Roma 1:11 - Alkitab Duri

¹¹ nasaba' mamali'na' la ssitammuan kamu', angkuwa'ding mben kamu' to barakka' nabenna' Roh Allataala, to la mpamawatang kamatapparanmi.

Roma 1:11 Referans Kwoze

2 Petrus 1:12

Iamo joo kupakainga' tarruh kamu' to sininna joo, moiraka miissen, mikatappa'i toomi to pangngajaran tongan to mangkamo mitarima.

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

2 Tesalonika 3:3

Da'tan kamu' naampai Puang Allataala. La napamawatang to penawammi naampai kamu' jio mai Togaja'.

Roma 15:29

Na kuissen kumua ia ke malena' mati', la kubawan kamu' barakka' jio mai Almaseh.

1 Petrus 5:12

Bondi'ra tee sura' kukiringan kamu', kiuki' sola Silas padanta' tomatappa' to wa'ding dikatappa'i. Kuuki'i tee sura' la mpamasumanga' kamu' na mpamanassan too kamu' kumua ia to kupauan kamu' lan tee sura' tonganna pangpakamoja'-Na Puang Allataala. Tatta' kamu' mparannuanni joo pangpakamoja'.

1 Petrus 5:10

Ia tommimangkamo maparri' cingga'tu', la naben kamu' Puang Allataala to sininna apa miparallui, la napamawatang too kamu', ammisamatappa'-tappa'na, sanga liwa' pangpakamoja'-Na Puang Allataala, to mangkamo mpilei kamu' la mperasai to kamala'biran-Na to te'da cappa'na. Susimi joo sanga da'tan kamu' memmesa' penawa sola Almaseh.

2 Tesalonika 2:17

Iamo joo dennaa upa' napamasumanga' tarruh kamu' mpugaukki to sininna kameloan, la panggaukanmi, la buangan kadammi.

Jamanna Rasulu' 19:6

Ia tonna palullungngi pala'na Paulus joo tau, nakuasaimi Roh Allataala, namangkada mpake mangrupa-rupa basa mejangngaran to nabenni Roh Allataala na mparatu too pepasan-Na Puang Allataala.

Jamanna Rasulu' 16:5

Susimi joo namemmawatang kamatapparanna to Tosarani na allo-allo sakerangngan-rangnganna too.

1 Tesalonika 3:13

Na dennaa upa' napamawatangngi Puang penawammi, anna te'da dosami na te'da caccami jio olo-Na Puang Allataala, Ambe'ta', ke ratu pole'i Puangta' Puang Isa sola sininna taun-Na.

1 Tesalonika 3:2

angkisuai to padanta' tomatappa' Timotius male mati'. Ia to Timotius sangpangjamanki' nasua Puang Allataala mpangpeissenan karebanna Almaseh. Kisuai male mati' la mpamasumanga' kamu' ammisamatappa'-tappa'na.

Filipi 4:1

Ee, tomala'bihku' to kupakamoja' na kukamali' too! La matappa' tongan-tongan kamu' lako Puang. Kupumasannang sola kupumala'bih kamu'!

Filipi 2:26

sanga gaja nakamali' kamu', nanawa-nawa tooi, nasaba' misa'ding kumua masakii.

Filipi 1:8

Nakitana' Puang Allataala na naissen kumua kukamali' gajamo kamu'. Kupakamoja' kamu' susi Puang Isa Almaseh mangpakamoja'.

2 Korintus 9:14

Ia ke susimi joo nakamali' kamu', napassambajangan kamu' lako Puang Allataala, nasaba' nalokkonmi Puang Allataala to barakka'-Na lako kamu'.

2 Korintus 1:21

Iamo mpamawatangki' sola ngasan antamatappa' lako Almaseh napileiki' naputau mesaki'.

Roma 15:32

Ia ke susimi joo, ianna puelohhi Puang Allataala, la male masannangna' mati', anna matana to penawangku'.

Roma 15:23

Apa ia tee too ia to jamanku' inde' mangka unamo na mangtaun-taunmo' madoang ssitammuan kamu'.

Jamanna Rasulu' 19:21

Ia tonna mangkamo joo, madoangmi Paulus male lako kota Yerusalem nnola propinsi Makedonia sola propinsi Akhaya, nakua, “Ia angkumangkamo liu jio kota Yerusalem, mane'ra' tarruh lako kota Roma.”

Ibrani 13:9

Danggi' mieloranni to mangrupa-rupa pangngajaran to sisala Kareba Kasalamatan mpatuju sala kamu'. Iara to kameloan penawan-Na Puang Allataala to la mpamawatang penawanta', tangngiara kande. Ia joo atoran kande te'da lalomo bua'na lako tonturu'i.

2 Korintus 11:4

Nasaba' susi to kumua masannang bang kamu' ntarimai to tomale mati' nakua kumua la naajahhi kamu' karebanna Puang Isa na Kareba Kasalamatan, apa sitonganna gaja silaenan na ia to mangka kiajaran kamu'. Na susi too kumua madoang bang too kamu' ntarima roh to gaja silaenan Roh Allataala to mangkamo mitarima.

Roma 1:12

Battuananna kumua ia to kamatapparanku' lako Puang Isa wa'ding mpamawatang kamu', na ia to kamatapparanmi wa'ding mpamawatangna'.

2 Korintus 1:15

Na iamo joo rannungki', naden kuakkattaii la ssitammuan kamu' jolo' amminnampa' barakka' manglokkon penduan.