 9:13

Napebalii Ananias nakua, “Oo, Puang! Tuli kusa'ding napau tobuda kumua ia joo tau takkaliwa' to pangsessana lako taun-Ta' jio kota Yerusalem.

Roma 5:5

Na ia joo kaparannuanta' te'da natangmpamasannangki', nasaba' ia to Roh Allataala nabenki' Puang Allataala, la mperasai pangpakamoja'-Na.

Roma 8:28

Taissen kumua Puang Allataala Ia nnatoro'i to sininna apa, anna benni kameloan lako to tompakamoja'i, to napileimo situru' eloh-Na.

1 Korintus 1:24

Apa ia to tonapileimo Puang Allataala, la to-Yahudi, ba'tu bangsa tangngia to-Yahudi, napahang kumua, iamo carana Puang Allataala mpapajan kuasan-Na sola kapaissenan-Na.

Filipi 1:2

Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

1 Tesalonika 1:4

Ee, tomala'bihku' to napakamoja' Puang Allataala! Mangkamo kamu' napilei Puang menjaji umma'-Na.

2 Tesalonika 1:2

Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.