Roma 1:3 - Alkitab Duri

³ Ia to Kareba Kasalamatan, iamo to karebanna Puangta' Puang Isa Almaseh, Anak Allataala. Ianna situru' katolinoan-Na, bati'nai Raja Daud,

Roma 1:3 Referans Kwoze

Matius 1:1

Ia to nunnungan nene-Na Puang Isa Almaseh, bati'nai Raja Daud jio mai bati'na Nabi Ibrahim susi tee:

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Amos 9:11

Nakua Puang Allataala, “La den wattunna Kulampake'deh pole'i to kaparentanna Raja Daud, to mangka dilanynya'i. Susi tau mpemeloi bola to mangka ro'pok, susi toomi joo kaparentanna Raja Daud Kupaden pole' susi tonna jolona.

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Lukas 1:35

Mebalimi joo malaeka' nakua, “Roh Allataala la rratuiko na kuasan-Na Puang Allataala la torro ssolanko. Iamo joo namala'bih joo pea la jaji nadisanga Anak Allataala.

1 Tesalonika 1:10

Nacurita toopa kumua mitajan tongan to karatuan-Na pole' Anak Allataala jao mai suruga, iamo to Puang Isa to mangka napatuo pole' Puang Allataala jio mai kamatean. Puang Isamo la mpasalama'ki' jio mai pangsessa-Na Puang Allataala keanu'.

Roma 9:5

Ia to to-Israel bati'nai Nabi Ibrahim, Ishak na Yakub. Na ia to Almaseh, to mentolino, bati'na todai. Apa Iamo Allataala to te'da apa njaonannii, to sipato' dipakala'bih te'da cappa'na. Amin.

Yahya 20:28

Nakua Tomas lako Puang Isa, “Oo Puangku'! Oo Puang Allataala to kusompa!”

Yahya 10:30

Aku' na Ambe'-Ku', tomesa'kan.”

Matius 1:16

Yakub njajian Yusuf, iamo muanena Maryam, na Maryam njajian Puang Isa to disanga Almaseh.

2 Timotius 2:8

Ingaran meloi tee! Situru' Kareba Kasalamatan to kupangpeissenan, ia to Puang Isa Almaseh, bati'na Raja Daud, mangka tuo pole' jio mai kamatean.

1 Korintus 1:9

Ia to Puang Allataala sipato' dikatappa'i. Iamo mpilei kamu' ammimesa' penawa sola Anak Allataala, Puangta' Puang Isa Almaseh.

Jamanna Rasulu' 2:30

Apa naissenmo, sanga mesa'i nabi, to apa la jaji keanu'. Na mangkamo nabasse Puang Allataala kumua, ‘La kuangka'i to bati'mu menjaji raja ssulleko.’

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Yahya 10:36

matumbai misangana' ncapa' Puang Allataala, ke kukua ‘Anak Allataalana'’? Na Ambe' Ia mpileina' nasuana' tama lino.

Yahya 5:25

La miingaran kumua, la nadete'mi wattunna, na sitonganna wattunnami tee too, kumua ia to tomate la ssa'ding gamarang-Ku', tee Aku' Anak Allataala, na ia to tossa'dingngi la tuo pole'.

Lukas 1:69

Nabenmiki' Tomangpasalama' to makuasa, bati'na Raja Daud, taun-Na.

Matius 27:43

Nakatappa'i to Puang Allataala, na nakua toopa kumua Anak Allataalai. Jaji la takitai, madoangrika Puang Allataala mpasalama'i tee too.”

Matius 26:63

Apa kamma' bangngi to Puang Isa. Nadadu' omi to Imang Lompo mangkada nakua, “La massapahko mpau Puang Allataala to tuo te'da cappa'na, mpauankan, Ikomoraka Raja Mangpasalama', Anak Allataala.”

Matius 15:22

Denmi mesa' baine to-Kanaan ratu ngkandoppi' Puang Isa metamba-tamba nakua, “Oo Puang, bati'na Raja Daud, kamaseina'! Natamai setang to anakkaku' baine. Takkajulu' maparri'na!”

Matius 12:23

Jangngah ngasanmi to tobuda nakua, “Ba'tu bati'nara Raja Daud tee tau to mangka dipau tonna anu'?”

Matius 9:27

Ia tonna patarruhmo kalingkan-Na Puang Isa, denmi dua tobuta undi metamba-tamba nakua, “Oo Puang, bati'na Raja Daud, kamaseikan dikka'.”

Matius 3:17

Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

Matius 1:6

Isai njajian Raja Daud. Raja Daud njajian Raja Sulaiman (indona pura bainena tomate Uria),

Pengkitanna Yahya 2:18

Nasuana' nakua, “Uki'i susi tee lako malaeka'na jamaa jio kota Tiatira: Ia tee pepasan pole jio mai Aku', Anak Allataala, to dukku matang-Ku' susi api na cumbia' aje-Ku' susi tambaga disa'po. Iamo tee pepasan-Ku':

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

1 Yahya 5:5

Te'da tau ngkullei ntaloi kuasanna tolino to tangnturu' Puang Allataala, ke te'da nakatappa'i kumua Anak Allataala to Puang Isa.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

1 Yahya 4:15

Inda-inda to nnakuii kumua Anak Allataala to Puang Isa, ia to Puang Allataala da'tan mesa' penawa sola joo tau, na ia da'tan mesa' penawa sola Puang Allataala.

1 Yahya 3:23

Iamo tee to parenta-Na kumua, la matappa'ki' lako Anak, Puang Isa Almaseh, sola la sipakamoja'ki', susi to mangkamo nasuanki' Almaseh.

1 Yahya 3:8

Ia to tompugauk tarruh dosa, napuanak Ballisi', nasaba' ia to Ballisi' iamo garonto'na dosa mammula jiona mai. Iami joo naratumo to Anak Allataala la ssabu'ii to jamanna joo Ballisi'.

1 Yahya 1:3

Ia to apa mangkamo kikita sola kisa'ding, ia toomo kipangpeissenan lako kamu', dikua antamesa' penawa. Na te'da na ia manda joo, apa mesa' penawaki' sola Ambe', Puang Allataala, na Anak, Puang Isa Almaseh.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

Roma 1:9

Puang Allataala nnissenni kumua kupau too kamu' ke massambajangna'. Na iamo nanii lantuk tongan penawangku' menturu', angkuwa'ding mpangpeissenanni to Kareba Kasalamatan, karebanna Anak Allataala.

Jamanna Rasulu' 9:20

Tarruh bang unami llelei bola passambajangan to-Yahudi mpangpeissenanni kumua Anak Allataala to Puang Isa.

Jamanna Rasulu' 8:36

Mpatarruhhi kalingkanna na dete' wai, nakua, “Inde'mi to wai, denparaka halanganna ke dijio'na'?” [

Jamanna Rasulu' 3:13

Ia to Puang Allataala nasompa tojolota' Nabi Ibrahim, Ishak na Yakub, Iamo mangka mpakala'bih Puang Isa, kaunan-Na. Iamo joo Puang Isa to mipangngolo lako tomangparenta, micia' too ntarimai tonna la lla'paranni Pilatus.

Yahya 7:42

Nasaba' diuki' lan Sura' Allataala kumua, Ia to Raja Mangpasalama' bati'na Raja Daud, na todijajian jio kota Betlehem, to kotana too Raja Daud.”

Yahya 1:34

Nakuapa Nabi Yahya, “Mangkamo' ngkita kalenai na kupangpeissenanmo kumua, Iamo Anak Allataala.”

Roma 4:1

Ia ke susii joo, apara la takua to jaji lako Nabi Ibrahim tojolota'?

Roma 9:3

nasaba' sile'to sangbangsaku' to-Israel to te'da namatappa'. Kueloranni to kaleku' nakanna tampak ropu sola napasisarakna' Almaseh anna ia to sangbangsaku' sirapu Almaseh.

1 Korintus 10:18

Takitari to to-Israel. Ia to tongkandei to apa dipassompan jao ngenan pangkaroban, iamo tomangmesa ntuu joo ngenan pangkaroban.

1 Timotius 2:5

mesa'ra to Puang Allataala, na mesa' toora tau mpasikalino Puang Allataala na tolino, iamo to Puang Isa Almaseh,