Roma 1:1 - Alkitab Duri

¹ Ee, todipusile'to jio kota Roma, to napakamoja' Puang Allataala, to napileimo menjaji taun-Na! Napilei toomo' menjaji taun-Na, naangka'na' menjaji rasulu' la mpangpeissenan Kareba Kasalamatan jio mai Puang Allataala.

Roma 1:1 Referans Kwoze

Jamanna Rasulu' 9:15

Apa nakua Puang ngkuanni, “Male bangmoko! Nasaba' mangkamo kupilei la mpangjamanna', dikua napangpeissenanna' lako bangsa tangngia to-Yahudi, lako raja, na lako too to-Yahudi.

Roma 15:16

Napupenjajimo' kaunan-Na Puang Isa Almaseh to disua male lako bangsa tangngia to-Yahudi. Na menjajimo' susi imang to mpangpeissenan Kareba Kasalamatan jio mai Puang Allataala. Dennaa upa' na Roh Allataala mpupenjajii to bangsa tangngia to-Yahudi susi karoba to napumasannang penawan-Na Puang Allataala.

1 Korintus 1:1

Ee, tomala'bihku' sola ngasan, tomatappa' lako Puang Allataala jio kota Korintus, to napilei Puang Allataala menjaji umma'-Na, to napatorro leko' Puang Isa Almaseh jio mai to totangnturu' Puang, sola sininna to tossompa Puangta' Puang Isa Almaseh umbo-umbo nanii! Iamo Puangta' sola ngasan. Aku' Paulus sola padanta' tomatappa' Sostenes ngkiringan kamu' tee sura'. Napileina' Puang Allataala situru' pakkaeloran-Na menjaji rasulu'-Na Puang Isa Almaseh.

Kolose 1:1

Ee, tomala'bihku' sola ngasan, tomatappa' na tonturu' Almaseh jio kota Kolose! Aku' Paulus sola padanta' tomatappa' Timotius ngkiringan kamu' tee sura'. Napileina' Puang Allataala situru' pakkaeloran-Na menjaji rasulu'-Na Puang Isa Almaseh. Dennaa upa' nabarakka'i kamu' Ambe'ta' Puang Allataala, naben kamu' kamasannangan

Titus 1:1

Ee, Titus to kupuanak! Aku', Paulus, mesa'na' taun-Na Puang Allataala na rasulu'-Na Puang Isa Almaseh ngkiringanko tee sura'. Dipileina' angkuajahhi to tonapilei Puang Allataala, namatappa' tongan. Dipilei toona' mpatuju ngasanni, anna issenni to pangngajaran tongan, natuo situru' pakkaeloran-Na Puang,

Roma 1:9

Puang Allataala nnissenni kumua kupau too kamu' ke massambajangna'. Na iamo nanii lantuk tongan penawangku' menturu', angkuwa'ding mpangpeissenanni to Kareba Kasalamatan, karebanna Anak Allataala.

2 Korintus 1:1

Ee, tomala'bihku' sola ngasan, tomatappa' lako Puang Allataala jio kota Korintus sola sininna to tomatappa' lan lili'na propinsi Akhaya! Aku' Paulus sola padanta' tomatappa' Timotius ngkiringan kamu' tee sura'. Napileina' Puang Allataala situru' pakkaeloran-Na menjaji rasulu'-Na Puang Isa Almaseh. Dennaa upa' nabarakka'i kamu' Ambe'ta' Puang Allataala sola Puang Isa Almaseh naben kamu' kamasannangan.

1 Korintus 9:1

Ia tee aku' rasulu'na' na sitonganna te'da na aku' la nnangahhi to la kuputuona. Mangka kukita to Puangta' Puang Isa, na kamu'mo to assele'na jamanku' lako Puang.

2 Timotius 1:11

Puang Allataala nnangka'na' menjaji rasulu' na guru, la mpangpeissenanni joo Kareba Kasalamatan.

1 Timotius 1:1

Ee, Timotius, to kupuanak, sanga matappa'moko lako Puang Isa nasaba' pangngajahku'! Aku' Paulus ngkiringanko tee sura'. Pakkaeloran-Na Puang Allataala, Tomangpasalama'ta' kumenjaji rasulu'-Na Puang Isa Almaseh to tarannuan. Dennaa upa' nabarakka'iko nakamasei tooko Ambe' Puang Allataala sola Puangta' Puang Isa Almaseh nabenko kamasannangan.

Galatia 1:1

Ia tee sura' pole jio mai aku', Paulus, sola padanta' tomatappa' to kusolan, kikiring lako jamaa jio tana Galatia. Ia tee aku' mesa' rasulu' tangngia napilei tolino, tangngia too nasua tolino, apa nasuana' Puang Isa Almaseh sola Ambe' Puang Allataala, to mangka mpatuo Puang Isa jio mai kamatean.

1 Timotius 2:7

Na iamo joo naangka'na' Puang Allataala menjaji rasulu' angkudisua male lako sininna bangsa tangngia to-Yahudi la mpangpangngajaranni to kamatapparan tongan. Na tongan tee kupau, te'da kumangnguraga.

1 Tesalonika 2:2

Miissen kumua ia tonna te'dapa kimale mati' kota Tesalonika, mangkakan dipakario-rio sola dipakasiri' jio kota Filipi. Susi too iti' budamo to nnewakan, apa kabaranian pole jio mai Puang Allataala, angkiwa'ding mpangpeissenan Kareba Kasalamatan jio mai Puang Allataala lako kamu'.

Roma 1:5

Nabenna' barakka' Puang Allataala menjaji rasulu' nasaba' Puang Isa Almaseh, angkuwa'ding la mpatuju sininna bangsa kumua namatappa' sola menturu' lako Almaseh.

Filipi 1:1

Ee, tomala'bihku' tonnatoro' jamaa sola tontulung jamaa na sininna umma'-Na Puang Isa Almaseh jio kota Filipi! Aku' Paulus na Timotius taun-Nakan Puang Isa Almaseh ngkiringan kamu' tee sura'.

Pengkitanna Yahya 1:1

Ia to issinna tee sura' iamo to apa la jaji madoi'. Napaui Puang Allataala lako Puang Isa Almaseh anna Ia mpangpeissenanni lako taun-Na. Iami joo nasuai Almaseh to malaeka'-Na mpangpekitanni lako aku' Yahya kaunan-Na.

Yudas 1:1

Ee, tomala'bihku' sola ngasan, todipilei na tonapakamoja' tarruh Ambe' Puang Allataala! Naampai kamu' saratun-Na pole' Puang Isa Almaseh. Aku' Yudas sile'tona Yakub, tonasua Puang Isa Almaseh, ngkiringan kamu' tee sura'.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.

Yakub 1:1

Ee, tomala'bihku' sola ngasan, umma'-Na Puang Allataala to titaleh lan lili'na lino. Ia tee sura' pole jio mai aku' Yakub tonasua Puang Allataala sola Puang Isa Almaseh.

Ibrani 5:4

Moi mesa' tau te'da nnangka' kalena menjaji Imang Lompo, apa iapi namenjaji Imang Lompo ke napileii Puang Allataala susi to apa jaji lako imang Harun tonna anu'.

Filipi 2:11

Na sininna tokepenawa la mangngaku kumua, “Puang to Isa Almaseh”, anna la dipakala'bih to Ambe' Puang Allataala.

Efesus 4:11

Pada nabenni barakka' to umma'-Na. Den to napupenjaji rasulu', den to napupenjaji nabi, den to napupenjaji tompangpeissenan Kareba Kasalamatan, den to napupenjaji guru iarika tonnurusu' jamaa.

Efesus 1:13

Susi todamo kamu' tommisa'dingmo kareba tongan jio mai Puang Allataala, iamo to Kareba Kasalamatan, menjajimo kamu' umma'-Na ammidipasalama'. Ia tommimatappa'mo lako Almaseh, dibenmo kamu' Roh Allataala to nabasse tonna anu', menjaji butti kumua umma'-Namo kamu'.

2 Korintus 12:11

Sitonganna ia to kupau nena' susimo' tobango', nasaba' mpujina' kaleku'. Apa miparukuna' mpugaukki susi joo, nasaba' kamu'ra to la mpujina'. Na moi nate'da bua'ku', apa te'da lalo nacau'na' tuu mati' tau to ssanga kalena rasulu' te'da susinna.

2 Korintus 11:5

Te'da lalo nacau'na' tuu mati' tau to ssanga kalena rasulu' te'da susinna.

2 Korintus 4:5

Tangngia kaleki' tee kipangpekareban, apa karebanna Puang Isa Almaseh kumua Iamo Puang, na kami'mo kaunanmi situru' pakkaeloran-Na Puang Isa.

Roma 1:16

Kukatappa'i tongan kumua ia to Kareba Kasalamatan iamo kuasan-Na Puang Allataala. Iamo carana Puang Allataala mpasalama' tomatappa' lako Puang Isa, la to-Yahudi, la bangsa tangngia to-Yahudi.

Jamanna Rasulu' 22:21

Apa nakuanna' Puang, ‘Male bangmoko, nasaba' la kusuako male mambela lako bangsa tangngia to-Yahudi.’ ”

Jamanna Rasulu' 22:7

Ta'pa tipessambakna' do' padang na den gamara kusa'ding mpangkadaina' nakua, ‘Ee, Saulus! Ee, Saulus! Matumbai musessa tarruh bangna'?’

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

Pengkitanna Yahya 22:9

Apa napangkadaina' nakua, “Danggi'! Danggi' sompana'! Puang Allataalara musompa! Sanga pada todisuariki' sola sile'tomu nabi na sininna tonturu' pepasan lan tee sura'.”

Kolose 1:25

Menjajina' tompangjaman tomatappa' tonna pabarakkannina' Puang Allataala jaman mpangpeissenanni lako kamu' bangsa tangngia to-Yahudi to kadan-Na Puang Allataala,

Efesus 1:1

Ee, tomala'bihku' sola ngasan, tomatappa' na tonturu' Puang Isa Almaseh jio kota Efesus! Ia tee sura' pole jio mai aku' Paulus, rasulu'-Na Puang Isa Almaseh situru' pakkaeloran-Na Puang Allataala.

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

Roma 16:18

Ia to tosusi joo te'da namengkaunan lako Almaseh Puangta', apa naniiri ia mpemasannangngi penawanna. Melo bang to kadanna to la nanii nnuraga tomaruruh kaju dalle.

Roma 15:29

Na kuissen kumua ia ke malena' mati', la kubawan kamu' barakka' jio mai Almaseh.

Roma 11:13

Ia to kamu' to bangsa tangngia to-Yahudi, ia tee aku' rasulu' napilei Puang Isa mpaissenni kamu' Kareba Kasalamatan. Kukua mangkada mati', kupakala'bihhi tee jamanku', dikua anna

Jamanna Rasulu' 27:23

Nasaba' ia to Puang Allataala kusompa kupupuang too, ssua malaeka'-Na pubongi' ratu jio sa'deku',

Jamanna Rasulu' 26:1

Nakua Raja Agripa mangkada lako Paulus, “Wa'dingmoko mpangkadanan kalemu.” Mpupangngimbami limanna Paulus mpasadia tau, nakua,

Jamanna Rasulu' 13:9

Apa ia to Saulus to disanga too Paulus nakuasai Roh Allataala nakaje'jekki.

Yahya 15:15

Te'damo kusanga kamu' kaunan, nasaba' ia to kaunan te'da ia naissenni to apa la napugauk puangna. Apa ia to kamu' kusangamo kamu' soba'-Ku', sanga sininna to apa mangka kusa'ding jio mai Ambe'-Ku', mangka ngasanmo kamu' kupauan.

Yahya 12:26

Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”

Pengkitanna Yahya 22:6

Mangkada omi joo malaeka' lako aku' nakua, “Tongan tee kada mangka musa'ding, nawa'ding dikatappa'i. Puang Allataalamo mpangben Roh Allataala lako nabi, Iamo ssua malaeka'-Na la mpangpekitanni lako taun-Na apa to la jaji madoi'.”

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

Jamanna Rasulu' 26:14

Sisongkan ngasankan, anna den gamara kusa'ding ngkuanna' lan basa to-Yahudi, ‘Ee, Saulus! Ee, Saulus! Matumbai musessa tarruh bangna'? Iko bang una iko la mpa'dikki kalemu, ke nnewa tarruhko Puangmu.’

Jamanna Rasulu' 21:40

Ia tonna dieloranmo mangkada, ke'dehmi jio pelalan, nampupangngimba-imba limanna nta'tan tau. Ia tonna kamma'mo tuu lako tau, mangkadami Paulus mangbasa to-Yahudi nakua,

Yahya 15:20

Ingaranni to apa mangkamo kupauan kamu', ‘Ia to mesa' kaunan te'da nala'bih matande na puangna.’ Jaji ia ke mangkamo' nasessa, moi kamu' la nasessa too. Na ia ke naturu'i to pangngajaran-Ku', la naturu' tooi to pangngajaranmi.

Markus 1:14

Ia tonna ditarungkumo to Nabi Yahya, malemi Puang Isa re' tana Galilea, na jio nanii mpangpeissenanni to Kareba Kasalamatan jio mai Puang Allataala.

2 Korintus 2:12

Ia tongkuratumo jio kota Troas la mpangpeissenanna' karebanna Almaseh, nabenmo' Puang wattu la mangjama jio,

2 Korintus 11:7

Ia tongkupangpeissenan Kareba Kasalamatan lako kalemi, mpamajiongna' kaleku' makkareso na iamo joo kunii mpamatande kamu' sanga moi pissen te'da kupeta'dai kamu' to la kuputuona. Ammisanga ora' kumua iamora joo kupusala lako kamu'!

1 Tesalonika 2:8

Tangngia to kumua sadia mandakan mpangpeissenanni to Kareba Kasalamatan jio mai Puang Allataala, apa moi sunga'ki' sadia tookan mpangbenni, nasaba' liwa'kan mpakamoja' kamu'.

1 Tesalonika 2:9

Miingaran unapa, umbo kikua mangngangah. Mangjama allo-bongi tongankan, dikua anna danggi' kisussai kamu' tongkipangpeissenan Kareba Kasalamatan jio mai Puang Allataala lako kamu'.

1 Petrus 4:17

La nadete'mi wattunna Puang Allataala la rra'tah kara-karana tolino. Ia to kita' umma'-Na Puang Allataala la nara'tah jolo to kara-karata'. Ia ke susimi joo, apa pole'pa la naperasai tuu lako tau to cia' ngkatappa'i to Kareba Kasalamatan jio mai Puang Allataala.